1 NDIDEM 14:10 - Edisana ñwed Abasi Ibom

¹⁰ Mmɔdo, sese, ami nyeda idiɔk-ŋkpɔ ntiene ufɔk Jeroboam, nyenyuŋ nsibe irenowo ufɔk Jeroboam mfep. Ofin ye eyen isɔŋ ke Israel, ndien nyebine ufɔk Jeroboam ŋkpɔri mfep, kpa nte owo ɔkpɔride ifum efep tutu okure.

1 NDIDEM 14:10 ပူးပေါင်းရင်းမြစ်များ

1 NDIDEM 13:34

Ndien edi ŋkpɔ emi ekesin ufɔk Jeroboam ɔdiɔk, man ebiat mmɔ, enyuŋ esobo mmɔ ke iso isɔŋ efep.

1 NDIDEM 16:11

Edikem adaŋemi enye akadade ubɔŋ, onyuŋ etiede ke ebekpo esie, enye osobo ofuri ufɔk Baasha, ikpɔŋke baba erenowo kiet ke otu oruk esie, ye mme ufan esie, inɔ enye.

1 NDIDEM 16:3

ami mmɔŋ ŋkpɔri Baasha ye ufɔk esie mfep; nyenyuŋ nnam ufɔk fo etie nte ufɔk Jeroboam eyen Nebat.

1 NDIDEM 21:21

Sese, ami mmɔŋ nda idiɔk-ŋkpɔ ntiene fi, nnyuŋ mbine fi ndikpɔri fi mfep, nnyuŋ nsibe irenowo Ahab, ye ofin ye eyen-isɔŋ, mfep ke Israel;

2 NDIDEM 14:26

Koro Jehovah okutde nte ukut Israel odorode eti-eti: ndien ofin okure, eyen-isɔŋ onyuŋ okure, owo eke anyaŋade inyuŋ iduhe ke Israel.

2 NDIDEM 21:13

Nyenyuŋ nda uruk Samaria, ye plummet ufɔk Ahab nnyanare ke Jerusalem: nyenyuŋ ŋkwɔhɔre Jerusalem, nte owo ɔkwɔhɔre usan, ke ɔkwɔhɔre, onyuŋ akabare okubi.

2 NDIDEM 9:37

okpo Jezebel eyenyuŋ etie nte ifum ke iso ntan-isɔŋ ke iŋwaŋ Jezreel; ntre ke mmɔ ididɔhɔke ite, Emi edi Jezebel.

ŊWED JOB 20:7

Enye atak ke nsinsi nte ifuɔ esie ndien mmɔ eke ekutde enye edɔhɔ, ete, Enye odu mmɔŋ?

ŊWED MME PSALM 83:10

Ekesobo mmɔ ke Endor: mmɔ ekabare edi ifum isɔŋ.

ISAIAH 14:19

edi emesio fi ke udi fo eduɔk, nte ŋkɔk eto eke etopde eduɔk, ɔfuhɔ mme ɔduɔŋɔ obom, kpa mmɔ emi ekimde mmɔ ke ofut, emi esuhɔrede esim ke mme itiat obube; nte okpo eke edigide ke ukot.

ISAIAH 14:23

Uyo Jehovah edi emi. Nyenyuŋ nnim enye ke se ebiɔŋ adade enyene, ye ke mkpɔdiɔhɔ-mmɔŋ: nnyuŋ nda ifiet nsobo ŋkpɔri enye mfep. Uyo Jehovah mme udim edi emi.

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

JEREMIAH 32:18

emi anamde ima ye mme tɔsin owo, onyuŋ osiode usiene idiɔk ido mme ete esin ke ikpanesit nditɔ mmɔ eke etienede mmɔ edem; Akwa ye Ɔkpɔsɔŋ Abasi Jehovah mme udim edi enyiŋ esie:

JEREMIAH 8:2

enyuŋ esuan mmɔ enɔ utin ye ɔfiɔŋ, ye ofuri udim enyɔŋ, emi mmɔ emade, emi mmɔ enyuŋ enamde ŋkpɔ enɔ mmɔ, emi mmɔ enyuŋ etienede, enyuŋ ebupde mmɔ ŋkpɔ, enyuŋ etuakde ibuot enɔ mmɔ: iditaŋke mmɔ, idinyuŋ ibukke mmɔ ke isɔŋ; mmɔ eyekabare edi ifum ke iso isɔŋ.

EZEKIEL 26:4

Ndien mmɔ eyebiat ibibene Tyre, enyuŋ ewuri mme tower esie: ndien nyekpɔri enye ntan esie mfep, nnyuŋ nnim enye ke edisat itiat.

AMOS 3:6

Nte efuri ukorowo ke obio, ndien mbio-obio inyekke idem? Nte idiɔk-ŋkpɔ odudu ke obio, ke Jehovah minamke?

ZEPHANIAH 1:17

Ndien nyeda ukut ntiene owo, ndien mmɔ eyesaŋa nte nnan, koro mmɔ eduede Jehovah: ndien eyeduɔk iyip mmɔ nte ntan, ye obukidem mmɔ nte ifuɔ.

MALACHI 2:3

Sese, nyeduari mkpasip mbaŋa mbufo; nnyuŋ ntiam ifuɔ nduɔk mbufo ke iso, kpa ifuɔ usɔrɔ mbufo; ndien owo eyemen mbufo efep ɔkɔrɔ ke esit.

DEUTERONOMY 32:36

Koro Jehovah eyekpe ikpe ikɔt esie, eyenyuŋ ɔkpuhɔre ido ye ifin esie, ke ini enye okutde nte odudu ɔbɔhɔde mmɔ, ye nte ofin ye eyen isɔŋ miduhe aba.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.

1 SAMUEL 25:22

Abasi osuk anam ntre ɔnɔ mme asua David, onyuŋ anam ntre aka iso, ke mma ŋkpɔŋ eyen-eren kiet ke otu kpukpru se enye enyenede, ke eyo esierede.

1 SAMUEL 25:34

Ndien ke akpanikɔ ma uwem Jehovah Abasi Israel, emi akpande mi ndinnam fi idiɔk-ŋkpɔ, ke afo mukpawarake udi udusobo ye ami, baba eyen-eren kiet ikpɔsuhɔke inɔ Nabal ke eyo esierede.