1 NDIDEM 13:6 - Edisana ñwed Abasi Ibom

⁶ Ndien edidem ɔbɔrɔ owo Abasi oro, ete, Mbɔk, beŋe Jehovah Abasi fo, nyuŋ kpe enye ubɔk nɔ mi, ete Enye ayak ubɔk mi afiak mi ke idem. Ndien owo Abasi oro ebeŋe Jehovah, ndien ubɔk edidem afiak adiana enye ke idem, onyuŋ akabare etie nte akpa.

1 NDIDEM 13:6 ပူးပေါင်းရင်းမြစ်များ

1 NDIDEM 13:5

Itie-uwa oro onyuŋ asiaha, ntɔŋ onyuŋ oto ke itie-uwa ɔduɔŋɔ ke isɔŋ, ekem ye utibe-ŋkpɔ oro owo Abasi oro akasiakde ke uyo Jehovah.

ŊWED MME PSALM 119:58

Mmekpe fi ubɔk ke ofuri esit mi: fɔn ido ye ami nte afo ɔdɔhɔde.

EXODUS 10:17

Mbɔk, ndien, dahado ke ndudue mi ini emi ikpɔŋ; mbufo enyuŋ ekpe Jehovah Abasi mbufo ubɔk, ete Enye anam suk mkpa emi ikpɔŋ ɔkpɔŋ mi.

EXODUS 12:32

Enyuŋ eda ŋkpri ufene mbufo ye enaŋ mbufo ŋko, nte emi mbufo ekedɔhɔde, eka; enyuŋ ediɔŋ mi ŋko.

EXODUS 8:28

Ndien Pharaoh ete, Ami nyeyak mbufo eka, man mbufo ewa uwa enɔ Jehovah Abasi mbufo ke wilderness; edi mbufo ekuka anyan usuŋ: enam mkpe-ubɔk enɔ mi.

EXODUS 8:4

ntem ikwɔt oro eyedɔk fi, ye mbio-obio fo, ye ikɔt fo kpukpru ke idem.

EXODUS 8:8

Ndien Pharaoh okot Moses ye Aaron edi, onyuŋ ɔdɔhɔ ete, mbufo ekpe Jehovah ubɔk, ete, Enye emen ikwɔt efep ɔbɔ mi, ye mbio-obio mi, ndien nyeyak mbio oro eka, man ekewa uwa enɔ Jehovah.

EXODUS 9:28

Mbufo ekpe Jehovah ubɔk, ndien yak uyom Abasi ye edim - itiat ekem; ndien nyeyak mbufo eka, ndien mbufo idibigike aba. Ndien Moses ɔdɔhɔ enye, ete,

JEREMIAH 37:3

Ndien edidem Zedekiah ɔdɔŋ Jehucal eyen Shelemiah, ye Zephaniah eyen Maaseiah oku, utom ke ɔtɔ Jeremiah prophet, ete, Mbɔk, kpe Jehovah Abasi nnyin ubɔk nɔ nnyin.

ZECHARIAH 7:2

ke ini Bethel edɔŋde Sharezer ye Regemmelech ye ikɔt mmɔ, ete ekpe Jehovah ubɔk:

NUMBERS 12:13

Ndien Moses eseme ɔnɔ Jehovah ete, Mbɔk, Abasi, nam udɔŋɔ okure enye ndien.

NUMBERS 21:7

Ndien kpukpru owo etiene Moses, ekedɔhɔ ete, Nnyin imenam idiɔk: koro nnyin inamde ikɔ ye Jehovah ye afo; kpe Jehovah ubɔk ete enye ɔbɔ nnyin urukikɔt emi efep.

MATTHEW 5:44

Edi Ami ndɔhɔ mbufo nte, ema mme asua mbufo enyuŋ ebɔŋ akam eyom ufɔn mmɔ eke enamde mbufo isin-enyin:

LUKE 23:34

Edi Jesus ete, Ete, dahado nɔ mmɔ koro mmɔ mifiɔkke se mmɔ enamde. Mmɔ esin afia edeme edisine-ŋkpɔ Esie ke otu idem mmɔ.

UTOM MME APOSTLE 7:60

Enye onyuŋ ɔtɔnɔ edɔŋ, ofiori ke ɔkpɔsɔŋ uyo ete, Ɔbɔŋ, kuda idiɔk-ŋkpɔ emi udori mmɔ. Ndien ke ama eketiŋ ntre, enye ede.

UTOM MME APOSTLE 8:24

Edi Simon ɔbɔrɔ ete, Ekpe Ɔbɔŋ ubɔk enɔ mi, ete, se mbufo etiŋde baba kiet okusim mi.

ŊWED MBON ROME 12:14

Ediɔŋ mmɔ emi enamde mbufo isin-enyin; ediɔŋ, ekusuŋi mmɔ.

ŊWED MBON ROME 12:21

Ekuyak idiɔk akan mbufo, edi eda nti erinam ekan idiɔk ubɔk.

ERIYARARE 3:9

Sese, mmɔnɔ mmɔ emi etode synagogue Satan, emi edɔhɔde ete mme imɔ idi mme Jew, ndien mmɔ idige, edi esosu; sese, nyenam mmɔ edi edituak ibuot ke ukot fo, enyuŋ efiɔk ete, Ami ŋkamama fi.

1 SAMUEL 12:19

Ndien kpukpru owo edɔhɔ Samuel, ete, Kpe Jehovah Abasi fo ubɔk nɔ ikɔt fo, man nnyin ikukpaŋa: koro nnyin imada idiɔkŋkpɔ ke eriyom edidem ikɔrɔ ye mme idiɔk ido nnyin efen.

1 SAMUEL 12:23

Ndien ama edi ami, nsa mi! nduehe Jehovah ke eritre ndikpe enye ubɔk nnɔ mbufo: edi nyeteme mbufo eti ye edinen usuŋ: