1 NDIDEM 13:32 - Edisana ñwed Abasi Ibom

³² koro ikɔ oro enye okofioride ke uyo Jehovah, okot itie-uwa emi odude ke Bethel, ye kpukpru mme ufɔk edikoŋ ebiet emi edude ke mme obio Samaria, miditreke ndisu.

1 NDIDEM 13:32 ပူးပေါင်းရင်းမြစ်များ

1 NDIDEM 12:29

Ndien enye ada kiet onim ke Bethel, onyuŋ onim kiet eken ke Dan.

1 NDIDEM 12:31

Enye onyuŋ ɔbɔp ufɔk ke edikoŋ ebiet, onyuŋ osio owo eke midige nditɔ Levi ke ofuri obio, onim ke oku.

1 NDIDEM 13:2

Ndien enye ada uyo Jehovah ofiori okot itie-uwa oro, ete, O itie-uwa! ntem ke Jehovah ɔdɔhɔ ete; Sese, eyen kiet, ekere Josiah, eyemana ɔnɔ ufɔk David; ndien enye eyeda mme oku edikoŋ ebiet eke efɔpde incense ke esit, awa fi ke enyɔŋ; ndien mme ɔkpɔ owo eyefɔbɔ fi ke enyɔŋ.

1 NDIDEM 16:24

Ndien enye edep obot Samaria ye Shemer ke talent silver iba, onyuŋ ɔbɔp (obio) ke obot oro, onyuŋ ada enyiŋ Shemer, andinyene obot, osio obio oro enye ɔkɔbɔpde, okot ete Samaria.

2 NDIDEM 17:29

Edi kpukpru mme idut enam mme abasi mmɔ, enim ke ufɔk edikoŋ ebiet oro mme Samaritan ekenamde, kpukpru mme idut ke mme obio mmɔ emi mmɔ eduŋde do.

2 CHRONICLES 25:13

Ndien mbon udim oro Amaziah akakpande, ete mmɔ efiak ekutiene imɔ edi ekɔŋ, eda esin ke obio Judah, ɔtɔŋɔde ke Samaria, tutu osim ke Beth-horon, enyuŋ ewot tɔsin owo ita, enyuŋ ebume ediwak mbume.

EZRA 4:10

ye mme idut efen emi akamba ɔbɔŋ Osnappar akataŋde edi edinim ke mme obio Samaria, ye mmɔ efen ke edem akpa emi, ye ntre ntre, ewet.

LEVITICUS 26:30

Nyenyuŋ nsobo mme edikoŋ ebiet mbufo, nnyuŋ nsobo mbiet-utin mbufo mfep, nnyuŋ mmen mbukpit mbufo nduɔŋɔ ke mbukpit owo eto mbufo, mbufo eyenyuŋ etek mi esit.

UTOM MME APOSTLE 8:14

Edikem, ke ini mme apostle emi edude ke Jerusalem ekopde ete mbon Samaria ema ebɔ ikɔ Abasi, mmɔ edɔŋ Peter ye John ke ɔtɔ mmɔ: