1 NDIDEM 13:26 - Edisana ñwed Abasi Ibom

²⁶ Ekem prophet oro akadade enye ke usuŋ afiak, okop, onyuŋ ɔdɔhɔ, ete, Enye oro edi owo Abasi emi okotutde utɔŋ ke inua Jehovah: mmɔdo Jehovah ama ada enye ɔnɔ lion emi anuakde enye, onyuŋ owotde enye, ke uyo Jehovah emi ɔkɔdɔhɔde ye enye.

1 NDIDEM 13:26 ပူးပေါင်းရင်းမြစ်များ

2 SAMUEL 12:10

Mmɔdo ofut midikpɔŋke ufɔk fo tutu amama; koro afo emesin mi ke ndek, omonyuŋ ada ŋwan Uriah Hittite ke idemfo ɔdɔ.

2 SAMUEL 12:14

Edi koro afo amada ŋkpɔ emi esin mme asua Jehovah etiŋ idiɔk ikɔ, eyen emi amanade ɔnɔ fi ŋko iditreke ndikpa.

1 NDIDEM 13:25

Ekem, sese, nte owo ebede, mmɔ ekut okpo oro nte anade ke ɔkpɔ-usuŋ, ye nte lion adade okpo ke ŋkaŋ: ndien mmɔ eka eketiŋ ke obio oro akani prophet oduŋde ke esit.

1 NDIDEM 13:27

Ndien enye ɔdɔhɔ nditɔ esiemɔ, ete, Mbufo ediɔŋ ass enɔ mi. Ndien mmɔ ediɔŋ.

ŊWED MME PSALM 119:120

Ndik fo anam mi ndidien ke idem; ndien mfefehe mme ikpe fo.

MME ŊKE 11:31

Edieke edinamde eti owo usiene ke ererimbot; ŋwaŋwa ediso mme idiɔk owo ye mme oburobut owo.

EZEKIEL 9:6

Mbufo ewot ebiowo ye akparawa ye eyen-aŋwan ye iban, esobo; edi ekusaŋa ekpere baba owo kiet eke idiɔŋɔ oro odude enye ke idem; mbufo enyuŋ etɔŋɔ ke edisana ebiet mi.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

1 ŊWED CORINTH 11:30

Ke ntak emi ediwak owo ke otu mbufo ekop mmem-idem enyuŋ eduk udɔŋɔ, ediwak enyuŋ edede.

1 PETER 4:17

Koro ekem ini nte ikpe editɔŋɔde ke ufɔk Abasi; ndien edieke ikpe ɔtɔŋɔde ye nnyin, nso ididi utit mmɔ emi misukke ibuot inɔ gospel Abasi?