1 NDIDEM 13:21 - Edisana ñwed Abasi Ibom

²¹ ndien enye ofiori okot owo Abasi emi okotode ke Judah edi, ete, Ntem ke Jehovah ɔdɔhɔ, ete, Koro afo otutde utɔŋ ke inua Jehovah, munyuŋ unimke ibet oro Jehovah Abasi fo ekebetde fi,

1 NDIDEM 13:21 ပူးပေါင်းရင်းမြစ်များ

GENESIS 3:7

Ndien enyin mmɔ mbiba etara, mmɔ enyuŋ efiɔk ete ke mmimɔ idi iferi; ndien mmɔ ekim ikɔŋ fig edian, enam mbɔbɔ ke idem mmɔ.

2 SAMUEL 24:13

Ntre ke Gad aka ke ebiet David eketiŋ ɔnɔ enye, onyuŋ ɔdɔhɔ enye, ete, Nte isua akaŋ itiaba eyetiene fi ke isɔŋ fo? Mme afo eyefehe itɔk ke ofuri ɔfiɔŋ ita ke iso mme asua fo, ke mmɔ ebinede fi? Mme idiɔk udɔŋɔ usen ita odu ke isɔŋ fo? Fiɔk ndien, nyuŋ kere ikɔ eke ndidade ntiŋ nnɔ Andidɔŋ mi.

2 SAMUEL 6:7

Ndien Jehovah ayat esit ye Uzzah; Abasi onyuŋ ɔtɔ enye do abaŋa ndudue esie; enye onyuŋ akpa do ke ŋkaŋ ekebe Abasi.

1 NDIDEM 13:17

koro ekedɔhɔde mi ke uyo Jehovah, ete, Kudia ŋkpɔ, kunyuŋ uŋwɔŋ mmɔŋ do, kufiak udi ke usuŋ oro afo edisaŋade ke esit aka.

1 NDIDEM 13:20

Edikem ke ini mmɔ etiede do ke okpokoro, uyo Jehovah osim prophet oro akadade enye afiak:

1 NDIDEM 13:22

edi ama afiak, onyuŋ adia ŋkpɔ, onyuŋ ɔŋwɔŋ mmɔŋ ke ebiet emi enye ɔkɔdɔhɔde fi, ete okudia ŋkpɔ, okunyuŋ ɔŋwɔŋ mmɔŋ; okpo fo idisimke udi mme usɔ.

1 NDIDEM 20:36

Ndien enye eken ɔdɔhɔ enye, ete, Koro afo mukokopke uyo Jehovah, sese, ke ini afo ɔnyɔŋde ɔkpɔŋ mi, lion kiet eyewot fi. Ndien adaŋemi enye adianarede ɔkpɔŋ enye, lion kiet osim enye owot.

ESTHER 6:13

Ndien Haman emen kpukpru se ikotibede ye enye, obuk ɔnɔ Zeresh ŋwan esie, ye mme ufan esie kpukpru. Ndien mme ɔfiɔk-ŋkpɔ owo esie, ye Zeresh ŋwan esie, edɔhɔ enye, ete, Edieke Mordecai emi afo ɔtɔŋɔde ndisuhɔre enye ke iso, otode ke oruk mme Jew, afo udukemeke ubɔk ye enye, edi udutreke ndisuhɔre enye ke iso.

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

NUMBERS 20:12

Ndien Jehovah ɔdɔhɔ Moses ye Aaron, ete, Koro mbufo mikenimke uyo mi ke akpanikɔ, inyuŋ ikpono mi ke iso nditɔ Israel, mmɔdo mbufo mididaha mme mmɔ emi iduk ke isɔŋ emi nnɔde mmɔ.

NUMBERS 20:24

koro enye mididukke ke isɔŋ emi nnɔde nditɔ Israel, koro mbufo mikekopke uyo mi ke ɔtɔ mmɔŋ Meribah.

ERIYARARE 3:19

Ami nsasua nnɔ kpukpru mmɔ emi mmade, nnyuŋ ntunɔ mmɔ; nyene ifiopesit ndien, nyuŋ kabare esit.

1 SAMUEL 15:19

Nsinam ndien afo mukopke uyo Jehovah, edi obumere ebine mbume, onyuŋ anam se idiɔkde ke enyin Jehovah?

1 SAMUEL 4:18

Edikem adaŋemi enye ɔdɔhɔ ekebe Abasi, enye (Eli) ebehede ke ebekpo esie ɔduɔ edem-edem ke isɔŋ, ke mben inua-otop, atuak itɔŋ obuŋ, akpa: koro enye edide akani eren, onyuŋ odobide. Enye ama onyuŋ ekpe ikpe Israel ke isua aba.