1 NDIDEM 12:16 - Edisana ñwed Abasi Ibom

¹⁶ Ekem adaŋemi ofuri Israel ekutde ete ke edidem ikopke uyo mmimɔ, mmɔ ebɔrɔ edidem, ete, Nnyin inyene nso ubak ke David? Nnyin inyuŋ inyeneke udeme eyen Jesse: mbufo, O Israel, enyɔŋɔ ke mme tent mbufo: kam se ufɔk fo, O David.

1 NDIDEM 12:16 ပူးပေါင်းရင်းမြစ်များ

2 SAMUEL 15:13

Ekem owo edi editiŋ ɔnɔ David, ete, Esit nditɔ Israel amakabare etiene Absalom.

2 SAMUEL 16:11

Ke nso ke afo anam ntre? David onyuŋ ɔdɔhɔ Abishai, ye kpukpru ikɔt esie, ete, Sese, eyen mi, emi okotode mi ke idem, ke oyoyom uwem mi: ŋwaŋwa-ediso owo Benjamin emi? Mbufo ekukere enye: yak enye osuŋi: koro edi Jehovah ɔkɔdɔhɔ enye.

2 SAMUEL 20:1

NDIEN oburobut owo kiet odu do ekere Sheba, eyen Bichri, eyen Benjamin; ndien enye ofuri ukorowo, onyuŋ ɔdɔhɔ ete, Nnyin inyeneke ubak idem David, inyuŋ inyeneke udeme idem eyen Jesse: yak kpukpru owo enyɔŋɔ ke tent mmɔ, O Israel.

1 NDIDEM 11:11

Ndien Jehovah ɔdɔhɔ Solomon, ete, Koro edide ntem ye afo, mukonyuŋ unimke ediomi mi, ye mme ewuhɔ mi, emi ŋkowukde fi, nditreke ndiwai fi ubɔŋ ke ubɔk mbɔ, nnyuŋ nda enye nnɔ owo fo.

1 NDIDEM 11:13

nyenɔ eyen fo esien kiet mbaŋa David owo mi, nnyuŋ mbaŋa Jerusalem emi ŋkemekde.

1 NDIDEM 11:34

Edi ndibɔhɔ enye kpukpru ubɔŋ ke ubɔk: edi nyenim enye ke ɔbɔŋ ke ofuri eyo uwem esie, mbaŋa David owo mi emi ŋkemekde: koro enye okonimde mbet mi ye mme ewuhɔ mi:

1 NDIDEM 11:35

edi nyebɔ eyen esie ubɔŋ ke ubɔk, nnyuŋ nda enye nnɔ fi, kpa esien duop.

1 NDIDEM 11:36

Edi nyeda esien kiet nnɔ eyen esie, kpaŋ David owo mi ekpenyene utuenikaŋ kpukpru ini ke iso mi ke Jerusalem, obio emi ŋkemekde ke idem mi, ndinim enyiŋ mi do.

1 NDIDEM 11:39

Ndien nyetuhɔ ubon David mbaŋa ŋkpɔ emi, edi ndituhɔke kpukpru ini.

1 NDIDEM 22:17

Ndien enye eken ɔdɔhɔ ete, Ŋkokut ofuri Israel, nte esuanade ke ikpɔ obot, nte erɔŋ eke minyeneke ekpeme: ndien Jehovah ɔdɔhɔ ete, Mme mmɔ emi inyeneke ɔbɔŋ: yak kpukpru mmɔ efiak ke ufɔk mmɔ ke ifure.

1 NDIDEM 22:36

Ekem ke ini usop-utin, mfiori asaŋa ke ufɔt nna, ete, Yak kpukpru owo enyɔŋɔ ke obio mmɔ ye edem mmɔ.

2 CHRONICLES 10:16

Ndien adaŋemi ofuri Israel ekutde, ete ke edidem ikopke uyo mmimɔ, mbon oro ebɔrɔ edidem, ete, Ewe ubak ke nnyin inyene ke David? Nnyin inyuŋ inyeneke udeme eyen Jesse. Yak kpukpru owo enyɔŋɔ ke mme tent mmɔ, O Israel! David, se ndien ufɔk fo. Ndien ofuri Israel enyɔŋɔ ke tent mmɔ.

ŊWED MME PSALM 132:17

Do ke ndinam nduk otibe ɔnɔ David: mmɔdiɔŋ utuenikaŋ nnɔ Messiah fo.

ŊWED MME PSALM 76:10

Koro ifuresit owo otorode fi: afo ada ifuresut eke ɔsuhɔde ɔbɔbɔ ke idem.

MME ŊKE 15:1

SUŊ-SUŊ ibɔrɔ akabare ifiopesit efep: edi uyat ikɔ edemere iyaresit.

ISAIAH 7:17

Jehovah eyeda oruk usen emi akananam midige toto ke usen oro Ephraim akadahade ɔkpɔŋ Judah, etiene fi, ye ikɔt fo, ye ufɔk usɔ, kpa edidem Assyria.

ISAIAH 7:2

Ndien etɔt ufɔk David, ete, Syria ke ɔsuhɔre etie ke otu Ephraim. Ndien esit enyek enye, onyuŋ enyek ikɔt esie, kpa nte ini ofum enyeŋede eto akai.

JEREMIAH 33:21

ndien eyekeme ndibiat ediomi mi (emi ŋkodiomide) ye David owo mi, man enye okunyene eyen eke edidade ubɔŋ ke ebekpo esie, ye eke mme Levite mme oku ŋko emi esaŋade utom enɔ mi.

EZEKIEL 37:16

Ndien afo eyen owo da eto kiet, nyuŋ wet “Eke Judah, ye eke nditɔ Israel nsaŋa esie,” sin ke esit: ndien da eto kiet (eŋwen), nyuŋ wet, ete, “Eke Joseph, eto Ephraim, ye ofuri ufɔk Israel nsaŋa esie,” sin ke esit:

MARK 3:24

Edieke obio edidem abaharede ada aŋwana ye idem esie, obio oro ikemeke ndisɔŋɔ nda.

LUKE 19:14

Edi mbio-obio esie esua enye, enyuŋ edɔŋ mme isuŋutom etiene enye ke edem, ete, Nnyin iyomke owo emi akara nnyin.

LUKE 19:27

Edi ama edi mme asua mi emi mikoyomke ami ŋkara mmɔ, eda mmɔ edi mi, enyuŋ ewot mmɔ ke iso mi.

JOHN 13:8

Peter ete Enye, Uduyetke mi ukot. Jesus ɔbɔrɔ enye ete, Edieke mmenyetke fi, afo usuaŋake ŋkpɔ ye Ami.

JUDGES 8:35

mmɔ inyuŋ ifɔnke ido ye ufɔk Jerubbaal, kpa Gideon, nte ekemde ye kpukpru ufɔn eke enye ɔkɔfɔnde ye Israel.

JUDGES 9:28

enyuŋ esuŋi Abimelech. Ndien Gaal eyen Ebed ɔdɔhɔ ete, Abimelech edi anie? Shechem enyuŋ edi mme anie, eke nnyin ikpedide ikɔt esie? Nte enye idige eyen Jerubbaal? Nte Zebul idige andidaha owo esie? Mbufo edi ikɔt nditɔ Hamor ete Shechem: nnyin inyuŋ inam didie idi ikɔt esie?