Ndien Joseph okut nditɔ-ete esie, onyuŋ ɔdiɔŋɔ mmɔ, edi onim idem nte idiɔŋɔke mmɔ, onyuŋ ɔsɔŋɔ uyo ɔdɔhɔ ye mmɔ; enye onyuŋ obup mmɔ ete, Mbufo eto mmɔŋ? Ndien mmɔ ete, Ito ke idut Canaan idi udia ndidep.
enye onyuŋ ɔbɔrɔ mmɔ ke item mkparawa, ete, Ete mi akanam ɔkpɔnɔ odobi mbufo, edi ami nyekɔrɔ mbufo ɔkpɔnɔ efen: ete mi akamia mbufo ke ikpa, edi ami nyemia mbufo ke scorpion.
Ndien anie ɔfɔfiɔk mme enye edidi owo eti ibuot, mme edidi owo ndisime? Edi enye eyekara ofuri ɔkpɔsɔŋ utom mi emi ŋkadade eti ibuot nnam ke idak utin: emi onyuŋ edi ikpikpu ŋko.
Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.