1 NDIDEM 11:9 - Edisana ñwed Abasi Ibom

⁹ Ndien Jehovah ayat esit ye Solomon, koro esit esie akabarede ɔkpɔŋ Jehovah Abasi Israel, emi okowutde enye idem utim ikaba;

1 NDIDEM 11:9 ပူးပေါင်းရင်းမြစ်များ

2 SAMUEL 11:27

Ekem adaŋemi utua-eyet okurede, David ɔdɔŋ ekeda enye edi ke ufɔk esie, ndien enye akabare edi ŋwan esie, onyuŋ aman eyen ɔnɔ enye. Edi ŋkpɔ oro David akanamde ntre ayat Jehovah esit.

2 SAMUEL 6:7

Ndien Jehovah ayat esit ye Uzzah; Abasi onyuŋ ɔtɔ enye do abaŋa ndudue esie; enye onyuŋ akpa do ke ŋkaŋ ekebe Abasi.

1 NDIDEM 11:8

Ntem ke enye anam ɔnɔ kpukpru isen iban esie, emi efɔpde incense, enyuŋ ewade uwa enɔ mme abasi mmɔ.

1 NDIDEM 3:5

Ekem Jehovah okowut Solomon idem ke Gibeon, ke ndap ke okoneyo: Abasi onyuŋ ɔdɔhɔ, ete, Beŋe se ndinɔde fi.

1 NDIDEM 9:2

ndien Jehovah ɔtɔŋɔ ntak owut Solomon idem, kpa nte okowutde enye ke Gibeon.

1 CHRONICLES 21:7

Ndien ŋkpɔ emi ɔdiɔk ke iso Abasi: mmɔdo enye amiade Israel.

EXODUS 4:14

Ndien Jehovah ayat esit ye Moses, onyuŋ ɔdɔhɔ ete, Nte Aaron Levite idige eyen-uka? mmɔfiɔk nte enye otimde nditiŋ ikɔ. Ndien ŋko, sese, enye ɔmɔŋ owɔrɔ edi ndisobo ye afo: ndien, ke ini edikutde fi, enye eyedat esit.

MME ŊKE 4:23

Tim kpeme esit fo kan kpukpru se ekpemede; koro uwem otode enye.

HOSEA 4:11

Use ye wine ye obufa wine eda (mmɔ) esit.

NUMBERS 12:9

Ndien Jehovah ayat esit ye mmɔ; ndien enye ɔnyɔŋ.

DEUTERONOMY 3:26

Edi Jehovah akayat esit ye ami abaŋa mbufo, ndien ikopke uyo mi: Jehovah onyuŋ ɔdɔhɔ mi, ete, Yak ekem fi; kutɔŋɔ aba ntak udɔhɔ mi ubaŋa ŋkpɔ emi.

DEUTERONOMY 7:4

Koro mmɔ eyenam eyen-eren fo akabare etre nditiene mi, ndien mmɔ eyenam ŋkpɔ abasi efen: ndien iyaresit Jehovah eyefiop ye mbufo, enye eyeyuŋ awara ndisobo fi.

DEUTERONOMY 9:20

Edi Jehovah okop uyo mi ke ini oro ŋko. Jehovah onyuŋ ayat esit ye Aaron ŋko eti-eti, ete isobo enye; ndien nnam mkpe-ubɔk nnɔ Aaron ŋko ke ini oro.

DEUTERONOMY 9:8

Ndien ŋko ke Horeb mbufo ekeyat Jehovah esit, ndien Jehovah ofiop esit ye mbufo ete isobo mbufo.

2 ŊWED TIMOTHY 4:10

Koro Demas ɔmɔkpɔŋ mi, sia enye amade eyo emi odude ke emi, adaha ɔnyɔŋ ke Thessalonica; Crescens aka Galatia, Titus onyuŋ aka Dalmatia.

1 SAMUEL 15:11

Mmatua mkpɔfiɔk koro ŋkonimde Saul ke edidem: koro enye ama akabare ɔkpɔŋ mi, inyuŋ inamke uyo mi. Ndien Samuel ayat esit, onyuŋ eseme ɔnɔ Jehovah ke ofuri okoneyo.