1 NDIDEM 11:7 - Edisana ñwed Abasi Ibom

⁷ Ndien Solomon anam edikoŋ ebiet ɔnɔ Chemosh, mbubiam-ŋkpɔ Moab, onyuŋ anam ɔnɔ Molech, mbubian-ŋkpɔ nditɔ Ammon, ke akamba obot emi asakde iso ese Jerusalem.

1 NDIDEM 11:7 ပူးပေါင်းရင်းမြစ်များ

GENESIS 33:2

ye ifin iban iba oro, Enye onyuŋ onim ifin iban ye nditɔ mmɔ ke mbemiso, onyuŋ esin Leah ye nditɔ esie ke ufɔt, ndien onim Rachel ye Joseph ke ukpere-edem.

2 SAMUEL 15:30

Ekem David ɔdɔk ke obot Olive, ɔdɔk, atuak eyet, onyuŋ ɔfuhɔ ŋkpɔ ke ibuot esie, onyuŋ asaŋa ɔfiɔn ikpat; ndien kpukpru owo eke edude ye enye enyuŋ efuhɔ ibuot mmɔ; mmɔ enyuŋ edɔk, etua eyet ŋko.

1 NDIDEM 11:5

Edi Solomon aka eketiene Ashtoreth idem mme Zidonian, ye Milcom mbubiam-ŋkpɔ mme Ammonite.

1 NDIDEM 11:6

Ntre ke Solomon anam idiɔk ke iso Jehovah, inyuŋ itimke itiene Jehovah, nte David ete esie.

1 NDIDEM 11:8

Ntem ke enye anam ɔnɔ kpukpru isen iban esie, emi efɔpde incense, enyuŋ ewade uwa enɔ mme abasi mmɔ.

1 NDIDEM 15:12

Enye onyuŋ osobo mbon-use-sodom ke isɔŋ efep onyuŋ emen kpukpru nsu-nsu abasi emi mme ete esie ekenamde, ɔduɔŋɔ.

2 NDIDEM 23:10

Enye onyun asabara Topheth, emi odude ke ebedeŋ nditɔ Hinnom, man owo baba kiet okunam eyen-eren esie, ye eyen esie aŋwan ebe oduk ke ikaŋ ɔnɔ Molech.

2 CHRONICLES 21:11

Enye ŋko onyuŋ anam edikoŋ ebiet ke ikpɔ obot Judah, onyuŋ esin mme andiduŋ Jerusalem enam use, onyuŋ enyik Judah enam ntre.

ŊWED MME PSALM 78:58

Enyuŋ eyat enye esit ke edikoŋ ebiet mmɔ, enyuŋ esin enye ofibe ufup ke edisɔi mbiet mmɔ.

ISAIAH 44:19

Ndien enye inyimeke ndikabare ŋkere ke esit esie, ifiɔk ye eti ibuot inyuŋ iduhe du, eke enye ɔkpɔdɔhɔde, ete, Mma mfɔp ubak ke ikaŋ; mma nsaŋ uyo ŋko ke ebok ikaŋ esie; mma mfɔp unam nnyuŋ nta: ndien nte ndida se isuhɔde nnam ŋkpɔ mbubiam? nte ndinuhɔ nnɔ ekpat eto?

JEREMIAH 32:31

Koro obio emi ama edi ŋkpɔ iyaresit mi ye ifuresit mi toto ke usen oro ekebɔpde enye, tutu osim mfin emi; man mmen enye ke iso mi mfep:

JEREMIAH 32:35

Mmɔ enyuŋ ebɔp edikoŋ ebiet Baal oro odude ke itihere eyen Hinnom, enyuŋ enam nditɔ-iren mmɔ ye nditɔ-iban mmɔ ebe eduk ke esit ikaŋ enɔ Molech, eke mme ŋkowukke mmɔ, enye mikonyuŋ idukke mi esit: mmɔ enam ido mbubiam emi, man esin Judah enam idiɔk.

JEREMIAH 48:13

Ndien but eyenam Moab abaŋa Chemosh, kpasuk nte but akanamde ufɔk Israel abaŋa Bethel mbuɔtidem mmɔ.

JEREMIAH 48:46

Osuk ɔdɔ-diɔk ɔnɔ fi, Moab! Ikɔt Chemosh emebiara: koro etaŋde nditɔ-iren fo efep, etaŋ nditɔ-iban fo nte mbuot-ekɔŋ.

EZEKIEL 18:12

eke otukde owo ukut ye ubuene, owode ŋwo, ndien misanake ubiɔŋ iyak, onyuŋ emenere enyin esie ese ibɔk, anam mbubiam;

DANIEL 11:31

Ndien ubɔk eyeto enye ke idem edaha eda, enyuŋ esabare edisana ebiet odudu, enyuŋ esio nsinsi uwa efep, enyuŋ enim mbubiam ŋkpɔ eke osobode.

DANIEL 12:11

Ndien toto ke ini emi edisiode nsinsi uwa efep enyuŋ ediɔkde ŋkpɔ mbubiam nsobo, edi tɔsin usen ye usen ikie iba ye anaŋ ye duop.

LEVITICUS 26:30

Nyenyuŋ nsobo mme edikoŋ ebiet mbufo, nnyuŋ nsobo mbiet-utin mbufo mfep, nnyuŋ mmen mbukpit mbufo nduɔŋɔ ke mbukpit owo eto mbufo, mbufo eyenyuŋ etek mi esit.

MICAH 1:5

Ofuri ŋkpɔ emi oto ke idiɔk ido Jacob, ye ke ndudue ufɔk Israel. Nsidi ndudue Jacob? Nte idige Samaria? Nsidi ŋkokoŋo ebiet Judah? Nte idige Jerusalem?

ZECHARIAH 14:4

Ndien ke usen oro ukot esie eyeda ke enyɔŋ obot Olive emi anade ke iso Jeru-salem ke edem usiaha-utin, ndien obot Olive eyesiaha ufɔt-ufɔt ese edem usiakha-utin ye edem usop-utin, esine ke ata akamba itihere; ndien ubak obot kiet eyesehere aka edem edere, ubak eken eyenyuŋ aka edem usuk.

NUMBERS 21:29

Osuk ɔdɔdiɔk ɔnɔ fi, Moab! mbio Chemosh mbufo emetak. Enye ama ada nditɔ-eren esie ye nditɔ esie iban emi ebɔhɔde, ɔnɔ Sihon ɔbɔŋ mme Armorite ke ifin.

NUMBERS 33:52

ndien mbufo ebin kpukpru mme andiduŋ isɔŋ ke iso mbufo efep, enyuŋ ebiat kpukpru owo itiat mmɔ, enyuŋ ebiat kpukpru editara mbiet mmɔ, enyuŋ ewuri kpukpru edikoŋ ebiet mmɔ.

MATTHEW 26:30

Ekem ke mmɔ ema ekɔkwɔ ikwɔ, mmɔ ewɔŋɔ eka ke Obot Olive.

UTOM MME APOSTLE 1:12

Ekem mmɔ eto ke obot emi ekerede Olivet, emi eseherede ɔkpɔŋ Jerusalem isaŋ usen sabbath kiet, efiak edi ke Jerusalem.

UTOM MME APOSTLE 1:9

Ndien ke Enye ama eketiŋ ikɔ oro ama, nte mmɔ esuk esede, emen Enye edɔk ke enyɔŋ; ndien ikpa-enyɔŋ ofuk Enye, mmɔ inyuŋ ikwe Enye aba.

UTOM MME APOSTLE 7:43

Mbufo ekebiom ataya Moloch, Ye ntantafiɔŋ abasi emi ekerede Rephan; Mme mbiet eke mbufo ekebotde enim ndituak ibuot nnɔ mmɔ; Ndien nyetaŋ mbufo mfep nnim ke edem Babylon oko.

DEUTERONOMY 13:14

ndien tim yom, nyuŋ duŋɔ, nyuŋ tim bup; ndien sese, ama edi akpanikɔ, ama ekem ke uyo emi, ema enam mbubiam emi ke otu mbufo;

DEUTERONOMY 27:15

Ɔdɔdiɔk ɔnɔ owo eke anamde edisɔi mme editara mbiet, emi Jehovah esede ke mbubiam, utom ubɔk anam-usɔ, ndien emen enye onim ke ndibe ebiet. Ndien yak kpukpru owo ebɔrɔ ete, Amen.

JUDGES 11:24

Nte afo udaha se Chemosh abasi fo ɔnɔde fi enyene? Ntre ke nnyin idida kpukpru se Jehovah Abasi nnyin ebinde ke iso nnyin efep.