1 NDIDEM 11:5 - Edisana ñwed Abasi Ibom

⁵ Edi Solomon aka eketiene Ashtoreth idem mme Zidonian, ye Milcom mbubiam-ŋkpɔ mme Ammonite.

1 NDIDEM 11:5 ပူးပေါင်းရင်းမြစ်များ

1 NDIDEM 11:33

koro mmɔ emekpɔŋ mi, emenyuŋ etuak ibuot enɔ Astoreth idem Zidon, ye Chemosh idem Moab, ye Milcom idem nditɔ Ammon; inyuŋ isaŋake ke usuŋ mi, inyuŋ inamke se inende ke enyin mi, inyuŋ inimke mme ewuhɔ mi, ye mbet mi, nte David ete esie.

1 NDIDEM 11:6

Ntre ke Solomon anam idiɔk ke iso Jehovah, inyuŋ itimke itiene Jehovah, nte David ete esie.

1 NDIDEM 11:7

Ndien Solomon anam edikoŋ ebiet ɔnɔ Chemosh, mbubiam-ŋkpɔ Moab, onyuŋ anam ɔnɔ Molech, mbubian-ŋkpɔ nditɔ Ammon, ke akamba obot emi asakde iso ese Jerusalem.

2 NDIDEM 23:13

Edidem onyuŋ asabare mme edikoŋ ebiet oro edude ke iso Jerusalem, mmɔ oro edude ke edem nnasia obot mbubiam, emi Solomon edidem Israel ɔkɔbɔpde ɔnɔ Ashtoreth, mbubiam ŋkpɔ mme Zidonian, ye Chemosh, mbubiam ŋkpɔ Moab, ye Milcom mbubiam ŋkpɔ nditɔ Ammon.

ISAIAH 44:19

Ndien enye inyimeke ndikabare ŋkere ke esit esie, ifiɔk ye eti ibuot inyuŋ iduhe du, eke enye ɔkpɔdɔhɔde, ete, Mma mfɔp ubak ke ikaŋ; mma nsaŋ uyo ŋko ke ebok ikaŋ esie; mma mfɔp unam nnyuŋ nta: ndien nte ndida se isuhɔde nnam ŋkpɔ mbubiam? nte ndinuhɔ nnɔ ekpat eto?

LEVITICUS 18:21

Kunyuŋ uda ubon fo unɔ Molech man ebe oduk (ke ikaŋ), kunyuŋ ubiat enyiŋ Abasi fo: ami ndi Jehovah.

ZEPHANIAH 1:5

ye mmɔ eke etuakde ibuot enɔ mbon ikpa-enyɔŋ ke enyɔŋ ɔkɔm ufɔk; ye mmɔ eke etuakde ibuot enyuŋ eŋwɔŋɔde enɔ Jehovah, enyuŋ eŋwɔŋɔde enɔ Malcam;

JUDGES 10:6

Ndien nditɔ Israel etɔŋɔ ntak enam idiɔk ke iso Jehovah, enyuŋ enam ŋkpɔ Baalim ye eke Ashtaroth, ye eke ndem Syria, ye eke ndem Zidon, ye eke ndem Moab, ye eke ndem nditɔ Ammon, ye eke ndem mme Philistine; mmɔ enyuŋ ekpɔŋ Jehovah, inyuŋ inamke ŋkpɔ esie.

JUDGES 2:11

Ndien nditɔ Israel enam idiɔk ke enyin Jehovah, enyuŋ enam ŋkpɔ Baalim:

JUDGES 2:13

Ntem ke mmɔ ekpɔŋ Jehovah, enyuŋ enam ŋkpɔ Baal ye Ashtaroth.

1 SAMUEL 12:10

Ndien mmɔ eseme enɔ Jehovah, ete, Nnyin imanam idiɔk, koro nnyin ikpɔŋde Jehovah, inyuŋ inamde ŋkpɔ Baalim ye Ashtaroth: edi kam sio nnyin ke ubɔk mme asua nnyin, ndien nnyin iyenam ŋkpɔ fo.