Edi nyeda esien kiet nnɔ eyen esie, kpaŋ David owo mi ekpenyene utuenikaŋ kpukpru ini ke iso mi ke Jerusalem, obio emi ŋkemekde ke idem mi, ndinim enyiŋ mi do.
Ndien ama ekem edieke afo edikopde kpukpru se ami ntemede fi, edinyuŋ asaŋade ke usuŋ mi, onyuŋ anam se inende ke iso mi, onyuŋ onim mme ewuhɔ mi ye mbet mi, kpa nte David owo mi akanamde; nyedu ye afo, ndien, nnyuŋ mbɔp ɔkpɔsɔŋ ufɔk nnɔ fi.
ŋkonyuŋ ŋwai ubɔŋ ufɔk David mbɔ, nda nnɔ fi, ndien afo ukanamke nte owo mi David, emi okonimde mbet mi, onyuŋ ebinede mi ke ofuri esit esie, onyuŋ anam se inende mi ke enyin ikpɔŋ-ikpɔŋ,
Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.
Joseph ŋko oto ke obio Nazareth, ke Galilee, ɔdɔk aka ke Judaea, ke obio David emi ekerede Bethlehem, koro enye edide owo ufɔk ye oruk David, ndisin enyiŋ esie ke ŋwed;