1 NDIDEM 11:38 - Edisana ñwed Abasi Ibom

³⁸ Ndien ama ekem edieke afo edikopde kpukpru se ami ntemede fi, edinyuŋ asaŋade ke usuŋ mi, onyuŋ anam se inende ke iso mi, onyuŋ onim mme ewuhɔ mi ye mbet mi, kpa nte David owo mi akanamde; nyedu ye afo, ndien, nnyuŋ mbɔp ɔkpɔsɔŋ ufɔk nnɔ fi.

1 NDIDEM 11:38 ပူးပေါင်းရင်းမြစ်များ

2 SAMUEL 7:11

ɔtɔŋɔde ke usen oro ami ŋkonimde mme eberikpe ke mme etubom ikɔt mi Israel; mma nnyuŋ nnɔ fi nduɔk-odudu ɔbɔhɔ kpukpru mme asua fo. Jehovah onyuŋ asian fi ete iyenam ufɔk inɔ fi.

2 SAMUEL 7:16

Ntre ke ufɔk fo ye ubɔŋ fo edisɔŋ eda ke iso fo ke nsinsi: ebekpo fo eyewuhɔ ke nsinsi.

1 NDIDEM 11:37

Ndien ami nyeda fi, afo eyenyuŋ akara kpukpru se ukpɔŋ fo oyomde, onyuŋ edi edidem Israel.

1 NDIDEM 11:39

Ndien nyetuhɔ ubon David mbaŋa ŋkpɔ emi, edi ndituhɔke kpukpru ini.

1 NDIDEM 11:4

Edikem ke ini usɔŋ Solomon, iban esie eyut enye esit, esin enye akabare etiene abasi efen; ndien ofuri esit esie isaŋake ye Jehovah Abasi esie, nte esit David ete esie.

1 NDIDEM 3:14

Ndien edieke afo edisaŋade ke usuŋ mi, onyuŋ onim mme ewuhɔ mi ye mbet mi, kpa nte David usɔ akasaŋade, nyenam mme usen fo ebigi.

1 NDIDEM 6:12

Ama edi ufɔk emi afo ɔbɔpde, afo ama asaŋa ke mme ewuhɔ mi, onyuŋ anam mme item mi, onyuŋ onim ibet mi kpukpru, onyuŋ asaŋa ke esit; ndien nyenam uyo mi oro ŋkodɔhɔde David usɔ,

1 CHRONICLES 17:10

ye tutu osim ke ini oro ŋkonimde mme ebierikpe, nte ekara ikɔt mi Israel. Ndien ŋko nyesuan kpukpru mme asua fo. Ndien ŋko ndɔhɔ fi, nte ke Jehovah edinam ufɔk ɔnɔ fi.

EXODUS 1:21

Edikem, koro mme omum uman oro ebakde Abasi, enye anam ufɔk ɔnɔ mmɔ.

EXODUS 19:5

Mmɔdɔ edieke mbufo miditreke ndikop uyo mi, nnyuŋ nnim ediomi mi, mbufo eyedi ndien akpan inyene mi ekan kpukpru obio: koro ofuri ererimbot edide okim.

ZECHARIAH 3:7

Ntem ke Jehovah mme udim ɔdɔhɔ, ete, Edieke afo asaŋaade ke usuŋ mi, onyuŋ onimde ido mi, ndien afo eyekpe ufɔk mi, onyuŋ ekpeme okure mi ŋko, ndien nyenɔ fi ebiet eke afo asaŋade ke otu mme mmɔ emi edade mi.

DEUTERONOMY 12:25

Kudia enye; man ɔfɔn fi, ye nditɔ fo emi editienede fi, ke ini afo anamde se inende ke enyin Jehovah.

DEUTERONOMY 15:5

edieke afo edikopde uyo Jehovah abasi fo, onyuŋ ekpemede ndinim kpukpru mbet emi ami mbetde fi mfin emi.

DEUTERONOMY 31:8

Onyuŋ edi Jehovah ebem fi iso asaŋa; enye eyedu ye afo, idikpɔŋke fi, idinyuŋ iduɔkke fi: kufehe ndik, kunyuŋ uyomo nsia.

JOSHUA 1:5

Baba owo kiet idibiɔŋɔke fi ke iso, ke ofuri ini uwem fo: nyedu ye afo kpa nte ŋkodude ye Moses: ndiyakke fi nduɔk, ndinyuŋ ŋkpɔŋke fi.

1 SAMUEL 2:35

Ndien nyenam oku akpanikɔ adaha da ɔnɔ mi, enye eyenam kpa nte odude ke esit mi ye ke ekikere mi; nyenyuŋ mbɔp ɔkpɔsɔŋ ufɔk nnɔ enye; ndien enye eyesaŋa ke iso Messiah mi ke nsinsi.