1 NDIDEM 11:36 - Edisana ñwed Abasi Ibom

³⁶ Edi nyeda esien kiet nnɔ eyen esie, kpaŋ David owo mi ekpenyene utuenikaŋ kpukpru ini ke iso mi ke Jerusalem, obio emi ŋkemekde ke idem mi, ndinim enyiŋ mi do.

1 NDIDEM 11:36 ပူးပေါင်းရင်းမြစ်များ

2 SAMUEL 21:17

Edi Abishai eyen Zeruiah anyaŋa enye, onyuŋ ɔtɔ Philistine oro owot. Ndien ikɔt David ewuk enye, ete Afo kuwɔrɔ aba utiene nnyin uka ekɔŋ, kunyuŋ unime utuenikaŋ Israel.

2 SAMUEL 22:29

Koro afo edide utuenikaŋ mi, O Jehovah: Jehovah onyuŋ aŋwaŋade ekim mi.

2 SAMUEL 7:16

Ntre ke ufɔk fo ye ubɔŋ fo edisɔŋ eda ke iso fo ke nsinsi: ebekpo fo eyewuhɔ ke nsinsi.

2 SAMUEL 7:29

mbɔk, ndien, nyime ndidiɔŋ ufɔk owo fo, man enye odu ke nsinsi ke iso fo: koro afo, O Ɔbɔŋ Jehovah, ɔmɔdɔhɔ: nyuŋ da nti ŋkpɔ fo diɔŋ ufɔk owo fo ke nsinsi.

1 NDIDEM 11:13

nyenɔ eyen fo esien kiet mbaŋa David owo mi, nnyuŋ mbaŋa Jerusalem emi ŋkemekde.

1 NDIDEM 11:32

(edi enye eyeda esien kiet abaŋa owo mi David, ye Jerusalem, obio emi ŋkemekde ke kpukpru esien Israel:)

1 NDIDEM 11:37

Ndien ami nyeda fi, afo eyenyuŋ akara kpukpru se ukpɔŋ fo oyomde, onyuŋ edi edidem Israel.

1 NDIDEM 12:17

Ndien Israel enyɔŋɔ ke mme tent mmɔ. Edi ama edi nditɔ Israel emi eduŋde ke mme obio Judah. Rehoboam edi edidem mmɔ.

1 NDIDEM 14:21

Ndien Rehoboam eyen Solomon edi edidem ke Judah. Rehoboam osim isua aba ye kiet ke ini enye adade ubɔŋ, onyuŋ edi edidem ke isua efureba ke Jerusalem, obio oro Jehovah ekemekde ke otu kpukpru esien Israel, ndisin enyiŋ esie do. Ndien enyiŋ eka esie ekere Naamah ŋwan Ammon.

1 NDIDEM 15:4

Edi Jehovah Abasi esie ɔnɔ enye utuenikaŋ ke Jerusalem, abaŋa David ete esie; onyuŋ anam eyen esie etiene enye adaha ada, onyuŋ anam Jerusalem ɔsɔŋ ada:

1 NDIDEM 2:4

man Jehovah onim uyo esie emi enye ɔkɔdɔhɔde mi, ete, Edieke nditɔ fo ekpemede ikpat isaŋ mmɔ, enyuŋ esaŋa ke iso mi ke akpanikɔ, ke ofuri esit mmɔ, ye ke ofuri ukpɔŋ mmɔ: ete, Owo eke etiede ke ebekpo Israel idinanake fi.

1 NDIDEM 8:29

yak enyin fo esuk ese ufɔk emi ke okoneyo ye ke uwemeyo, kpa ebiet emi afo ɔdɔhɔde ete, “Enyiŋ mi eyedu do:” nyuŋ kop akam eke owo fo edibɔŋde ese ebiet emi.

1 NDIDEM 9:3

Ndien Jehovah ɔdɔhɔ enye, ete, Mmokop akam fo, ye mkpe-ubɔk fo oro afo akanamde ke iso mi: mmonim ufɔk emi afo ɔkɔbɔpde, ke edisana, man nnim enyiŋ mi do ke nsinsi: ndien enyin mi ye esit mi eyedu do kpukpru ini.

2 NDIDEM 8:19

Edi Jehovah inyimeke ndibiat Judah, mbaŋa David owo esie, kpa nte enye ɔkɔŋwɔŋɔde ɔnɔ enye, ete iyeda utuenikaŋ inɔ enye, kpa nditɔ esie, ke nsinsi.

2 CHRONICLES 12:13

Ntem ke edidem Rehoboam ɔsɔŋ itie esie ke Jerusalem, onyuŋ ada ubɔŋ, koro Rehoboam osimde isua aba ye kiet ke ini enye adade ubɔŋ, enye onyuŋ edi edidem ke isua efureba ke Jerusalem, obio emi Jehovah ekemekde ke kpukpru esien Israel, ndinim enyiŋ esie do: enyiŋ eka esie onyuŋ ekere Naamah, ŋwan Ammon.

2 CHRONICLES 21:7

Edi Jehovah inyimeke ndisobo ufɔk David, koro enye ama okonyuŋ ɔdɔhɔ, ete ke imɔ iyenɔ enye ye nditɔ esie utuen-ikaŋ ke nsinsi.

ŊWED MME PSALM 132:17

Do ke ndinam nduk otibe ɔnɔ David: mmɔdiɔŋ utuenikaŋ nnɔ Messiah fo.

MME HEBREW 12:22

Edi mbufo ekesaŋa ekpere Obot Zion, ye Obio Abasi uwem kpa Jerusalem enyɔŋ, ye ata ediwak angel, ye akwa esop ye ufɔk Abasi eke mmɔ emi edide ikpan,

ERIYARARE 21:10

Ndien enye emen mi ke Spirit adaha aka ke akwa edikoŋ obot, onyuŋ owut mi Jerusalem, edisana obio, emi otode Abasi ɔsuhɔre ke heaven edi, emi enyenede ubɔŋ Abasi: