1 NDIDEM 11:31 - Edisana ñwed Abasi Ibom

³¹ Bɔ mbak duop ke idemfo: koro ntem ke Jehovah Abasi Israel ɔdɔhɔ ete, Sese, ami mmɔŋ ŋwai idut emi ke ubɔk Solomon mfep, nyenyuŋ nnɔ fi esien duop:

1 NDIDEM 11:31 ပူးပေါင်းရင်းမြစ်များ

2 SAMUEL 19:43

Ndien nditɔ Israel ebɔrɔ nditɔ Judah, ete, Nnyin imenyene ubak idem edidem duop, nnyin ime-nyuŋ inyene David ikan mbufo: nsinam mbufo esede nnyin ndien ke ndek? Nte uyo nnyin ikedige mbemiso ŋko ke ndida edidem mfiak ndi? Edi uyo nditɔ Judah ɔsɔŋ akan uyo nditɔ Israel.

1 NDIDEM 12:15

Ntre ke edidem ikopke inɔ mbon oro: koro Jehovah akanamde ɔwɔrɔ ntem, man enye anam uyo esie, emi Jehovah akadade inua Ahijah a Shiloh ɔdɔhɔ, osu ɔnɔ Jeroboam eyen Nebat.

1 NDIDEM 14:2

Mbɔk, daha ke enyɔŋ, foro owo efen, man ekufiɔk ete ke afo edi ŋwan Jeroboam: ndien ka ke Shiloh: sese, Ahijah prophet oro ɔkɔdɔhɔde abaŋa mi ete ke ami ndida ubɔŋ obio emi, odu do.

1 NDIDEM 14:8

ŋkonyuŋ ŋwai ubɔŋ ufɔk David mbɔ, nda nnɔ fi, ndien afo ukanamke nte owo mi David, emi okonimde mbet mi, onyuŋ ebinede mi ke ofuri esit esie, onyuŋ anam se inende mi ke enyin ikpɔŋ-ikpɔŋ,

2 NDIDEM 17:21

Koro enye akawaide Israel osio ufɔk David ke ubɔk; ndien mmɔ enim Jeroboam eyen Nebat ke edidem: ndien Jeroboam onuk Israel efep, ete ekutiene Jehovah, onyuŋ esin mmɔ enam ata idiɔk ido.

2 CHRONICLES 10:15

Ntre edidem ikopke uyo mmɔ oro: koro edide Abasi ekesin ɔwɔrɔ ntem, kpaŋ Jehovah akpanam uyo esie osu, emi enye akadade inua Ahijah Shilonite ɔdɔhɔ Jeroboam eyen Nebat.

1 SAMUEL 15:27

Ekem adaŋemi Samuel ɔwɔŋɔrede ete inyɔŋ, enye (Saul) omum enye mben ekura, ndien ekura ewaha.

1 SAMUEL 15:28

Ndien Samuel ɔdɔhɔ enye, ete, Jehovah ama awai fi ubɔŋ Israel ke ubɔk osio mfin emi, ama onyuŋ ada enye ɔnɔ mbɔhiduŋ fo emi ɔfɔnde akan fi.