1 NDIDEM 11:29 - Edisana ñwed Abasi Ibom

²⁹ Edikem ke ini oro, Jeroboam ɔwɔrɔ ke Jerusalem, ndien prophet Ahijah a Shiloh okut enye ke usuŋ; enye onyuŋ esine obufa ɔfɔŋ-idem; ndien mmɔ mbiba edu ikpɔŋ ke itie:

1 NDIDEM 11:29 ပူးပေါင်းရင်းမြစ်များ

GENESIS 4:8

Ndien Cain ɔdɔhɔ ikɔ ye Abel, eyen-eka esie: edikem, ke mmɔ edude ke iŋwaŋ, Cain adaha ke enyɔŋ anam ikɔ ye Abel eyen-eka esie, onyuŋ owot enye.

2 SAMUEL 14:6

Ofin aŋwan fo okonyuŋ enyene nditɔ-iren iba, ndien mmɔ mbiba eŋwana eŋwan ke iŋwaŋ, baba owo kiet eke adianarede mmɔ efep inyuŋ iduhe ndien kiet ɔtɔ kiet owot.

1 NDIDEM 11:11

Ndien Jehovah ɔdɔhɔ Solomon, ete, Koro edide ntem ye afo, mukonyuŋ unimke ediomi mi, ye mme ewuhɔ mi, emi ŋkowukde fi, nditreke ndiwai fi ubɔŋ ke ubɔk mbɔ, nnyuŋ nda enye nnɔ owo fo.

1 NDIDEM 12:15

Ntre ke edidem ikopke inɔ mbon oro: koro Jehovah akanamde ɔwɔrɔ ntem, man enye anam uyo esie, emi Jehovah akadade inua Ahijah a Shiloh ɔdɔhɔ, osu ɔnɔ Jeroboam eyen Nebat.

1 NDIDEM 12:2

Edikem adaŋemi Jeroboam eyen Nebat okopde, (ndien enye odu kaŋa ke Egypt, emi enye ekefehede iso Solomon edidem aka do, Jeroboam onyuŋ oduŋ ke Egypt;) ndien mmɔ edɔŋ ekekot enye edi.

1 NDIDEM 14:2

Mbɔk, daha ke enyɔŋ, foro owo efen, man ekufiɔk ete ke afo edi ŋwan Jeroboam: ndien ka ke Shiloh: sese, Ahijah prophet oro ɔkɔdɔhɔde abaŋa mi ete ke ami ndida ubɔŋ obio emi, odu do.

1 NDIDEM 14:4

Ndien ŋwan Jeroboam anam ntre, onyuŋ adaha ke enyɔŋ aka ke Shiloh, okoduk ke ufɔk Ahijah. Edi Ahijah ikwe ŋkpɔ, koro usɔŋ esie esinde enyin akai enye.

2 CHRONICLES 10:15

Ntre edidem ikopke uyo mmɔ oro: koro edide Abasi ekesin ɔwɔrɔ ntem, kpaŋ Jehovah akpanam uyo esie osu, emi enye akadade inua Ahijah Shilonite ɔdɔhɔ Jeroboam eyen Nebat.

2 CHRONICLES 9:29

Ndien ama edi ikɔ Solomon emi esuhɔde, mbemiso ye akpatre, nte ikewetke mmɔ isin ke ŋwed Nathan prophet, ye ke ŋwed prophecy Ahijah Shilonite, ye ke ŋkukut Iddo okut-ŋkukut emi ebaŋade Jeroboam eyen Nebat?

JOSHUA 18:1

EKEM ofuri esop nditɔ Israel esop idem ke Shiloh, enyuŋ ewuk efe esop do. Ndien isɔŋ ana suŋ ke iso mmɔ.