1 NDIDEM 11:11 - Edisana ñwed Abasi Ibom

¹¹ Ndien Jehovah ɔdɔhɔ Solomon, ete, Koro edide ntem ye afo, mukonyuŋ unimke ediomi mi, ye mme ewuhɔ mi, emi ŋkowukde fi, nditreke ndiwai fi ubɔŋ ke ubɔk mbɔ, nnyuŋ nda enye nnɔ owo fo.

1 NDIDEM 11:11 ပူးပေါင်းရင်းမြစ်များ

1 NDIDEM 11:12

Edi ndinamke ntem ke eyo fo, mbaŋa David usɔ: nyewai enye ke ubɔk eyen fo nsio. Edi ndiwahi ofuri ubɔŋ mbɔ;

1 NDIDEM 11:26

Ekem Jeroboam eyen Nebat, eyen Ephraim emi okotode ke Zeredah, emi eka esie ekerede Zeruah, ŋwan kiet emi ebe esie akakpade, edi owo Solomon, ndien enye emenere ubɔk aŋwana ye edidem.

1 NDIDEM 11:29

Edikem ke ini oro, Jeroboam ɔwɔrɔ ke Jerusalem, ndien prophet Ahijah a Shiloh okut enye ke usuŋ; enye onyuŋ esine obufa ɔfɔŋ-idem; ndien mmɔ mbiba edu ikpɔŋ ke itie:

1 NDIDEM 11:31

Bɔ mbak duop ke idemfo: koro ntem ke Jehovah Abasi Israel ɔdɔhɔ ete, Sese, ami mmɔŋ ŋwai idut emi ke ubɔk Solomon mfep, nyenyuŋ nnɔ fi esien duop:

1 NDIDEM 12:20

Edikem adaŋemi ofuri Israel ekopde ete ke Jeroboam ama afiak, mmɔ edɔŋ ekekot enye edi ke esop, ndien enim enye ke edidem ofuri Israel: baba owo kiet itieneke ufɔk David, ke mibɔhɔke esien Judah ikpɔŋ-ikpɔŋ.

2 NDIDEM 17:15

Ndien mmɔ esin item esie, ye ediomi esie emi enye akanamde ye mme ete mmɔ, ye ikɔ ntiense esie emi enye eketiŋde ke otu mmɔ; ndien mmɔ etiene ikpikpu ŋkpɔ, enyuŋ enam oburobut ido, enyuŋ etiene mme idut eke ekande mmɔ ekuk, emi Jehovah eketemede mmɔ, ete ekunam nte mmɔ enamde.

2 NDIDEM 17:21

Koro enye akawaide Israel osio ufɔk David ke ubɔk; ndien mmɔ enim Jeroboam eyen Nebat ke edidem: ndien Jeroboam onuk Israel efep, ete ekutiene Jehovah, onyuŋ esin mmɔ enam ata idiɔk ido.

ŊWED MME PSALM 78:10

Mmɔ inimke ediomi Abasi; edi esin ndisaŋa ke mbet esie.

NUMBERS 14:23

ke akpanikɔ mmɔ idikwe isɔŋ emi ŋkɔŋwɔŋde nnɔ mme ete mmɔ, baba owo eke osuŋide mi kiet idinyuŋ ikwe enye:

NUMBERS 14:35

Ami Jehovah mma ndɔhɔ nte, Nditreke ndinam emi ye ofuri idiɔk esop emi esopde enam ikɔ ye ami; kpa ke wilderness emi ke mmɔ edisobo, edinyuŋ ekpaŋa do.