1 NDIDEM 10:1 - Edisana ñwed Abasi Ibom

¹ EKEM ɔbɔŋ aŋwan Sheba okop etop Solomon emi otode enyiŋ Jehovah, ndien aka okodomo enye ke ŋke.

1 NDIDEM 10:1 ပူးပေါင်းရင်းမြစ်များ

GENESIS 10:28

ye Diklah; ye Obal, ye Abimael, ye Sheba; ye Ophir, ye Havilah,

GENESIS 10:7

Ndien nditɔ Cush; Seba, ye Havilah, ye Sabtah, ye Raamah, ye Sabteca: ndien nditɔ Raamah;

GENESIS 25:3

Ndien Jokshan obon Sheba ye Dedan. Nditɔ dedan enyuŋ edi mme Asshurim, ye mme Letushim, ye mme Leummim.

1 NDIDEM 10:24

Ndien ofuri ererimbot eyom iso Solomon, kpaŋ ekpekop ifiɔk esie, emi Abasi ekesinde enye ke esit.

1 NDIDEM 4:31

Enye onyuŋ ɔfiɔk ŋkpɔ akan kpukpru owo, akan Ethan Ezrahite, ye Heman, ye Calcol, ye Darda, nditɔ Mahol; ndien etop esie ɔwɔrɔ ke kpukpru mme idut eke ekande ekuk.

1 NDIDEM 4:34

ye inuen, ye mme ɔnyɔni, ye iyak. Owo enyuŋ eto ke kpukpru mme idut edi ndikop ifiɔk Solomon, eto ke ɔtɔ kpukpru ndidem ererimbot eke ekekopde ebaŋa ifiɔk esie.

1 NDIDEM 5:14

Enye onyuŋ ɔdɔŋ tɔsin duop utom ke Lebanon ke ɔfiɔŋ, ke ŋka, ke ŋka; mmɔ edu ke Lebanon ɔfiɔŋ kiet, ndien edu ke ufɔk mmɔ iba; ndien Adoniram edi etubom mbon-utom oro.

ŊWED JOB 28:28

Ndien Enye ɔdɔhɔ owo, ete, Sese, ndibak Ɔbɔŋ edi eti ibuot, ndinyuŋ ŋkabare ŋkpɔŋ idiɔk edi asian.

ŊWED JOB 6:19

Mbon-isaŋ Tema ese, mme udim Sheba edori mmɔ enyin:

ŊWED MME PSALM 49:4

Nyekpaŋ utɔŋ mi ke ikwɔ: nyesiak ŋke mi ke harp.

ŊWED MME PSALM 72:10

Ndidem Tarshish ye eke mme isuo eyetomo utomo: ndidem Sheba ye Seba eyeda enɔ edi.

ŊWED MME PSALM 72:15

Ndien enye (ubuene) eyedu uwem, eyenyuŋ ɔnɔ Enye (edidem) gold Sheba; onyuŋ anam mkpeubɔk ɔnɔ Enye kpukpru ini; eyekɔm Enye ofuri usen.

ISAIAH 60:6

Akwa udim camel eyefuk fi, mme dromedary Midian ye eke Ephah; kpukpru mmɔ eyeto ke Sheba, ebiom gold ye frankincense edi, eyenyuŋ ekwɔrɔ itoro Jehovah.

JEREMIAH 6:20

Frankincense anam didie oto ke Sheba edi ke ɔtɔ mi, eti mbɔkɔk ke anyan idut ŋko? Ndifɔp uwa mbufo inemke nem, mme uwa emem mbufo inyuŋ idatke mi esit.

EZEKIEL 16:14

Ndien afo ɔwɔrɔ etop abaŋa uyai fo; koro enye ɔfɔnde ama oto ke ubɔŋ mi emi ŋkodoride fi ke idem; emi edi uyo Ɔbɔŋ Jehovah.

EZEKIEL 38:13

Sheba, ye Dedan, ye mbon-urua Tarshish, ye kpukpru mkparawa lion esie eyedɔhɔ fi, ete, Nte afo emedi ndibume mbume? Nte omobon udim fo ndiwo ŋwo? ete itaŋ silver ye gold inyɔŋ, ida ufene ye inyene, inyuŋ ibume akamba mbume?

MATTHEW 12:42

Ɔbɔŋ-aŋwan usuk eyedaha ada ke usen ikpe ye emana emi, onyuŋ obiom enye: koro enye okotode ke mme utit isɔŋ edi edikop ɔniɔŋ Solomon: ndien sese, Enye emi okponde akan Solomon odu mi.

MATTHEW 13:11

Enye ɔbɔrɔ ete, Eyak enɔ mbufo ndifiɔk ndibe ŋkpɔ Obio Ubɔŋ Heaven, edi iyakka inɔ mmɔ.

MATTHEW 13:35

man osu nte prophet ekewetde, ete, Nyetat inua Mi ntiŋ ikɔ ke ŋke, Nyetiŋ ŋkpɔ eke ekodibede toto ke eritɔŋɔ ererimbot.

MARK 4:34

minyuŋ idige ke ŋke, Enye itiŋke ikɔ inɔ mmɔ; edi Enye asiak kpukpru ŋkpɔ ɔnɔ mbet Esie ke idem mmɔ ikpɔŋ.

LUKE 11:31

Ɔbɔŋ-aŋwan usuk eyedaha ada ke ikpe ye mbon emana emi, onyuŋ obiom mmɔ: koro enye okotode ke mme utit ererimbot edi ndikop ɔniɔŋ Solomon, ndien sese, Enye emi okponde akan Solomon odu mi.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.