1 NDIDEM 1:9 - Edisana ñwed Abasi Ibom

⁹ Ndien Adonijah owot ŋkpri ufene, ye enaŋ, ye unam eke esehede, ke ɔtɔ itiat Zoheleth, emi ekperede En-rogel, onyuŋ okot kpukpru nditɔ-ete esie, kpa nditɔ edidem, ye kpukpru owo Judah eke edide ikɔt edidem;

1 NDIDEM 1:9 ပူးပေါင်းရင်းမြစ်များ

2 SAMUEL 17:17

Ndien Jonathan ye Ahimaaz etie ekpere En-rogel; ndien eyenaŋwan kiet aka eketiŋ ɔnɔ mmɔ; ndien mmɔ eka eketiŋ enɔ edidem David: koro mmɔ mikekemeke ndiduk ke obio, mbak edikut mmɔ.

1 NDIDEM 1:19

O edidem, afo ufiɔkke. Enye ama onyuŋ owot enaŋ, ye edisehe unam, ye ŋkpri ufene ediwak, ama onyuŋ okot kpukpru nditɔ edidem, ye Abiathar oku, ye Joab etubom mbon-ekɔŋ: edi ikotke Solomon owo fo.

1 NDIDEM 1:25

Koro enye ɔmɔsuhɔre mfin emi, aka okowot enaŋ, ye edisehe unam, ye ŋkpri ufene ediwak, omonyuŋ okot kpukpru nditɔ edidem, ye mme etubom mbon-ekɔŋ, ye Abiathar oku; ndien, sese, mmɔ ke ededia, ke enyuŋ eŋwɔŋ ke iso esie, enyuŋ edɔhɔ ete, Yak Adonijah edidem odu uwem.

MME ŊKE 15:8

Jehovah abat uwa mme idiɔk owo ke mbubiam: edi akam mbon eti ido enem enye esit.

MATTHEW 22:4

Enye ɔtɔŋɔ ntak ɔdɔŋ ikɔt esie efen, ete, Edɔhɔ mmɔ oro ekokotde ete, Sese mmanam udia mma, ewot enaŋ mi ye munam eke esehede, enyuŋ enam kpukpru ŋkpɔ ema: edi udia-ndɔ.

JOSHUA 15:7

ndien adaŋa oro ɔkpɔŋ ebedeŋ Achor ɔdɔk ke Debir, ndien akabare edere-edere aka ke Gilgal, emi asakde iso ese obot Adummim, emi odude ke edem usuk-usuk idim; ndien adaŋa ebe aka mmɔŋ En-shemesh, ndien utit esie ɔwɔrɔ ke En-rogel.

JOSHUA 18:16

ndien adaŋa ɔsuhɔre ke utit obot emi asakde iso ese itihere eyen Hinnom, emi odude ke itihere mme Rephiam ke edem edere-edere, ndien ɔsuhɔre ke itihere Hinnom ke edem usuk mme Jebusite, ndien ɔsuhɔre aka Enrogel.