1 NDIDEM 1:34 - Edisana ñwed Abasi Ibom

³⁴ ndien yak Zadok oku ye Nathan prophet eyet enye aran do enim ke edidem Israel: mbufo enyuŋ eda obukpoŋ efuri, enyuŋ edɔhɔ, ete, Yak Solomon edidem odu uwem.

1 NDIDEM 1:34 ပူးပေါင်းရင်းမြစ်များ

2 SAMUEL 15:10

Ekem Absalom ɔdɔŋ mbon-uyep, ete esaŋa ke kpukpru esien Israel, edɔhɔ ete, Ke ini mbufo edikopde uyo ukorowo, mbufo edɔhɔ ndien, ete, Absalom amada ubɔŋ ke Hebron.

2 SAMUEL 2:4

Ndien nditɔ Judah eka ekeyet David aran do, enim ke edidem ufɔk Judah. Ekem etiŋ enɔ David, ete ke edi mbio - obio Jabesh - Gilead ekebuk Saul.

2 SAMUEL 5:3

Ntre ke kpukpru mbiowo Israel etiene edidem ke Hebron; ndien edidem David onyuŋ odiomi ediomi ye mmɔ ke Hebron ke iso Jehovah: ndien mmɔ eyet David aran enim ke edidem Israel.

1 NDIDEM 1:25

Koro enye ɔmɔsuhɔre mfin emi, aka okowot enaŋ, ye edisehe unam, ye ŋkpri ufene ediwak, omonyuŋ okot kpukpru nditɔ edidem, ye mme etubom mbon-ekɔŋ, ye Abiathar oku; ndien, sese, mmɔ ke ededia, ke enyuŋ eŋwɔŋ ke iso esie, enyuŋ edɔhɔ ete, Yak Adonijah edidem odu uwem.

1 NDIDEM 1:35

Ndien mbufo etiene enye edok, yak enye ɔsuhɔre etie ndien ke ebekpo mi: enye eyenyuŋ ada ubɔŋ ke ibuot mi: mma nnyuŋ ŋwuk nte, yak enye edi ɔbɔŋ Israel ye Judah.

1 NDIDEM 1:39

Zadok oku onyuŋ osio nduk aran ke efe, aka ekeyet Solomon ke idem.Mmɔ enyuŋ efuri obukpoŋ; ndien kpukpru owo edɔhɔ ete, Yak edidem Solomon odu uwem.

1 NDIDEM 19:16

nyuŋ yet Jehu eyen Nimshi aran nim ke edidem Israel: nyuŋ yet Elisha eyen Shaphat, emi otode ke Abel meholah, nim ke prophet ke itie fo.

2 NDIDEM 11:12

ekan edidem ekuk. Ndien enye ada eyen edidem ɔwɔrɔ, onyuŋ ayara enye anyanya ke ibuot, onyuŋ ɔnɔ enye ŋwed-ibet; ntre ke mmɔ enim enye ke edidem, enyuŋ eyet enye aran; ndien mmɔ ekwak ubɔk, ete, Yak edidem odu uwem.

2 NDIDEM 11:14

Ndien ke ini enye okutde, sese, edidem ke ada adiana adaha, nte akam esinamde, mme etubom, ye mme andifuri ukorowo enyuŋ ekpere edidem; kpukpru mbio-obio enyuŋ edara, enyuŋ efuri ukorowo. Ndien Athaliah asiak ɔfɔŋ-idem esie, onyuŋ ofiori ete, Odu! Odu!

2 NDIDEM 9:13

Ndien kpukpru mmɔ ewara eda ɔfɔŋ-idem mmɔ esin enye ke idak ke idem udigukot, enyuŋ efuri ukorowo, enyuŋ edɔhɔ, ete, Jehu edi edidem.

2 NDIDEM 9:3

ndien men ekpeme aran emi, tɔhɔ enye ke ibuot, nyuŋ ɔdɔhɔ, ete, Ntem ke Jehovah ɔdɔhɔ ete, Mmeyet fi aran nnim ke edidem Israel. Ndien sio usuŋ, fehe, kubet.

2 NDIDEM 9:6

Ndien enye adaha ke enyɔŋ oduk ke ufɔk; ndien enye ada aran oro ɔtɔhɔ enye ke ibuot, onyuŋ ɔdɔhɔ enye, ete, Ntem ke Jehovah Abasi Israel ɔdɔhɔ, ete, Mmeyet fi aran nnim ke edidem Israel, ikɔt Jehovah

2 CHRONICLES 23:11

Ndien mmɔ esio eyen edidem, eyara enye anyanya, enyuŋ enɔ enye ŋwed ibet, enyuŋ enim enye ke edidem: ntre ke Jehoiada ye nditɔ-iren esie eyet enye aran, enyuŋ edɔhɔ, ete, Yak itɔŋ uwen akam ɔsɔŋ edidem.

ŊWED MME PSALM 45:7

Afo ama se inende, onyuŋ asua se ikwaŋade; oro esin Abasi, kpa Abasi fo, ada aran idara eyet fi, akan mme ufan fo.

ŊWED MME PSALM 89:20

Mmokut David owo mi: mmeyet enye ke edisana aran mi;

ŊWED MME PSALM 89:36

Ubon esie eyedu ke nsinsi; ebekpo esie eyebigi nte utin ke iso mi.

ISAIAH 45:1

NTEM ke Jehovah ɔdɔhɔ Cyrus, emi enye eyetde aran, emi mmumde enye ubɔk nnasia, nte, Nyedigi mme idut ke iso esie; nnyuŋ ntat ndidem isin, man mberere itim ke iso esie; ndien mmɔ idiberike enyin-usuŋ;

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

1 SAMUEL 10:1

NDIEN Samuel ada ekpeme aran ɔtɔhɔ enye ke ibuot, ndien otim enye inua, onyuŋ ɔdɔhɔ ete, Nte idige koro Jehovah eyetde fi aran onim ke etubom udeme esie?

1 SAMUEL 10:24

Ndien Samuel ɔdɔhɔ kpukpru owo, ete, Nte mbufo emekut enye emi Jehovah emekde, ete ke baba owo kiet ibietke enye ke otu kpukpru mbio-obio? Ndien kpukpru owo efiori, enyuŋ edɔhɔ ete,

1 SAMUEL 16:3

Nyuŋ kot Jesse edi ke uwa, ndien nyesian fi se afo edinamde: ndien da aran yet owo eke ndidɔhɔde fi, nim nɔ mi.