1 NDIDEM 1:31 - Edisana ñwed Abasi Ibom

³¹ Ndien Bath-sheba ɔnuhɔ okubi iso esie ke isɔŋ, onyuŋ atuak ibuot ɔnɔ edidem, ete, Yak ɔbɔŋ mi, O ediden David, akam odu uwem ke nsinsi.

1 NDIDEM 1:31 ပူးပေါင်းရင်းမြစ်များ

2 SAMUEL 9:6

Ekem adaŋemi Mephibosheth, eyen Jonathan, eyen Saul, osimde David, emye ɔduɔ ke isɔŋ okubi iso esie, onyuŋ atuak ibuot. Ndien David ɔdɔhɔ ete, Mephibosheth. Ndien enye eyere ete, Se owo fo.

1 NDIDEM 1:25

Koro enye ɔmɔsuhɔre mfin emi, aka okowot enaŋ, ye edisehe unam, ye ŋkpri ufene ediwak, omonyuŋ okot kpukpru nditɔ edidem, ye mme etubom mbon-ekɔŋ, ye Abiathar oku; ndien, sese, mmɔ ke ededia, ke enyuŋ eŋwɔŋ ke iso esie, enyuŋ edɔhɔ ete, Yak Adonijah edidem odu uwem.

NEHEMIAH 2:3

ami nnyuŋ ndɔhɔ edidem, nte, Yak edidem akam odu uwem ke nsinsi: ke didie ke iso mikpɔfuhɔke mi ke ini obio emi edide ebiet udi mme ete mi edide ndon, mme itim esie ema enyuŋ eta ikaŋ?

ESTHER 3:2

Ndien kpukpru ikɔt edidem eke edude ke inua-otop edidem, enuhɔ, enyuŋ etuak ibuot enɔ Haman: koro ntem ke edidem okowuk abaŋa enye. Edi Mordecai inuhɔke, inyuŋ ituakke ibuot.

DANIEL 2:4

Ndien mme Chaldean edɔhɔ edidem ke usem Syria, ete, O edidem, itɔŋ uwem akpakam ɔsɔŋ fi ke nsinsi: tiŋ ndap oro nɔ nnyin ikɔt fo, ndien nnyin iyesiak nte enye asaŋade.

DANIEL 3:9

Mmɔ ebɔrɔ enyuŋ edɔhɔ Nebuchadnezzar, edidem, ete, O edidem, yak itɔŋ uwem akam ɔsɔŋ fi ke nsinsi:

DANIEL 5:10

Uyo edidem ye eke ikpɔ owo esie esin ɔbɔŋ-aŋwan oduk ke ufɔk udia: ɔbɔŋ-aŋwan oro ɔbɔrɔ onyuŋ ɔdɔhɔ edidem, ete, Itɔŋ uwem akpakam ɔsɔŋ edidem ke nsinsi; kuyak ekikere etimere fi, kunyuŋ uyak iso akabare fi akpai:

DANIEL 6:21

Ndien Daniel ɔdɔhɔ edidem, ete, O edidem, itɔŋ uwem osuk ɔsɔŋ fi ke nsinsi.

DANIEL 6:6

Ndien ikpɔ owo ye mbɔŋ emi esop idem ke ɔtɔ edidem, enyuŋ edɔhɔ ntem ye enye, ete, Edidem Darius, itɔŋ uwem akpakam ɔsɔŋ fi ke nsinsi.

MATTHEW 21:37

Edi ke ukperedem enye ɔdɔŋ eyen esie ke ɔtɔ mmɔ ete, Mmɔ eyeteŋe eyen mi.

ŊWED MBON EPHESUS 5:33

Edi Yak owo kiet kiet ama ŋwan esiemɔ nte amade idem esie: ŋwan onyuŋ eteŋe ebe esie.

MME HEBREW 12:9

Akan oro, nnyin imenyene mme ete obukidem emi eketunɔde nnyin, ndien nnyin iteŋe mmɔ: nte nnyin idisukke ibuot inɔ Ete mme spirit ikan, inyuŋ idu uwem?

1 SAMUEL 20:41

Eyen ɔwɔŋ oro ɔnyɔŋ, ndien David oto ke Ezel ɔwɔrɔ ke edem usuk-usuk, onyuŋ ɔduɔ ke isɔŋ okubi iso esie, onyuŋ ɔnuhɔ utim ikata: ndien kiet otim kiet inua, kiet onyuŋ etiene kiet atua eyet, tutu David akan.

1 SAMUEL 24:8

Ndien David onyuŋ etiene enye adaha ke enyɔŋ, oto ke aba ɔwɔrɔ, onyuŋ ofiori okot Saul, ete, Ete mi edidem! Ndien ke ini Saul akabarade ese edem, David otuk iso esie ese isɔŋ, onyuŋ ɔnuhɔ.