1 NDIDEM 1:13 - Edisana ñwed Abasi Ibom

¹³ Ka koduk ke ɔtɔ edidem David, nyuŋ dɔhɔ enye, ete, Nte afo, ɔbɔŋ mi, O edidem, ukɔŋwɔŋɔke unɔ ofin aŋwan fo, ete, “Solomon eyen fo iditreke nditiene mi edem nda ubɔŋ, enye eyenyuŋ etie ke ebekpo mi?” Anam didie ndien Adonijah ada ubɔŋ?

1 NDIDEM 1:13 ပူးပေါင်းရင်းမြစ်များ

1 NDIDEM 1:11

Ekem Nathan prophet ɔdɔhɔ Bath-sheba eka Solomon, ete, Nte afo uka-ukopke, ete ke Adonijah eyen Haggith amada ubɔŋ, ndien David ɔbɔŋ nnyin ifiɔkke?

1 NDIDEM 1:14

Sese, ke ini afo osuk enemede nneme do ye edidem, ami ŋko nyetiene fi edem nduk, nnyuŋ nsɔŋɔ ikɔ fo.

1 NDIDEM 1:17

Ndien enye ɔdɔhɔ edidem, ete, Ɔbɔŋ mi, afo okotomo Jehovah Abasi fo ɔnɔ ofin ŋwan fo, ete, “Solomon eyen fo iditreke nditiene mi edem nda ubɔŋ, enye eyenyuŋ etie ke ebekpo mi.”

1 NDIDEM 1:24

Ndien Nathan ɔdɔhɔ ete, Obɔŋ mi, O edidem, nte afo ɔkɔdɔhɔ, ete, Adonijah etiene fi ada ubɔŋ, onyuŋ etie ke ebekpo fo?

1 NDIDEM 1:30

kpa nte ŋkotomode Jehovah Abasi Israel nnɔ fi, nte ke Solomon eyen fo iditreke nditiene mi nda ubɔŋ, ke enye eyenyuŋ etie ke ebekpo mi ke ibuot mi; ke ntem ke ntreke ndinam mfin emi.

1 NDIDEM 1:35

Ndien mbufo etiene enye edok, yak enye ɔsuhɔre etie ndien ke ebekpo mi: enye eyenyuŋ ada ubɔŋ ke ibuot mi: mma nnyuŋ ŋwuk nte, yak enye edi ɔbɔŋ Israel ye Judah.

1 NDIDEM 1:48

Ntem ke edidem onyuŋ ɔdɔhɔ ŋko, ete, Mmɔkɔm Jehovah Abasi Israel, emi ɔnɔde owo eke etiede ke ebekpo mi mfin emi, enyin mi enyuŋ ekut.

1 NDIDEM 2:12

Ekem Solomon etie ke ebekpo David ete esie; ndien ubɔŋ esie ɔsɔŋ eti-eti.

1 CHRONICLES 28:5

Ndien ke otu kpukpru nditɔ-iren mi (koro Jehovah ama ɔnɔ mi ediwak nditɔ-iren,) enye onyuŋ emek Solomon eyen mi, ete etie ke ebekpo ubɔŋ Jehovah akan Israel.

1 CHRONICLES 29:23

Ekem Solomon ɔsuhɔre etie ke ebekpo Jehovah nte edidem, ke itie David ete esiemɔ, onyuŋ oforo; ndien ofuri Israel ekop uyo esie.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

JEREMIAH 33:21

ndien eyekeme ndibiat ediomi mi (emi ŋkodiomide) ye David owo mi, man enye okunyene eyen eke edidade ubɔŋ ke ebekpo esie, ye eke mme Levite mme oku ŋko emi esaŋade utom enɔ mi.

DEUTERONOMY 17:18

Ndien ama ekem ke adaŋemi enye editiede ke ebekpo ubɔŋ esie, yak enye akaŋa ŋwed-ibet emi ke idem esie esin ke ŋwed efen, asaŋa ye ŋwed emi odude ke iso mme oku, mme Levite: