1 JOHN 5:6 - Edisana ñwed Abasi Ibom

⁶ Emi edi Enye emi akasaŋade ye mmɔŋ ye iyip edi, kpa Jesus Christ; isaŋake ye mmɔŋ ikpɔŋ idi, edi asaŋa ye mmɔŋ ye iyip.

1 JOHN 5:6 ပူးပေါင်းရင်းမြစ်များ

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

LEVITICUS 17:11

Koro uwem unam odude ke iyip: ami mmonyuŋ nda enye, ndori ke itie-uwa nnɔ mbufo, ndisio isop nnɔ ukpɔŋ mbufo: koro edide iyip osio isop ɔnɔ ukpɔŋ.

ZECHARIAH 9:11

Ndien ama edi afo ŋko, iyip ediomi fo eyesin nsio mbon ŋkpɔkɔbi fo mfep ke obube eke mmɔŋ miduhe.

MATTHEW 26:28

koro emi edi iyip Mi, eke obufa ediomi, emi eduɔkde ebaŋa ediwak owo, man efen mme idiɔk-ŋkpɔ mmɔ.

MATTHEW 3:16

Ekem John onyime ɔnɔ Enye. Edi ke ini Jesus akanade baptism ama, kpa idaha oro Enye ɔwɔrɔ ke mmɔŋ ɔdɔk: ndien sese, enyɔŋ eberere ɔnɔ Enye, Enye onyuŋ okut Spirit Abasi ɔsuhɔrede nte ibiom edidoro Enye ke idem;

MARK 14:24

Ndien Enye ɔdɔhɔ mmɔ ete, Emi edi iyip Mi, eke ediomi, emi eduɔkde kabaŋa ediwak owo.

LUKE 22:20

Enye anam kpa ntre ye cup, ke ini mmɔ ediade ema, ete, Cup emi edi Obufa Ediomi ke iyip Mi, emi eduɔkde kabaŋa mbufo.

JOHN 14:17

kpa Spirit akpanikɔ, emi ererimbot mikemeke ndida, koro mmɔ mikwe enye minyuŋ idiɔŋɔke Enye: edi mbufo emediɔŋɔ Enye, koro Enye ododuŋ ye mbufo, eyeyuŋ odu mbufo ke esit.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 15:26

Edi ke adaŋemi Iberedem, emi ndisiode ke ubɔk Ete ndɔŋ etiene mbufo, edidide, kpa Spirit akpanikɔ, emi otode ke Ete ɔwɔrɔ edi, Enye eyedi ntiense ɔnɔ Mi.

JOHN 16:13

Edi ke adaŋemi Enye oro edidide, kpa Spirit akpanikɔ, Enye eyeda mbufo oduk ke ofuri akpanikɔ: koro Enye iditiŋke ikɔ Esiemɔ; edi editiŋ kpukpru se Enye okokopde: Enye eyenyuŋ emen se iditibede ayarare ɔnɔ mbufo.

JOHN 3:5

Ke akpanikɔ ke ndɔhɔ fi nte, Edieke owo mimanake oto ke mmɔŋ ye Spirit, enye ikemeke ndiduk ke Obio Ubɔŋ Abasi.

JOHN 4:10

Jesus ɔbɔrɔ enye ete, Edieke afo ɔkpɔfiɔkde enɔ Abasi, ye owo emi obupde fi ete, Nɔ Mi mmɔŋ ŋŋwɔŋ, afo ekpebeŋe Enye, ndien Enye ɔkpɔnɔ fi odu-uwem mmɔŋ.

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

JOHN 6:55

Koro obukidem Mi edi ata udia, iyip mi onyuŋ edi ata ediŋwɔŋ-ŋkpɔ.

UTOM MME APOSTLE 8:36

Edi nte mmɔ ekade iso ke usuŋ mmɔ, mmɔ edisim mmɔŋ;

ŊWED MBON ROME 3:25

emi Abasi okosiode onim ete edi uwa emem ke iyip Esie, oto ke mbuɔtidem; man Abasi ayarare edinen ido Esie, sia Enye ke ime osioŋode idem efep ke mme idiɔk-ŋkpɔ emi owo ekenamde ke ini eke ebede;

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.

ŊWED MBON COLOSSAE 1:4

koro ima ikokop ibaŋa mbuɔtidem emi mbufo enyenede ke Christ Jesus, ye ima emi mbufo emade kpukpru ikɔt Abasi,

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

TITUS 3:5

itoho ke ŋkpɔ eke nnyin inamde ke edinen ido, edi oto ke mbɔm Esie ke Enye akanyaŋa nnyin, ɔtɔŋɔ ntak obot nnyin ke eriyet nnyin isana,

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

MME HEBREW 12:24

ye Jesus emi edide esine-ufɔt obufa ediomi, ye erisime iyip, eke etiŋde se ifɔnde ikan iyip Abel.

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

MME HEBREW 9:7

edi akwa oku ikpɔŋ-ikpɔŋ akam esiduk ke udiana Ataya ini kiet ke isua; idukke ke misaŋake ye iyip, eke enye awade abaŋa idem esie ye ndudue mbio-obio:

1 PETER 1:2

emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

1 JOHN 4:10

Ima odu ke oruk usuŋ emi, itoho ke emi nnyin ikamade Abasi, edi oto ke Abasi emi akamade nnyin, onyuŋ osiode Eyen Esie ɔdɔŋ, ete, edidi usio-isop mme idiɔk-ŋkpɔ nnyin.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.