1 JOHN 5:16 - Edisana ñwed Abasi Ibom

¹⁶ Edieke owo okutde eyen-ete esie anamde idiɔk-ŋkpɔ eke midaha mkpa idi, enye eyenam mkpe-ubɔk, ndien Abasi eyeda uwem ɔnɔ enye, kpa ɔnɔ mmɔ eke minamke idiɔk-ŋkpɔ mkpa. Idiɔk-ŋkpɔ emi adade mkpa edi odu; ndɔhɔke nte owo anam mkpe-ubɔk abaŋa utɔ idiɔk-ŋkpɔ emi.

1 JOHN 5:16 ပူးပေါင်းရင်းမြစ်များ

GENESIS 20:17

Ndien Abraham ekpe Abasi ubɔk: ndien Abasi anam idem ɔsɔŋ Abimelech, ye ŋwan esie, ye nditɔ-iban ufɔk esie; ndien mmɔ

GENESIS 20:7

Yak ŋwan owo oro afiak, ndien; koro owo oro edide prophet, eyenyuŋ anam mkpe-ubɔk ɔnɔ fi, ndien afo eyedu uwem: edi ke muyakke enye afiak, fiɔk ete ke afo ye kpukpru se idide okuo eyekpaŋa.

ŊWED MME PSALM 106:23

Ndien enye ɔdɔhɔ, ete ke imɔ ikposobo mmɔ, ke mikpedige Moses edimek owo esie akada enye ke iso ke ɔtɔ ŋwure, onyuŋ akabare iyaresit esie efep, mbak edisobo mmɔ.

EXODUS 34:9

Enye onyuŋ ɔdɔhɔ ete, Mbɔk, edieke afo enende iso ye ami, O Ɔbɔŋ, mbɔk, yak Ɔbɔŋ mi asaŋa ke otu nnyin; koro mmɔ edide mbon nsɔŋibuot; nyuŋ fen ukwaŋ-ŋkpɔ nnyin, ye idiɔk ido nnyin, nyuŋ da nnyin nim ke udeme fo.

JEREMIAH 11:14

Afo kunam mkpeubɔk ndien, unɔ mbio emi, kunyuŋ umenere mfiori ye eseme ubaŋa mmɔ: koro mmendikopde ke ini eke mmɔ esemede ekot mi ebaŋa idiɔk itie ukut mmɔ.

JEREMIAH 14:11

Ndien Jehovah ɔdɔhɔ mi, ete, Kunam mkpe ubɔk eti ŋkpɔ unɔ mbio emi.

JEREMIAH 7:16

Afo kunam ndien mkpe-ubɔk unɔ mbio emi, kunyuŋ umenere eseme ye akam ubaŋa mmɔ, kunyuŋ ukpe mi ubɔk: koro ami mendikopke uyo fo.

EZEKIEL 22:30

Ndien ami nyom owo eke edinamde ɔkɔ, onyuŋ adade ke ebiet emi owurede ke iso mi, ke abaŋa isɔŋ, man enye okubiara: edi ŋkwe.

NUMBERS 12:13

Ndien Moses eseme ɔnɔ Jehovah ete, Mbɔk, Abasi, nam udɔŋɔ okure enye ndien.

NUMBERS 15:30

Edi ama edi owo eke okoide koi anam ŋkpɔ ke ibak, edide amana ke isɔŋ, onyuŋ edide esen owo, enye esuene Jehovah, ndien yak esibe owo oro ke mbio-obio mmɔ efep.

LUKE 12:10

Ndien kpukpru owo eke editiŋde ikɔ adian Eyen Owo, eyefen enye: edi owo eke editiŋde ikɔ-isuŋi adian Edisana Spirit, idifenke enye.

JOHN 17:9

Mmebeŋe Fi mbaŋa mmɔ, mbeŋeke mbaŋa ererimbot, edi mbeŋe mbaŋa mmɔ oro ɔkɔnɔde Mi: koro mmɔ edi Okuo:

2 ŊWED TIMOTHY 4:14

Alexander odom-utim akanam mi ibak eti-eti; Ɔbɔŋ eyesio enye usiene nte ekemde ye se enye akanamde.

1 JOHN 5:17

Kpukpru ukwaŋkpɔ edi idiɔk-ŋkpɔ; idiɔk-ŋkpɔ eke midaha mkpa idi onyuŋ odu.

1 SAMUEL 12:19

Ndien kpukpru owo edɔhɔ Samuel, ete, Kpe Jehovah Abasi fo ubɔk nɔ ikɔt fo, man nnyin ikukpaŋa: koro nnyin imada idiɔkŋkpɔ ke eriyom edidem ikɔrɔ ye mme idiɔk ido nnyin efen.

1 SAMUEL 2:25

Edieke owo eduede ye owo, Abasi eyekpe ikpe esie; edi edieke owo eduede ye Jehovah, anie edikpe ubɔk inɔ enye? Edi mmɔ ikopke uyo ete mmɔ, koro Jehovah amade ndiwot mmɔ.