1 JOHN 5:13 - Edisana ñwed Abasi Ibom

¹³ Mma ŋwetwet ŋkpɔ emi nnɔ mbufo, man mbufo efiɔk ete mme imɔ imenyene nsinsi uwem, kpa mbufo emi ebuɔtde idem ke enyiŋ Eyen Abasi.

1 JOHN 5:13 ပူးပေါင်းရင်းမြစ်များ

JOHN 1:12

Edi kpukpru owo eke edarade Enye, Enye ɔnɔ mmɔ unen ndikabare ndi nditɔ Abasi, kpa mmɔ emi ebuɔtde idem ke enyiŋ Esie;

JOHN 2:23

Edi ke ini Enye odude ke Jerusalem ke usɔrɔ passover, ediwak owo ebuɔt idem ke enyiŋ Esie, ke emi mmɔ ekutde mme idiɔŋɔ eke Enye anamde.

JOHN 20:31

Edi ewet mmɔ emi, man mbufo enim ke akpanikɔ ete Jesus edi Christ, Eyen Abasi; man ke erinim ke akpanikɔ, mbufo ekpenyene uwem ke enyiŋ Esie.

JOHN 21:24

Emi edi mbet emi etiede ntiense abaŋa mme ŋkpɔ emi, onyuŋ ewetde mme ŋkpɔ emi, nnyin imonyuŋ ifiɔk ite ikɔ ntiense esie edi akpanikɔ.

JOHN 3:18

Owo eke ɔbuɔtde idem ye Enye ikaha ikpe; ema ekekpe ikpe owo eke mibuɔtke idem ye Enye ema, koro enye mibuɔtke idem ke enyiŋ Edibon Eyen Abasi kierakiet.

JOHN 5:24

Ke akpanikɔ ke ndɔhɔ mbufo, Owo eke ekopde uyo Mi, onyuŋ ɔbuɔtde idem ye Enye emi ɔkɔdɔŋde Mi, enyene nsinsi uwem, inyuŋ idukke ke ikpe, edi ama oto ke mkpa ebe oduk ke uwem.

UTOM MME APOSTLE 3:16

Ndien oto koro owo emi ɔbuɔtde idem ke enyiŋ Esie, enyiŋ Esie ama anam owo emi mbufo ekutde enyuŋ efiɔkde okop nsɔŋidem: ke akpanikɔ, mbuɔtidem emi otode ke enye ama ɔnɔ owo emi ɔyɔhɔ nsɔŋidem ntem ke iso mbufo kpukpru.

UTOM MME APOSTLE 4:12

Erinyaŋa inyuŋ itoho ke baba owo kiet efen: koro enyiŋ baba kiet efen inyuŋ iduhe eke enɔde ke otu owo ke idak ikpa-enyɔŋ, eke enyenede ndida nnyana nnyin.

2 ŊWED CORINTH 5:1

KORO nnyin imɔfiɔk ite, edieke ataya eke idaŋde ke esit ke isɔŋ emi owurede, imenyene ufɔk eke Abasi ɔnɔde, eke midaha ubɔk owo ibɔp, eke ebigide ke nsinsi ke heaven.

ŊWED MBON GALATIA 4:6

Ndien sia mbufo edide nditɔ, Abasi ama ɔdɔŋ Spirit Eyen Esie edidu nnyin ke esit ete, ikot Enye ite, Abba Ete.

1 PETER 5:12

Ŋwet ŋwed emi ibio-ibio nnɔ esɔk mbufo ke ubɔk silvanus, emi ndade nte eyen-ete emi anamde akpanikɔ; man nsɔŋɔ mbufo esit, nnyuŋ ŋwut mbufo nte, emi edi ata mfɔn Abasi. Esɔŋɔ eda ke esit.

1 JOHN 1:4

nnyin inyuŋ iwet ŋkpɔ emi, man idaresit nnyin ɔyɔhɔ.

1 JOHN 2:1

ŊKPRI nditɔ mi, mmewet ŋkpɔ emi nnɔ mbufo, man mbufo ekunam idiɔk-ŋkpɔ. Ndien edieke owo anamde idiɔk-ŋkpɔ, nnyin imenyene Ekpe-emem ke ufɔt nnyin ye Ete, kpa Jesus Christ, emi edide edinen;

1 JOHN 2:21

Ŋwetke nnɔ mbufo koro mbufo mifiɔkke akpanikɔ, edi koro mbufo efiɔkde akpanikɔ, enyuŋ ekutde ete, nsu baba kiet isaŋake ŋkpɔ ye akpanikɔ.

1 JOHN 2:25

Ndien emi edise Enye ɔkɔŋwɔŋɔde ndinɔ nnyin, kpa nsinsi uwem.

1 JOHN 2:26

Mma ŋwewet ŋkpɔ emi nnɔ mbufo mbaŋa mmɔ eke eyomde ndida mbufo nyo ŋkpɔŋ usuŋ.

1 JOHN 3:23

Ndien mbet Esie edi ntem, ete, nnyin ibuɔt idem ke enyiŋ Eyen Imɔ Jesus Christ, inyuŋ ima kiet eken, kpa nte Enye ɔnɔde nnyin item.

1 JOHN 4:9

Abasi akada emi ayarare ima emi Enye amade nnyin, ke emi Enye okosiode edibon Eyen Esie kierakiet ɔdɔŋ ke ererimbot, kpaŋ nnyin ikpodu uwem oto ke Enye.

1 JOHN 5:10

Owo eke ɔbuɔtde idem ye Eyen Abasi enyene ikɔ-ntiense emi ke esit esie. Edi owo eke minimke Abasi ke akpanikɔ akanam Abasi ɔwɔrɔ osu-nsu, sia enye midaha ikɔ-ntiense emi Abasi ɔkɔnɔde nte akpanikɔ.

1 JOHN 5:11

Ndien emi edi ikɔ-ntiense, ete, Abasi ɔkɔnɔ nnyin nsinsi uwem, uwem emi onyuŋ odu ke Eyen Esie.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.