1 JOHN 5:11 - Edisana ñwed Abasi Ibom

¹¹ Ndien emi edi ikɔ-ntiense, ete, Abasi ɔkɔnɔ nnyin nsinsi uwem, uwem emi onyuŋ odu ke Eyen Esie.

1 JOHN 5:11 ပူးပေါင်းရင်းမြစ်များ

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

JOHN 1:19

Ndien emi edi ikɔ ntiense John, ke adaŋemi mme Jew emi etode ke Jerusalem esiode mme oku ye mme Levite edɔŋ ke ɔtɔ esie, ete ebup enye ete, Afo edi anie?

JOHN 1:4

Uwem odu Enye ke idem; uwem oro onyuŋ edi uŋwana owo.

JOHN 10:28

Ami nnyuŋ nnɔ mmɔ nsinsi uwem; ndien mmɔ iditakke ke nsinsi, baba owo kiet idinyuŋ iwamakere mmɔ isio Mi ke ubɔk.

JOHN 12:50

Ndien mmɔfiɔk nte item Esie edi uwem nsinsi: mmɔdo mme ŋkpɔ eke etiŋde, ntiŋ kpa nte Ete ɔkɔnɔde Mi uyo.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 19:35

Ndien owo emi okokutde ŋkpɔ emi edi ntiense, ndien ikɔ-ntiense esie edi se owo ekpenimde ke akpanikɔ: enye onyuŋ ɔfiɔk ete imɔ itiŋ akpanikɔ, man mbufo ŋko enim ke akpanikɔ.

JOHN 3:36

Owo eke ɔbuɔtde idem ye Eyen enyene nsinsi uwem; edi owo eke mibuɔtke idem ye Eyen idikwe uwem, edi iyaresit Abasi osuk ɔkɔbɔ enye.

JOHN 4:36

Kpa ke idaha emi andikpeŋe ukpeŋe ke ɔbɔ ŋkpɔ-eyen-utom, onyuŋ ataŋ mbuŋwum ɔnɔ nsinsi uwem; man andisuan mkpasip ye andikpeŋe ukpeŋe ekpadara ɔtɔ kiet.

JOHN 4:4

Edi ana nte Enye asaŋa ke Samaria ebe.

JOHN 5:21

Koro nte Ete anamde mme akpa-mkpa eset ɔnɔ mmɔ uwem, kpa ntre ke Eyen anam owo eke Enye amade odu uwem.

JOHN 5:26

Koro kpa nte Ete enyenede uwem ke Idem Esie, suk ntre ke Enye ɔkɔnɔ Eyen ndinyene uwem ke Idem Esie ŋko.

JOHN 6:40

Koro emi edi uduak Ete Mi, ete, kpukpru owo eke ekutde Eyen, enyuŋ ebuɔtde idem ye Enye, enyene nsinsi uwem; Ami nyenyuŋ nnam enye eset ke Akpatre usen.

JOHN 6:47

Ke akpanikɔ ke ndɔhɔ mbufo, Owo eke onimde ke akpanikɔ enyene nsinsi uwem.

JOHN 6:68

Simon Peter ɔbɔrɔ Enye ete, Ɔbɔŋ, nnyin iditiene anie? Afo enyene ikɔ uwem nsinsi.

ŊWED MBON ROME 5:21

man nte idiɔk-ŋkpɔ akadade ubɔŋ ke mkpa, kpa ntre ŋko mfɔn akpada ubɔŋ oto ke edinen ido, ɔwɔrɔ nsinsi uwem oto ke Jesus Christ Ɔbɔŋ nnyin.

ŊWED MBON ROME 6:23

Koro ŋkpɔ-eyen-utom idiɔk-ŋkpɔ edi mkpa, edi enɔ Abasi edi nsinsi uwem ke Christ Jesus Ɔbɔŋ nnyin.

1ŊWED TIMOTHY 1:16

Edi eketua mi mbɔm ke ntak emi, man Jesus Christ akpada mi, nte akan idiɔk owo, ayarare ofuri anyan ime Esie, onyuŋ onim ete, nda ke ibuot mmɔ emi editienede ebuɔt idem ye enye ekosim uwem nsinsi.

TITUS 1:2

Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;

1 JOHN 2:25

Ndien emi edise Enye ɔkɔŋwɔŋɔde ndinɔ nnyin, kpa nsinsi uwem.

1 JOHN 4:10

Ima odu ke oruk usuŋ emi, itoho ke emi nnyin ikamade Abasi, edi oto ke Abasi emi akamade nnyin, onyuŋ osiode Eyen Esie ɔdɔŋ, ete, edidi usio-isop mme idiɔk-ŋkpɔ nnyin.

1 JOHN 4:9

Abasi akada emi ayarare ima emi Enye amade nnyin, ke emi Enye okosiode edibon Eyen Esie kierakiet ɔdɔŋ ke ererimbot, kpaŋ nnyin ikpodu uwem oto ke Enye.

1 JOHN 5:10

Owo eke ɔbuɔtde idem ye Eyen Abasi enyene ikɔ-ntiense emi ke esit esie. Edi owo eke minimke Abasi ke akpanikɔ akanam Abasi ɔwɔrɔ osu-nsu, sia enye midaha ikɔ-ntiense emi Abasi ɔkɔnɔde nte akpanikɔ.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

1 JOHN 5:7

Ndien Spirit etie ntiense, koro Spirit edide akpanikɔ.

3 JOHN 1:12

Kpukpru owo edi ntiense enɔ Demetrius. Akpanikɔ onyuŋ edi ntiense ɔnɔ enye. Nnyin inyuŋ idi ntiense inɔ enye ŋko-ŋko: ndien afo ɔmɔfiɔk ete ikɔ-ntiense nnyin edi akpanikɔ.

JUDE 1:21

enyuŋ etie ebet mbɔm Ɔbɔŋ nnyin Jesus Christ emi edisuŋɔde ke nsinsi uwem.

ERIYARARE 1:2

emi eketiede ntiense abaŋa ikɔ Abasi, ye ikɔ-ntiense eke Jesus Christ ɔnɔde, kpa kpukpru ŋkpɔ eke enye okokutde.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.