1 JOHN 4:17 - Edisana ñwed Abasi Ibom

¹⁷ Ima ɔwɔrɔ ɔfɔn ama ke esit nnyin ntem, ete nnyin inyene uko ke usen ikpe; koro nte Enye odude uwem ke ererimbot emi, kpa ntre ke nnyin inyuŋ idu.

1 JOHN 4:17 ပူးပေါင်းရင်းမြစ်များ

MATTHEW 10:15

Ke akpanikɔ ke ndɔhɔ mbufo, Ŋkpɔ eyefɔn ye isɔŋ Sodom ye Gomorrah ke usen ikpe akan ye obio oro.

MATTHEW 10:25

Ekem eyen ukpep-ŋkpɔ nditie nte andikpep enye, asaŋa-utom ndinyuŋ ntie nte ete-ufɔk esie. Edieke mmɔ ema ekot ete-ufɔk ete, Beelzebub, ŋwaŋwaediso ke mmɔ edikot nditɔ ufɔk esie ntre.

MATTHEW 11:22

Edi ndɔhɔ mbufo nte, Ŋkpɔ eyefɔn ye Tyre ye sidon ke usen ikpe akan ye mbufo.

MATTHEW 11:24

Edi ndɔhɔ mbufo nte, Nkpɔ eyefɔn ye isɔŋ Sodom ke usen ikpe akan ye afo.

MATTHEW 12:36

Mmonyuŋ ndɔhɔ mbufo nte, Ke usen ikpe mme owo eyenɔ mbuk ebaŋa kpukpru ikpikpu ikɔ eke mmɔ etiŋde.

JOHN 15:20

Eti ikɔ eke ŋketiŋde nnɔ mbufo nte, Asaŋutom ikponke ikan ete-ufɔk. Edieke mmɔ ekesinde Mi enyin, eyesin mbufo ŋko: edieke mmɔ ekenimde uyo Mi, mmɔ eyenim uyo mbufo ŋko.

JOHN 17:22

Mmonyuŋ nyak ubɔŋ emi Afo ɔkɔnɔde Mi nnɔ mɔ; man mmɔ edi kiet, kpa nte nnyin idide kiet;

ŊWED MBON ROME 8:29

Koro mme owo emi Enye ekebemde iso ɔfiɔk, ke Enye okonyuŋ ebem iso onim ete mmɔ ekpekabare ebiet Imɔ, man Enye oro edidi akpan ke otu ediwak nditɔ-ete:

MME HEBREW 9:27

Ndien kpa nte ema enim enɔ owo ndikpa ini kiet, ndinyuŋ nda ke itie-ikpe ke oro ebede;

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

JAMES 2:22

Omokut ete, erinim ke akpanikɔ akasaŋa ye se enye anamde, ndien oto ke se enye anamde ekenyene mbuɔtidem eke ɔfɔnde ama,

2 PETER 2:9

Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;

2 PETER 3:7

Edi ama edi ikpa-enyɔŋ ye isɔŋ emi edude ke emi, ikɔ Abasi okomum mmɔ onim ɔnɔ ikaŋ; ekpeme mmɔ enim enɔ usen eke Abasi edikpede ikpe ye mmɔ emi mibakke Enye, edinyuŋ osobo mmɔ.

1 JOHN 2:28

Mmɔdo, ŋkpri nditɔ, eduŋ ke Enye ke emi, man, edieke Enye ediwɔrɔde owut idem, nnyin ikpenyene uko, ikunyuŋ inyene but ke iso Esie, ke adaŋemi Enye edidide.

1 JOHN 2:5

edi owo ekededi eke onimde ikɔ Esie, ke akpanikɔ ke emenam ima Abasi ɔfɔn ama ke esit esie.

1 JOHN 2:6

Nnyin ida emi ifiɔk ite idodu ke Enye: owo eke ɔdɔhɔde ete imɔ iduŋ ke Enye, akpasaŋa odu uwem kpa nte Enye akasaŋade.

1 JOHN 3:1

ESE utɔ akwa ima emi Ete ɔkɔnɔde nnyin, ete nnyin ikpekere nditɔ Abasi: ndien oro ke nnyin inyuŋ idi. Ke ntak emi ererimbot ifiɔkke nnyin, koro mikɔfiɔkke Enye.

1 JOHN 3:3

Kpukpru owo eke edoride enyin ke Enye ntem enam idem asana, kpa nte Enye asanade.

1 JOHN 3:7

Ŋkpri nditɔ mi, ekuyak baba owo kiet ada mbufo awaha ɔŋkpɔŋ usuŋ: owo eke anamde edinen ido edi edinen, kpa nte Enye edide edinen;

1 JOHN 4:12

Akananam baba owo kiet ikwe Abasi; edieke nnyin imade kiet eken, Abasi ododuŋ ke esit nnyin, ema enyuŋ enam ima Esie ɔfɔn ama ke uwem nnyin.