1 JOHN 3:8 - Edisana ñwed Abasi Ibom

⁸ owo eke anamde idiɔk-ŋkpɔ edi eke Satan, koro Satan ananam idiɔk-ŋkpɔ toto ke eritɔŋɔ. Ema esio Eyen Abasi enim ke ntak emi, man Enye akpabiat utom Satan.

1 JOHN 3:8 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

ISAIAH 27:1

KE usen oro Jehovah eyeda ofut esie emi ɔsɔŋde onyuŋ okponde, onyuŋ odobide, anam Leviathan, ɔsɔp-ukot uruk-ikɔt oro; anam Leviathan uruk-ikɔt emi awaŋade; onyuŋ owot kukubarakpa emi odude ke inyaŋ.

NUMBERS 21:9

Ndien Moses ada okpoho anam urukikɔt, emen ɔkɔŋ ke enyɔŋ anyan eto, ndien ekem, ke adaŋoro urukikɔt odomde owo, ndien enye ese urukikɔt okpoho oro, enye odu uwem.

MATTHEW 12:28

Edi edieke Ami ndade Spirit Abasi mbin mme demon nduɔk, Ubɔŋ Abasi ama osim mbufo.

MATTHEW 13:38

iŋwaŋ edi ererimbot; eti mkpasip edi nditɔ Obio Ubɔŋ Heaven; idiɔk mkpasip edi nditɔ andidiɔk;

MATTHEW 4:3

Ndien andidomo edi edidɔhɔ Enye ete, Edieke Afo edide Eyen Abasi, wuk mme itiat emi ekabare edi uyo.

MARK 1:24

enye onyuŋ ofiori ete, Isaŋa nso ye Afo, Jesus eyen Nazareth? Nte emedi ndisobo nnyin? mmɔdiɔŋɔ owo eke Afo edide, Edisana Eyen Abasi.

LUKE 10:18

Edi Enye ɔdɔhɔ mmɔ ete,Mma ŋkut Satan otode ke enyɔŋ ɔduɔ nte emireŋ-mireŋ.

JOHN 12:31

Ekem ini ikpe ererimbot emi: ke emi emɔŋ edisio ɔbɔŋ ererimbot emi eduɔk

JOHN 16:11

abaŋa ikpe, koro ema ekekpe ikpe ɔbɔŋ ererimbot emi.

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

ŊWED MBON ROME 16:20

Ndien ibigike bigi Abasi emem eyedigi Satan anuak ke idak ikpat mbufo. Mfɔn Ɔbɔŋ nnyin Jesus akpakam odu ye mbufo.

ŊWED MBON EPHESUS 2:2

emi mbufo esaŋade ke esit ke ini oko, nte ido eyo eke ererimbot emi edide, ekenyuŋ esuk ibuot enɔ ɔbɔŋ emi akarade edem ikpa-enyɔŋ, kpa spirit emi anamde utom kemi ke esit nditɔ ntut-utɔŋ.

ŊWED MBON COLOSSAE 2:15

Enye ama adianare mme andikara ye mme enyene-odudu ke Idem Esie efep onim nsan-nsan, ayarare mmɔ aŋwa-aŋwa, ada mmɔ nte mbuot-ekɔŋ ke cross Esie.

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

MME HEBREW 2:14

Sia nditɔ ebuanade ndien ke iyip ye obuk, Jesus ke Idem Esie ŋko etiene ada iyip ye obuk kpa ntre; man Enye akpasaŋa ke mkpa osobo enye emi akamade odudu mkpa,

MME HEBREW 9:26

sia akpanade nte Enye akpa ediwak ini toto ke eritɔŋɔ ererimbot; edi ke emi, ke ukperedem eyo emi, emayarare Enye ini kiet kpɔt, man Enye emen mme idiɔk-ŋkpɔ efep ke eriwa emi Enye awade Idem Esie.

2 PETER 2:4

Koro edieke Abasi mikayakke mme angel emi ekeduede ebɔhɔ, edi otopde mmɔ ɔduɔk ke itie-ufen, onyuŋ esinde mmɔ ke ŋkim-ŋkim ukpe, ete, enim mmɔ etie do ebet ikpe;

1 JOHN 1:2

(ndien uwem oro akayarare owut idem, nnyin ima inyuŋ ikut Enye, inyuŋ idi ntiense inɔ Enye, inyuŋ isian mbufo Uwem oro, kpa nsinsi Uwem, emi okodude ye Ete, ekenyuŋ eyararede enɔ nnyin);

1 JOHN 3:10

Eda emi eyarare efiɔk nditɔ Abasi ye nditɔ Satan; baba owo kiet eke minamke edinen ido idige eke Abasi, ndien edi ntre ye owo emi mimaŋa eyen-ete esie.

1 JOHN 3:5

Ndien mbufo efiɔk ete ekesio Enye enim, man emen mme idiɔk-ŋkpɔ efep; ndien idiɔk-ŋkpɔ iduhe Enye ke idem.

1 JOHN 5:19

Nnyin imɔfiɔk ite, nnyin idi eke Abasi, ofuri ererimbot onyuŋ esine ke ubɔk andidiɔk.

JUDE 1:6

Mme angel ŋko, emi mikomumke itie-odudu eke mmɔ ikama, edi ekpɔŋde ebiet iduŋ idem mmɔ, ke Enye ama onyuŋ ɔkɔbi ke nsinsi ebuka onim ke ekim, ete, etie ebet ikpe Akwa Usen oro.

ERIYARARE 20:10

Ndien emen Satan emi akabiaŋade mmɔ eduɔk ke akwa ŋkpɔdiɔhɔ ikaŋ ye brimstone, ke ebiet eke unam ye prophet nsu edude; eyenyuŋ etuhɔre mmɔ ke uwemeyo ke ke okoneyo ke nsinsi-nsinsi.

ERIYARARE 20:15

Ndien emen owo ekededi eke mikewetke enyiŋ esie ke ŋwed uwem eduɔk esin ke akwa ŋkpɔdiɔhɔ ikaŋ.