1 JOHN 3:23 - Edisana ñwed Abasi Ibom

²³ Ndien mbet Esie edi ntem, ete, nnyin ibuɔt idem ke enyiŋ Eyen Imɔ Jesus Christ, inyuŋ ima kiet eken, kpa nte Enye ɔnɔde nnyin item.

1 JOHN 3:23 ပူးပေါင်းရင်းမြစ်များ

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

MATTHEW 22:39

Udiana onyuŋ ebiet enye, ete, Ma mbɔhiduŋ fo nte idem fo.

MARK 9:7

Ndien ikpa enyɔŋ edi edifuk mmɔ; uyo onyuŋ oto ke ikpa-enyɔŋ ɔwɔrɔ ete, Emi edi edima Eyen Mi: ekop uyo Esie.

JOHN 1:12

Edi kpukpru owo eke edarade Enye, Enye ɔnɔ mmɔ unen ndikabare ndi nditɔ Abasi, kpa mmɔ emi ebuɔtde idem ke enyiŋ Esie;

JOHN 13:34

Mmɔnɔ mbufo obufa ibet nte, Mbufo ema kiet eken; nte, mbufo nde ema kiet eken kpa nte ŋkamade mbufo.

JOHN 14:1

EKUYAK esit otimere mbufo: ebuɔt idem ye Abasi, enyuŋ ebuɔt idem ye ami.

JOHN 15:12

Ibet Mi edi ntem, ete, mbufo ema kiet eken, kpa nte ŋkamade mbufo.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 2:23

Edi ke ini Enye odude ke Jerusalem ke usɔrɔ passover, ediwak owo ebuɔt idem ke enyiŋ Esie, ke emi mmɔ ekutde mme idiɔŋɔ eke Enye anamde.

JOHN 3:18

Owo eke ɔbuɔtde idem ye Enye ikaha ikpe; ema ekekpe ikpe owo eke mibuɔtke idem ye Enye ema, koro enye mibuɔtke idem ke enyiŋ Edibon Eyen Abasi kierakiet.

JOHN 6:29

Jesus ɔbɔrɔ mmɔ ete, Emi edi utom Abasi, ete, mbufo ebuɔt idem ye Enye emi Enye ɔkɔdɔŋde.

UTOM MME APOSTLE 16:31

Mmɔ ete enye, Buɔt idem ye Ɔbɔŋ Jesus, ndien eyenyaŋa fi ye ufɔk fo.

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

1 ŊWED THESSALONICA 4:9

Inaŋa nte ŋwet ŋkpɔ nnɔ mbufo mbaŋa ima nditɔ-ete: koro Abasi ke Idem Esie ke ekpep mbufo ndima kiet eken;

1ŊWED TIMOTHY 1:15

Ikɔ oro edi akpanikɔ, onyuŋ odot owo ɔbɔ ke ofuri esit, ete, Christ Jesus ekedi ke ererimbot ndinyaŋa mme idiɔk owo; emi ami ndide etubom mmɔ.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

1 PETER 4:8

Akan kpukpru ŋkpɔ, enyene ufiop-ufiop ima ke otu idem mbufo; koro ima ofukde ekese idiɔk-ŋkpɔ.

1 JOHN 2:7

Ndima, ŋwetke obufa ibet nnɔ mbufo, edi akani ibet emi mbufo ema enyene toto ke eritɔŋɔ; akani ibet oro edi ikɔ emi mbufo ekokopde.

1 JOHN 3:11

Koro emi edi etop emi mbufo ekekopde toto ke eritɔŋɔ, ete, nnyin ikpama kiet eken;

1 JOHN 4:15

Owo ekededi eke edinyimede ete, Jesus edi Eyen Abasi, Abasi ododuŋ enye ke esit, enye onyuŋ oduŋ ke Abasi.

1 JOHN 4:21

Ndien item emi ke nnyin ikɔbɔ ke ubɔk Esie, ete, owo emi amade Abasi edima eyen-ete esie ŋko.

1 JOHN 5:13

Mma ŋwetwet ŋkpɔ emi nnɔ mbufo, man mbufo efiɔk ete mme imɔ imenyene nsinsi uwem, kpa mbufo emi ebuɔtde idem ke enyiŋ Eyen Abasi.