1 JOHN 3:22 - Edisana ñwed Abasi Ibom

²² nnyin inyene uko ye Abasi; iyenyuŋ ibɔ se ededi eke ibeŋede ke ubɔk Esie, sia nnyin inimde mbet Esie, inyuŋ inamde se inemde Enye esit.

1 JOHN 3:22 ပူးပေါင်းရင်းမြစ်များ

ŊWED JOB 22:26

Koro afo eyedara Abasi Ibom, ndien, onyuŋ emenere iso fo ese Abasi.

ŊWED MME PSALM 10:17

O Jehovah, afo omokop se mbon ukut eyomde: eyesɔŋ mmɔ esit, eyekpaŋ utɔŋ fo;

ŊWED MME PSALM 34:4

Ŋkoyom Jehovah, ndien enye eyere mi, onyuŋ osio mi ke kpukpru se ndigede.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

MME ŊKE 15:29

Jehovah ada nsan-nsan ye mme idiɔk owo: edi okop akam nti owo.

MME ŊKE 28:9

Owo eke ɔwɔŋɔrede utɔŋ esie man okukop mbet, idem akam esie edidi ŋkpɔ ndek.

ISAIAH 1:15

Ndien ke ini mbufo emenerede ubɔk mbufo, ndip mbufo enyin mi: ndien ŋko ke ini mbufo ewakde ndibɔŋ akam, ami ŋkopke: iyip ɔmɔyɔhɔ mbufo ke ubɔk.

JEREMIAH 33:3

Seme kot mi, ndien nyeyere fi, nnyuŋ ŋwut fi ikpɔ ye ata mkpɔsɔŋ ŋkpɔ eke afo mufiɔkke mmɔ.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

MATTHEW 21:22

Ndien kpukpru ŋkpɔ ekededi eke mbufo edibeŋede ke akam, edinyuŋ ebuɔtdeidem, mbufo eyenyene.

MARK 11:24

Mmɔdo ndɔhɔ mbufo nte, Kpukpru ŋkpɔ ekededi eke mbufo ebɔŋde akam ebeŋe, enim ete mme imɔ ima ibɔ inyene, ndien eyewɔrɔ ɔnɔ mbufo.

JOHN 14:13

Nyenyuŋ nnam ŋkpɔ ekededi eke mbufo edibeŋede ke enyiŋ Mi, man Ete enyene ubɔŋ ke Eyen.

JOHN 15:10

Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

JOHN 15:7

Edieke mbufo eduŋde Mi ke idem, ikɔ Mi onyuŋ oduŋde mbufo ke esit, ebeŋe se eyomde, ndien eyenam enɔ mbufo.

JOHN 6:29

Jesus ɔbɔrɔ mmɔ ete, Emi edi utom Abasi, ete, mbufo ebuɔt idem ye Enye emi Enye ɔkɔdɔŋde.

JOHN 8:29

Andidɔŋ Mi onyuŋ odu ye Ami: Enye ikɔkpɔŋke Mi ikpɔŋ; koro Ami nnamde se inemde Enye esit kpukpru ini.

JOHN 9:31

Nnyin imɔfiɔk ite Abasi ikopke ebeŋe mme idiɔk owo: edi edieke owo eteŋede Abasi, onyuŋ anamde se Abasi amade, Enye okop ebeŋe owo oro.

UTOM MME APOSTLE 17:30

Abasi ofumi ini ndisime oro; edi ke emi Enye owuk kpukpru owo ke kpukpru ebiet, ete mmɔ ekabare esit:

UTOM MME APOSTLE 20:21

nnyuŋ ŋkpep mbufo ke ufɔk ke ufɔk, ŋkwɔrɔ nnɔ mme Jew ye mme Greek, nte mmɔ ekabare esit etiene Abasi, enyuŋ ebuɔt idem ye Ɔbɔŋ nnyin Jesus Christ.

ŊWED MBON PHILIPPI 4:18

Edi mmenyene kpukpru ŋkpɔ uwak-uwak; mmɔyuhɔ, sia mma ŋkɔbɔ enɔ mbufo ke ubɔk Epaphroditus; ata edinem ufuɔŋ ke edi, uwa eke Abasi adarade, onyuŋ enemde Enye esit eti-eti ndibɔ.

ŊWED MBON COLOSSAE 1:10

man mbufo esaŋa ke ido nte odotde Ɔbɔŋ, enem Enye esit ke kpukpru usuŋ, enyuŋ eŋwum mfri ke erinam kpukpru nti utom, enyuŋ ekɔri ke ifiɔk Abasi:

MME HEBREW 13:21

kpa Ɔbɔŋ nnyin Jesus Christ akpakam ɔnɔ mbufo kpukpru nti ŋkpɔ eda enam se Enye amade, onyuŋ anam utom ke esit nnyin, nte ɔfɔnde Enye ke enyin, oto ke Jesus Christ. Ubɔŋ enyene Enye ke nsinsi-nsinsi. Amen.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

JAMES 4:3

Mbufo ebeŋe, edi inɔŋɔ mbufo, koro mbufo ebeŋede ke idiɔk usuŋ, man eda edep ŋkpɔ-mbre.

JAMES 5:16

Mmɔdo eyarare idiɔk-ŋkpɔ mbufo enɔ kiet eken, enyuŋ ebɔŋ akam ebaŋa kiet eken, man ekɔk udɔŋɔ mbufo. Mkpe-ubɔk edinen owo enyene odudu eti-eti ndinam ŋkpɔ.

1 JOHN 2:3

Nnyin inyuŋ ida emi ifiɔk ite, imɔfiɔk Enye, emi nnyin inimde mbet Esie.

1 JOHN 5:14

Nnyin imonyuŋ ibure ifiɔk ibaŋa Enye, ite, edieke nnyin ibeŋede ŋkpɔ ekededi nte ekemde uduak Esie, Enye ɔbiɔŋ utɔŋ ke ebeŋe nnyin;