1 JOHN 3:18 - Edisana ñwed Abasi Ibom

¹⁸ Ŋkpri nditɔ mi, eyak nnyin ikuma ke ikɔ-inua ye ke edeme, edi eyak nnyin ima ke erinanam ye ke akpanikɔ.

1 JOHN 3:18 ပူးပေါင်းရင်းမြစ်များ

EXODUS 33:21

Ndien Jehovah ɔdɔhɔ ete, Sese, ebiet odu ekpere mi, afo nyuŋ da ke enyɔŋ itiat oro:

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

LUKE 7:5

Owo oro odot nte Afo akpanamde ŋkpɔ emi ɔnɔ enye; koro enye amade obio nnyin, okonyuŋ ɔbɔpde synagogue ɔnɔ nnyin.

JOHN 17:19

Ndien kabaŋa mmɔ ndianare Idem Mmi nnim nnɔ Fi, man ekpada akpanikɔ edianare mmɔ ŋko enim enɔ Fi.

ŊWED MBON ROME 12:9

Eyak ima okusaŋa ke mbubik. Esua se idiɔkde; eyire se ifɔnde.

ŊWED MBON GALATIA 5:13

Nditɔ-ete, ekekot mbufo ete edidi nditɔ-isɔŋ; edi ekuda itie eyen-isɔŋ mbufo eyom ufaŋ enɔ obukidem, edi esaŋa utom enɔ kiet eken ke ima.

ŊWED MBON EPHESUS 4:15

Edi man nnyin imum akpanikɔ ye ima ikɔri ke kpukpru ŋkpɔ, ikabare isim Enye emi edide Ibuot, kpa Christ;

1 ŊWED THESSALONICA 1:3

sia nnyin mitreke nditi utom mbuɔtidem mbufo, ye ɔkpɔsɔŋ utom ima mbufo, ye ime idori-enyin eke mbufo enyenede ke Ɔbɔŋ nnyin Jesus Christ, ke iso Abasi ye Ete nnyin.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

1 JOHN 2:1

ŊKPRI nditɔ mi, mmewet ŋkpɔ emi nnɔ mbufo, man mbufo ekunam idiɔk-ŋkpɔ. Ndien edieke owo anamde idiɔk-ŋkpɔ, nnyin imenyene Ekpe-emem ke ufɔt nnyin ye Ete, kpa Jesus Christ, emi edide edinen;

1 JOHN 3:7

Ŋkpri nditɔ mi, ekuyak baba owo kiet ada mbufo awaha ɔŋkpɔŋ usuŋ: owo eke anamde edinen ido edi edinen, kpa nte Enye edide edinen;

2 JOHN 1:1

EBIOWO ɔnɔ ŋwed emi esɔk eti ŋwan emi Abasi ekemekde, ye nditɔ esie emi mmade ke esit akpanikɔ; inyuŋ idige ami ikpɔŋ mma mmɔ, edi kpukpru mmɔ emi efiɔkde akpanikɔ;

3 JOHN 1:1

EBIOWO ewet ŋwed emi ɔnɔ esɔk Gaius, owo ima mi, emi mmade ke akpanikɔ.