1 JOHN 3:13 - Edisana ñwed Abasi Ibom

¹³ Ekuyak idem akpa mbufo, nditɔ-ete, edieke ererimbot asuade mbufo.

1 JOHN 3:13 ပူးပေါင်းရင်းမြစ်များ

MME ŊKE 29:27

Nti owo ese oburobut owo ke mbubiam: idiɔk owo onyuŋ ese owo edinen ido ke mbubiam.

ECCLESIASTES 5:8

Afo ama okut nte efikde mme ubuene, enyuŋ eyutde ikpe ye se inende ke mme province, kuyik oruk ŋkpɔ ntem: koro kiet emi okoŋde akan edikoŋ ekpeme; ndien Ata Andikoŋ akan mmɔ.

MATTHEW 10:22

Ndien kpukpru owo eyesua mbufo ke abaŋa enyiŋ Mi: edi eyeŋyaŋa owo eke edimede ime tutu osim akpatre.

MATTHEW 24:9

Ke ini oro ke eyeda mbufo eyak enɔ ukut, enyuŋ ewot mbufo: kpukpru mme idut eyenyuŋ esua mbufo kabaŋa enyiŋ Mi.

MARK 13:13

Kpukpru owo eyenyuŋ esua mbufo kabaŋa enyiŋ Mi. Edi eyenyaŋa owo eke edimede ime tutu osim akpatre.

LUKE 21:17

Ndien kpukpru owo eyesua mbufo kabaŋa enyiŋ Mi.

LUKE 6:22

Ɔfɔfɔn ɔnɔ mbufo ke ini owo edisuade mbufo, edinyuŋ edianarede mbufo ke idem mmɔ efep, ediyuŋ esuŋide mbufo, enyuŋ esin enyiŋ mbufo nte idiɔk ŋkpɔ kabaŋa Eyen Owo.

JOHN 16:2

Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

JOHN 17:14

Ami ŋkayak ikɔ Fo nnɔ mmɔ; ndien ererimbot asasua mmɔ, koro mmɔ midige eke ererimbot, kpa nte ami mmendige eke ererimbot.

JOHN 3:7

Kuyik ke emi ndɔhɔde fi nte, mbufo enyene nditɔŋɔ ntak mmana.

JOHN 7:7

Ererimbot ikemeke ndisua mbufo; edi asua Mi, koro Ami nditiŋde ikɔ-ntiense ndian enye nte, se enye anamde ɔdiɔk.

UTOM MME APOSTLE 3:12

Edi ke ini Peter okutde emi, enye ɔbɔrɔ mmɔ ete, Mbufo nditɔ Israel, nsinam idem akpade mbufo abaŋa owo emi? nsinyuŋ inam mbufo ewukde enyin ese nnyin, nte edide nnyin ida odudu idem nnyin mme uteŋe eke nnyin iteŋede Abasi inam enye asaŋa?

ŊWED MBON ROME 8:7

koro erikere ŋkpɔ obukidem edi eriŋwana ye Abasi; koro utɔ esit oro misukke ibuot inɔ ibet Abasi, minyuŋ ikemeke ndisuk ibuot.

2 ŊWED TIMOTHY 3:12

Ke akpanikɔ kpukpru owo eke eyomde ndidu eti uwem ke Christ Jesus enyene ndibiom isin-enyin.

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

ERIYARARE 17:7

Edi angel ete mi, Nsinam idem akpade fi? Ami nyesian fi ndibe-ŋkpɔ mbaŋa ŋwan oro, ye unam emi obiomde enye, kpa unam oro enyenede ibuot itiaba ye nduk duop.