1 JOHN 3:12 - Edisana ñwed Abasi Ibom

¹² ikubiet Cain, emi ekedide eke andidiɔk, onyuŋ owotde eyen-ete esie. Ndien ntak owotde enye? Koro utom esiemɔ ɔdiɔkde, edi eke eyen-ete esie enende.

1 JOHN 3:12 ပူးပေါင်းရင်းမြစ်များ

GENESIS 4:25

Ekem Adam ɔtɔŋɔ ntak ɔfiɔk ŋwan esiemɔ; ndien enye aman eyen-eren onyuŋ osio enye enyiŋ Seth, ete: Koro Abasi ama ɔnɔ mi eyen eŋwen ke ibuot Abel, koro Cain owotde enye.

2 SAMUEL 13:22

Edi Absalom idɔhɔke baba ikɔ kiet ye Amnon eyenete esie, edide eti, onyuŋ edide idiɔk: koro Absalom asuade Amnon, koro enye akasabarede Tamar eyeneka esie.

ŊWED MME PSALM 37:12

Idiɔk owo aduak idiɔk uduak abaŋa eti owo, onyuŋ ata edet ese enye.

ŊWED MME PSALM 38:20

Ndien mmɔ eke edade idiɔk esio usiene eti, esua mi, koro mbinede ŋkpɔ eke ɔfɔnde.

MME ŊKE 27:4

Iyaresit edi mfiomo: ifiopesit onyuŋ edi ibumere; edi anie ekeme ndida ke iso ufup?

MME ŊKE 29:10

Mbon afai esua owo eke ɔfɔnde ama: edi mmɔ eke enende eyom uwem esie (ndinim).

MME ŊKE 29:27

Nti owo ese oburobut owo ke mbubiam: idiɔk owo onyuŋ ese owo edinen ido ke mbubiam.

MATTHEW 13:19

Ke ini owo ekededi okopde ikɔ Obio Ubɔŋ Heaven, minyuŋ ifiɔkke se ɔwɔrɔde, andidiɔk edi editaŋ se ekasuande ke esit owo oro. Emi edi enye emi esuande mkpasip ke mben ɔkpɔusuŋ.

MATTHEW 13:38

iŋwaŋ edi ererimbot; eti mkpasip edi nditɔ Obio Ubɔŋ Heaven; idiɔk mkpasip edi nditɔ andidiɔk;

MATTHEW 23:35

man ofuri edinen iyip emi eduɔkde ke isɔŋ ɔkpɔkɔbɔ mbufo, ɔtɔŋɔde ke iyip edinen Abel, tutu osim iyip Zachariah, eyen Barachiah, emi mbufo ekowotde ke ufaŋ emi odude ke ufɔt temple ye itie-uwa.

MATTHEW 27:23

Mmɔ kpukpru ete, Ewot Enye ke cross. Edi enye ete, Ntak-e? nso idiɔk-ŋkpɔ ke Enye anam? Edi mmɔ edɔdiɔŋ efiori ete, Ewot Enye ke cross.

MATTHEW 5:37

Edi yak ikɔ mbufo edi; Edi ntre, ye, Idige ntre: koro se ibede oro oto ke andidiɔk.

LUKE 11:51

ɔtɔŋɔde ke iyip Abel tutu osim iyip Zechariah, emi ekowotde ke ufɔt itie-uwa ye esit-esit Ufɔk Abasi: ke akpanikɔ ke ndɔhɔ mbufo, eyekpak iyip mmɔ ke ubɔk emana emi.

JOHN 10:32

Jesus ɔbɔrɔ mmɔ ete, Ŋkowut mbufo ediwak nti utom eke etode Ete; mbufo etɔ Mi ke itiat kabaŋa utom ewe ke otu mmɔ?

JOHN 8:40

Edi ke emi mbufo eyom Mi ndiwot, kpa owo emi ŋkasiande mbufo akpanikɔ eke ŋkokopde ke inua Abasi: Abraham ikanamke ntem.

JOHN 8:41

Mbufo enanam ubɔk-utom ete mbufo. Mmɔ ete Enye, Nnyin idige nditɔ akpara: nnyin inyene ete kiet kpɔt kpa Abasi.

UTOM MME APOSTLE 7:52

Ewe prophet ke mme ete mbufo mikɔkɔbɔke? Mmɔ ekenyuŋ ewot mmɔ eke ebemde iso ekwɔrɔ ete, Ata Edinen eyedi; ndien ke emi mbufo emenyuŋ ekabare edi mme andida Enye nnɔ ye mme andiwot Enye;

1 ŊWED THESSALONICA 2:14

Koro mbufo, nditɔ-ete, emekabare edi mme andikpebe mme ufɔk Abasi emi edude ke Judaea ke Christ Jesus; koro mbufo emekut ukem-ukem ukut ke ubɔk mbio-obio mbufo, kpa nte mmɔ ekutde ke ubɔk mme Jew;

MME HEBREW 11:4

Oto mbuɔtidem Abel ada uwa eke ɔfɔnde akan eke Cain awa ɔnɔ Abasi, emi otode ke esit etiŋ ikɔ edian enye, ete, enye edi edinen owo; Abasi ke Idem Esie edi ntiense abaŋa enɔ esie; ndien oto do enye osuk etetiŋ ikɔ, okposuk edi nte enye ama akakpa.

MME HEBREW 12:24

ye Jesus emi edide esine-ufɔt obufa ediomi, ye erisime iyip, eke etiŋde se ifɔnde ikan iyip Abel.

1 PETER 4:4

ndien idem akpa mmɔ oro, ke emi mbufo minyimeke aba ndisaŋa ye mmɔ nduk ke ɔkpɔsɔŋ otime uwem oro, mmɔ enyuŋ esuŋi mbufo.

1 JOHN 3:8

owo eke anamde idiɔk-ŋkpɔ edi eke Satan, koro Satan ananam idiɔk-ŋkpɔ toto ke eritɔŋɔ. Ema esio Eyen Abasi enim ke ntak emi, man Enye akpabiat utom Satan.

JUDE 1:11

Idifɔnke fɔn inɔ mmɔ! koro mmɔ ekasaŋade ke afaŋ Cain, enyuŋ eduɔkde idem ke nduyo Balaam ke ntak udori, enyuŋ etak ke nsɔŋ-ibuot Korah.

ERIYARARE 17:6

Ndien ŋkut ŋwan oro nte ɔŋwɔŋde iyip nti ikɔt Abasi ye eke mme ntiense Jesus ɔyuhɔ. Ke adaŋemi ŋkutde enye, idem akpa mi eti-eti.