1 JOHN 3:1 - Edisana ñwed Abasi Ibom

¹ ESE utɔ akwa ima emi Ete ɔkɔnɔde nnyin, ete nnyin ikpekere nditɔ Abasi: ndien oro ke nnyin inyuŋ idi. Ke ntak emi ererimbot ifiɔkke nnyin, koro mikɔfiɔkke Enye.

1 JOHN 3:1 ပူးပေါင်းရင်းမြစ်များ

2 SAMUEL 7:19

Emi osuk onyuŋ ekpekpri ke enyin fo, O Ɔbɔŋ Jehovah; ndien afo omonyuŋ ɔdɔhɔ abaŋa ufɔk owo fo ke anyan ini ke iso. Ndien emi edi ido owo, O Ɔbɔŋ Jehovah.

ŊWED MME PSALM 31:19

Ufɔn fo okpon didie emi afo onimde ɔnɔ mmɔ eke ebakde fi, onyuŋ anamde ɔnɔ mmɔ eke ebuɔtde idem mmɔ ye afo ke iso nditɔ owo!

JEREMIAH 3:19

Edi ami ndɔhɔ nte, Ndinam didie nsin fi ke otu nditɔ mi, nnyuŋ nnɔ fi isɔŋ inemesit, kpa ata ediye udeme udim mme idut? Ndien ndɔhɔ nte, Kot mi, ete, Ete mi: kunyuŋ ufiak edem ukpɔŋ mi.

HOSEA 1:10

Edi ibat nditɔ Israel eyetie nte ntan-inyaŋ emi owo mikemeke ndidomo, minyuŋ ikemeke ndibat: ndien ama ekem ke ebiet emi ekedɔhɔde mmɔ, ete, Lo-ammi (mbufo idige ikɔt mi) ke eyɔdɔhɔ mmɔ, ete, Nditɔ Abasi uwem.

LUKE 20:36

koro mmɔ edi ukem-ukem ye mme angel; enyuŋ edi nditɔ Abasi, sia mmɔ edide nditɔ eriset.

JOHN 1:12

Edi kpukpru owo eke edarade Enye, Enye ɔnɔ mmɔ unen ndikabare ndi nditɔ Abasi, kpa mmɔ emi ebuɔtde idem ke enyiŋ Esie;

JOHN 11:52

inyuŋ idige kabaŋa ufɔn obio oro ikpɔŋ, edi man Enye ataŋ kpukpru nditɔ Abasi emi esuanade obon ɔtɔ kiet.

JOHN 15:21

Edi mmɔ eyenam mbufo kpukpru ŋkpɔ emi ke ntak Mi, koro mmɔ mifiɔkke Andidɔŋ Mi.

JOHN 16:3

Ndien mmɔ eyenam mme ŋkpɔ emi, koro mmɔ mikɔdiɔŋɔke Ete, minyuŋ idiɔŋɔke Mi.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 3:16

Koro Abasi akamama erimbot ntem, tutu Enye osio ikpɔŋ-ikpɔŋ Eyen emi Enye obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.

ŊWED MBON ROME 5:8

Edi Abasi otim ayarare ima eke amade nnyin, ke emi Christ akpade ke ibuot nnyin ke adaŋemi nnyin isuk idide mme idiɔk owo kaŋa.

ŊWED MBON ROME 8:19

Koro ofuri ekondo etiede ke ɔkpɔsɔŋ udɔŋ, ebet ini eke ediyararede nditɔ Abasi.

ŊWED MBON ROME 8:21

ete ke eyenyaŋa ekondo ke idemesie nde esio ke itie ufin mbiara, esin ke itie eyenisɔŋ emi enyenede ubɔŋ eke nditɔ Abasi.

ŊWED MBON ROME 8:32

Enye emi mikesinke ndinɔ Eyen Esiemɔ, edi ayakde Enye ɔnɔ ke ibuot nnyin kpukpru, Enye edikeme didie nditre ndinɔ nnyin kpukpru ŋkpɔ ndian ye Enye?

2 ŊWED CORINTH 6:18

Nnyuŋ ndi Ete mbufo. Ndien mbufo eyedi nditɔ iren Mi ye nditɔ Mi iban. Ntem ke Jehovah Ata Ɔkpɔsɔŋ ɔdɔhɔ.

ŊWED MBON GALATIA 3:26

Koro kpukpru mbufo edi nditɔ Abasi oto ke mbuɔtidem mbufo ke Christ Jesus.

ŊWED MBON GALATIA 3:29

Edi edieke mbufo edide eke Christ, mbufo enyuŋ edi nditɔ Abraham; nte uŋwɔŋɔ edide, mbufo edi mme ada-udeme nyene.

DEUTERONOMY 14:1

MBUFO edi nditɔ Jehovah Abasi mbufo: ekukpeŋe idem mbufo, ekunyuŋ enam ibɔ ke ufɔt enyin mbufo, ebaŋa akpa-mkpa,

ŊWED MBON COLOSSAE 3:3

Koro mbufo ema ekpa ema, uwem mbufo onyuŋ odibe ye Christ ke Abasi.

1 JOHN 3:10

Eda emi eyarare efiɔk nditɔ Abasi ye nditɔ Satan; baba owo kiet eke minamke edinen ido idige eke Abasi, ndien edi ntre ye owo emi mimaŋa eyen-ete esie.

1 JOHN 3:2

Ndima, nnyin idi nditɔ Abasi ke emi; ndien iyarakere kaŋa iwut se nnyin ididide. Edi nnyin ifiɔk ite, edieke Enye ediwɔrɔde owut idem nnyin iyebiet Enye, koro nnyin iyekut Enye nte Enye edide.

1 JOHN 4:17

Ima ɔwɔrɔ ɔfɔn ama ke esit nnyin ntem, ete nnyin inyene uko ke usen ikpe; koro nte Enye odude uwem ke ererimbot emi, kpa ntre ke nnyin inyuŋ idu.

ERIYARARE 21:7

Owo eke akande eyeda ŋkpɔ emi enyene; ndien nyedi Abasi esie; enye eyenyuŋ edi eyen Mi.