1 JOHN 2:9 - Edisana ñwed Abasi Ibom

⁹ Owo eke ɔdɔhɔde ete imɔ idu ke uŋwana, ndien enye asua eyen-ete esie, osuk odu ke ekim tutu osim emi.

1 JOHN 2:9 ပူးပေါင်းရင်းမြစ်များ

2 SAMUEL 13:22

Edi Absalom idɔhɔke baba ikɔ kiet ye Amnon eyenete esie, edide eti, onyuŋ edide idiɔk: koro Absalom asuade Amnon, koro enye akasabarede Tamar eyeneka esie.

ŊWED MME PSALM 82:5

Mmɔ ifiɔkke, inyuŋ idige mme asian; mmɔ esesaŋa ke ekim: kpukpru se ererimbot odorode ke esit enyek.

LEVITICUS 19:17

Kusua eyen usɔ ke esit fo; edi kutre ndisua nɔ mbɔhiduŋ fo, mbak afo edidue isop abaŋa enye.

JOHN 9:41

Jesus ete mmɔ, Edieke mbufo ekpedide nnan, mbufo ikpenyeneke idiɔk-ŋkpɔ: edi ke emi mbufo edɔhɔ ete, Imokut ŋkpɔ: idiɔk-ŋkpɔ mbufo osuk ododu.

UTOM MME APOSTLE 1:15

Ekem ke mme usen oro Peter adaha ke enyɔŋ ke otu nditɔ-ete (otu owo emi ebonode ekpere owo ikie ye edip), onyuŋ ɔdɔhɔ ete, Nditɔ-ete, se ekewetde,

2 PETER 1:9

Koro owo eke minyeneke mme ŋkpɔ emi edi nnan, itimke ikut usuŋ, onyuŋ efre ete, ema eyet imɔ ŋkani mme idiɔk-ŋkpɔ efep, enyuŋ enam imɔ isana.

1 JOHN 1:6

Edieke idɔhɔde ite, iduk nduk ye Enye, ndien nnyin isaŋa ke ekim, nnyin isosu, inyuŋ inamke se idide akpanikɔ:

1 JOHN 2:11

Edi owo eke asuade eyen-ete esie odu ke ekim onyuŋ asaŋa ke ekim, inyuŋ ifiɔkke ɔtɔ nte enye akade, koro ekim okofuk enye enyin.

1 JOHN 2:4

Owo emi ɔdɔhɔde ete, Mmɔfiɔk Enye, ndien minimke mbet Esie, edi osu-nsu, akpanikɔ inyuŋ iduhe Enye ke esit;

1 JOHN 3:10

Eda emi eyarare efiɔk nditɔ Abasi ye nditɔ Satan; baba owo kiet eke minamke edinen ido idige eke Abasi, ndien edi ntre ye owo emi mimaŋa eyen-ete esie.

1 JOHN 4:20

Edieke owo ɔdɔhɔde ete, Mmama Abasi, ndien enye asua eyen-ete esie, enye edi osu-nsu; koro owo emi mimaŋa eyen-ete esie emi enye okokutde ke enyin ikemeke ndima Abasi emi enye mikekwe.