1 JOHN 2:3 - Edisana ñwed Abasi Ibom

³ Nnyin inyuŋ ida emi ifiɔk ite, imɔfiɔk Enye, emi nnyin inimde mbet Esie.

1 JOHN 2:3 ပူးပေါင်းရင်းမြစ်များ

ŊWED MME PSALM 119:32

Nyefehe ke usuŋ mbet fo, koro afo eyeŋwaŋa mi esit.

ŊWED MME PSALM 119:6

Ndien but idinamke mi, ke ini ami ntiŋde enyin ke kpukpru mbet fo.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

LUKE 6:46

Nsinam mbufo ekotde Mi ete, Ɔbɔŋ, Ɔbɔŋ, ndien minamke se ndɔhɔde?

JOHN 14:15

Mbufo ema ema Mi, eyenim mbet Mi.

JOHN 15:10

Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

JOHN 15:14

Mbufo edi mme ufan Mi edieke mbufo enamde ŋkpɔ eke ntemede mbufo.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

1 JOHN 2:13

Mmewet nnɔ mbufo, mme ete, koro mbufo efiɔkde Enye emi ɔkɔtɔŋɔde ke eritɔŋɔ odu. Mmewet nnɔ mbufo, mkparawa, koro mbufo ema ekekan andidiɔk. Mma ŋwewet nnɔ mbufo, ŋkpri nditɔ, koro mbufo efiɔkde Ete.

1 JOHN 3:14

Nnyin imɔfiɔk ite imɔwɔrɔ ke mkpa ibe iduk ke uwem, ke emi nnyin imade nditɔ-ete. Owo eke mimaŋa-ma osuk odu ke mkpa.

1 JOHN 3:19

Nnyin iyeda emi ifiɔk ite ida ye akpanikɔ, inyuŋ isɔŋɔ esit ke iso Esie ke ŋkpɔ eke esit obiomde nnyin:

1 JOHN 3:6

Baba owo kiet eke oduŋde ke Enye inamke idiɔk-ŋkpɔ. Kpukpru owo eke enamde idiɔk-ŋkpɔ ikekwe Enye, inyuŋ ifiɔkke Enye.

1 JOHN 4:13

Nnyin ida emi ifiɔk ite, nnyin idoduŋ ke Enye, Enye onyuŋ oduŋ nnyin ke idem, koro Enye ama ɔkɔnɔ nnyin udeme ke Spirit Esie.

1 JOHN 4:7

Ndima, eyak nnyin ima kiet eken; koro ima oto Abasi; kpukpru owo eke emade-ma, edi Abasi okobon mmɔ, mmɔ enyuŋ efiɔk Abasi.

1 JOHN 5:19

Nnyin imɔfiɔk ite, nnyin idi eke Abasi, ofuri ererimbot onyuŋ esine ke ubɔk andidiɔk.

1 JOHN 5:2

Nnyin ida emi ifiɔk ite, nnyin imama nditɔ Abasi, sia nnyin imade Abasi, inyuŋ inimde mbet Esie.

1 JOHN 5:3

Koro ndima Abasi edi emi, ete, nnyin inim mbet Esie; ndien mbet Esie ibiakke owo idem.

ERIYARARE 12:17

Ndien dragon ayat esit ye ŋwan, onyuŋ adaha ndiŋwana ekɔŋ ye nditɔ esie emi esuhɔde emi enimde mme item Abasi, enyuŋ eyirede emum ikɔ-ntiense Jesus ekama.

ERIYARARE 14:12

Mi ke ekut ime nti ikɔt Abasi, kpa mmɔ emi enimde mbet Abasi, enyuŋ ebuɔtde idem ye Jesus.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.