1 JOHN 2:24 - Edisana ñwed Abasi Ibom

²⁴ Ama edi mbufo, eyak se mbufo ekokopde toto ke eritɔŋɔ osuk odu mbufo ke esit. Edieke se mbufo ekekopde toto ke eritɔŋɔ osuk odude mbufo ke esit, mbufo ŋko eyesuk eduŋ ke Eyen ye ke Ete.

1 JOHN 2:24 ပူးပေါင်းရင်းမြစ်များ

JOHN 14:23

Jesus ɔbɔrɔ enye ete, Edieke owo amade Mi, eyenim uyo Mi: ndien Ete Mi eyema enye, nnyin iyenyuŋ idi ididuŋ ye enye.

1 JOHN 4:13

Nnyin ida emi ifiɔk ite, nnyin idoduŋ ke Enye, Enye onyuŋ oduŋ nnyin ke idem, koro Enye ama ɔkɔnɔ nnyin udeme ke Spirit Esie.

1 JOHN 4:16

Ndien nnyin imɔfiɔk, inyuŋ ibuɔt idem ke ima emi Abasi amade nnyin. Abasi edi ima; ndien owo emi oduŋde ke ima ododuŋ ke Abasi, Abasi onyuŋ ododuŋ enye ke idem.

ERIYARARE 3:3

Ti ndien usuŋ nte akasaŋade ɔbɔ enyene, ye adaŋa nte okokopde, nyuŋ kpeme, nyuŋ kabare esit. Edieke mudu-kpemeke, nyedi nte inɔ, ndien udufiɔkke ini eke ndibuatde fi.

1 JOHN 2:7

Ndima, ŋwetke obufa ibet nnɔ mbufo, edi akani ibet emi mbufo ema enyene toto ke eritɔŋɔ; akani ibet oro edi ikɔ emi mbufo ekokopde.

1 JOHN 1:3

se nnyin ikokutde inyuŋ ikopde, ke nnyin isian mbufo, man mbufo nde eduk nduk ye nnyin; ndien ke akpanikɔ nnyin iduk nduk ye Ete, ye Eyen Esie Jesus Christ;

JOHN 15:7

Edieke mbufo eduŋde Mi ke idem, ikɔ Mi onyuŋ oduŋde mbufo ke esit, ebeŋe se eyomde, ndien eyenam enɔ mbufo.

ERIYARARE 3:11

Mmɔŋ ndi iwiwa. Sɔŋɔ mum se enyenede kama, mbak owo edibɔ anyanya fo.

ŊWED MBON COLOSSAE 3:16

Mbufo enyuŋ enyene esit ekɔm. Eyak ikɔ Christ odu ɔyɔhɔ-ɔyɔhɔ ke esit mbufo ke kpukpru eti ibuot; emen psalm ye hymn ye ikwɔ uwem spirit ekpep enyuŋ eteme kiet eken, ekwɔ itoro enɔ Abasi ye esit ekɔm.

ŊWED MME PSALM 119:11

Mmada ikɔ fo ndip ke esit mi, man ŋkudue fi.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

MME HEBREW 3:14

koro nnyin imakabare idi mme abuana ŋkpɔ ye Christ, edieke nnyin isɔŋɔde imum mbuɔtidem eke ikenyenede ke eritɔŋɔ tutu osim akpatre:

ŊWED MBON PHILIPPI 4:15

Mbufo mbon Philippi emenyuŋ efiɔk ete, ke ini gospel osimde mbufo ke akpa, ke ini ntode Macedonia ndi, ndomo ufɔk Abasi kiet idukke nduk ye ami ke erinɔnɔ mme eribɔbɔ ŋkpɔ, ke mibɔhɔke mbufo ikpɔŋ-ikpɔŋ.

3 JOHN 1:3

Koro mmedat esit eti-eti ke ini ndusuk nditɔ-ete edide, enyuŋ edɔhɔde ete, ke afo edi owo akpanikɔ, kpasuk nte afo onyuŋ asaŋade ke akpanikɔ odu uwem.

2 JOHN 1:2

ke ntak akpanikɔ eke oduŋde nnyin ke esit, edinyuŋ odude ye nnyin ke nsinsi.

MME HEBREW 2:1

MMƆDO ikpotim ikpaŋ utɔŋ ikan inɔ mme ŋkpɔ emi ikokopde, mbak nnyin idifiɔrɔ ikpɔŋ mmɔ.

JOHN 8:25

Ntem ke mmɔ ete Enye, Afo edi anie? Jesus ete mmɔ, Nsinam ŋkpetetiŋ ikɔ ekededi ye mbufo?

LUKE 1:2

kpa nte mmɔ, emi ekedide mme ntiense toto ke eritɔŋɔ ye mme andikwɔrɔ ikɔ Abasi, ekayakde enɔ nnyin;

MME ŊKE 23:23

Dep akpanikɔ, kunyuŋ unyam, ye eti ibuot, ye item, ye asian.

LUKE 9:44

Eyak mme ikɔ emi etim eduk mbufo utɔŋ, koro emɔŋ ediyak Eyen owo esin owo ke ubɔk.

JOHN 6:56

Owo eke adiade obukidem Mi, onyuŋ ɔŋwɔŋde iyip Mi, osuk oduŋ Mi ke idem, Ami nnyuŋ nduŋ enye ke idem.

1 JOHN 3:24

Owo emi onimde mbet Esie oduŋ ke Enye, Enye onyuŋ oduŋ ke esit owo oro. Nnyin inyuŋ ida emi ifiɔk ite, Enye oduŋ nnyin ke idem, oto ke Spirit emi Enye ɔkɔnɔde nnyin.

1 JOHN 4:15

Owo ekededi eke edinyimede ete, Jesus edi Eyen Abasi, Abasi ododuŋ enye ke esit, enye onyuŋ oduŋ ke Abasi.

2 JOHN 1:9

Kpukpru owo eke adade ibuot usuŋ, minyuŋ isukke idem itie ke ukpep-ŋkpɔ Christ, inyeneke Abasi; owo oro osukde idem etie ke ukpep-ŋkpɔ oro enyene Ete, onyuŋ enyene Eyen.