1 JOHN 2:21 - Edisana ñwed Abasi Ibom

²¹ Ŋwetke nnɔ mbufo koro mbufo mifiɔkke akpanikɔ, edi koro mbufo efiɔkde akpanikɔ, enyuŋ ekutde ete, nsu baba kiet isaŋake ŋkpɔ ye akpanikɔ.

1 JOHN 2:21 ပူးပေါင်းရင်းမြစ်များ

2 PETER 1:12

Ke ntak emi nduak nditi mbufo ŋkpɔ emi kpukpru ini, okposuk edi nte mbufo efiɔkde mmɔ, enyuŋ esɔŋɔde eda ke akpanikɔ eke odude ye mbufo.

JUDE 1:5

Edi mmonyom nditi mbufo se mbufo ema ekefiɔk ema, nte, ke adaŋemi Jehovah ama akanyaŋa ikɔt osio ke Egypt, ekem Enye osobo mmɔ emi minimke ke akpanikɔ.

MME ŊKE 1:5

Enyene-ibuot owo eyekop, onyuŋ ɔkɔrɔ ke se ekpepde; asian owo eyenyuŋ enyene ikike:

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

JAMES 1:19

Mbufo efiɔk emi, ndima nditɔ-ete mi. Edi yak kpukpru owo esɔp ndikop ikɔ, ekusɔp nditiŋ ikɔ, ekusɔp ndiyat esit;

1 JOHN 3:19

Nnyin iyeda emi ifiɔk ite ida ye akpanikɔ, inyuŋ isɔŋɔ esit ke iso Esie ke ŋkpɔ eke esit obiomde nnyin: