1 JOHN 2:18 - Edisana ñwed Abasi Ibom

¹⁸ Ŋkpri nditɔ, emi edi ukperedem eyo: ndien nte mbufo ema ekop ete, andibiɔŋɔ Christ ke edi, kpa ke emi ediwak mme andibiɔŋɔ Christ ema ewɔrɔ ewut idem: nnyin ida emi ifiɔk ite, edi ukperedem eyo.

1 JOHN 2:18 ပူးပေါင်းရင်းမြစ်များ

MATTHEW 24:11

Ndien ediwak prophet nsu eyedaha eda enam ediwak owo ewaha ekpɔŋ usuŋ.

MATTHEW 24:24

Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.

MATTHEW 24:5

Koro ediwak owo eyedi ke enyiŋ Mi, ete, Ami ndi Christ: eyenyuŋ eda ediwak owo ewaha ekpɔŋ usuŋ.

MARK 13:6

Ediwak owo eyedi ke enyiŋ Mi, ete, Ami ndi Enye; eyenyuŋ eda ediwak owo ewaha ekpɔŋ usuŋ.

JOHN 21:5

Ntre ke Jesus obup ete, Nditɔ, nte mbufo emenyene se ediade? Mmɔ ebɔrɔ Enye ete, Inyeneke.

ŊWED MBON ROME 13:11

Enyuŋ enam ntem, sia mbufo efiɔkde edikem ini, ete ini ekekem nte mme imɔ ikpedemere ke idap: koro erinyaŋa ekpere nnyin ke emi, akan nte ekekperede ke ini nnyin inimde ke akpanikɔ.

ŊWED MBON ROME 13:12

Okoneyo ɔnyɔŋ ebe efep, uwem-eyo ke ekpere; eyak nnyin ifɔrɔre ndien utom ekim, inyuŋ isine ŋkpɔ-ekɔŋ uŋwana.

MME HEBREW 1:2

ke ukperedem ini emi ama etiŋ ɔnɔ nnyin ke Eyen; emi Enye ekemekde onim, ete edidi andinyene kpukpru ŋkpɔ, okonyuŋ adade ubɔk Esie obot ekondo:

1 PETER 1:20

emi Abasi ekebemde iso onim ndien ediwuk adaha ererimbot emi; ema enyuŋ eyarare Enye ke ukperedem ini emi, man ɔfɔn ye mbufo.

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

1 PETER 4:7

Edi utit kpukpru ŋkpɔ ke ekpere. Mmɔdo mbufo enyene eti ibuot, enyuŋ efara ke idem, man ekeme ndibɔŋ akam.

2 PETER 2:1

EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

2 PETER 3:3

Ke akpa itie, efiɔk emi ete, ke ukperedem ini mbon nsahi eyeda nsahi edi; mmɔ eyesaŋa ke mme idiɔk itɔŋ mmɔ, enyuŋ edɔhɔ ete,

1 JOHN 2:22

Anie edi osu-nsu, ke midige owo eke afaŋade ete Jesus idige Christ. Owo eke afaŋade Ete ye Eyen, kpa enye edi andibiɔŋɔ Christ.

1 JOHN 4:1

NDIMA, ekunim kpukpru spirit ke akpanikɔ, edi edomo mme spirit ese mme mmɔ edi eke Abasi: koro ediwak prophet nsu ema ewɔŋɔ eduk edi ke ererimbot.

1 JOHN 4:3

ndien kpukpru spirit eke minyimeke Jesus itoho Abasi. Emi onyuŋ edi spirit andibiɔŋɔ Christ, emi mbufo ekekopde ete enye ɔmɔŋ edi; ndien enye odu ke ererimbot ke emi.

2 JOHN 1:7

Koro ediwak mbon abiaŋa ema ewɔŋɔ ekeduk ke ererimbot, kpa mmɔ emi minyimeke ite, Jesus Christ ama edi ke obukidem. Utɔ owo oro edi owo abiaŋa ye andibiɔŋɔ Christ.

JUDE 1:18

nte mmɔ edɔhɔde mbufo ete, mbon nsahi eyedu ke ukperedem ini, emi edisaŋade ke idiɔk itɔŋ, midinyuŋ ibakke Abasi.