1 JOHN 2:14 - Edisana ñwed Abasi Ibom

¹⁴ Mma ŋwewet nnɔ mbufo mme ete, koro mbufo efiɔkde Enye emi ɔkɔtɔŋɔde ke eritɔŋɔ odu. Mma ŋwewet nnɔ mbufo, mkparawa, koro mbufo ekopde idem, ikɔ Abasi onyuŋ oduŋde mbufo ke esit, mbufo ema enyuŋ ekan andidiɔk.

1 JOHN 2:14 ပူးပေါင်းရင်းမြစ်များ

ŊWED MME PSALM 119:11

Mmada ikɔ fo ndip ke esit mi, man ŋkudue fi.

JOHN 15:7

Edieke mbufo eduŋde Mi ke idem, ikɔ Mi onyuŋ oduŋde mbufo ke esit, ebeŋe se eyomde, ndien eyenam enɔ mbufo.

JOHN 5:38

inyuŋ inyeneke ikɔ Esie nte osuk oduŋde ke esit mbufo, koro mbufo inimke Enye emi Ete ɔkɔdɔŋde ke akpanikɔ.

JOHN 8:31

Ntre ke Jesus ɔdɔhɔ mme Jew oro enimde Enye ke akpanikɔ ete, Edieke mbufo esɔŋɔde eda ke ikɔ Mi, mbufo edi mbet Mi ke akpanikɔ:

JOHN 8:37

Mmɔfiɔk nte mbufo edi nditɔ Abraham: edi mbufo eyom Mi ndiwot, sia ikɔ Mi minyeneke itie ke esit mbufo.

ŊWED MBON EPHESUS 6:10

Nte akpatre ikɔ, esɔŋɔ idem ke Ɔbɔŋ ye ke ɔkpɔsɔŋ odudu Esie.

ŊWED MBON PHILIPPI 4:13

Mmenyene ukeme ndinam kpukpru ŋkpɔ ke odudu Andisɔŋɔ mi idem.

ŊWED MBON COLOSSAE 1:11

Abasi akpakam onyuŋ ada kpukpru odudu Esie ɔsɔŋɔ mbufo idem, nte asaŋade ekekem ye ukeme ubɔŋ Esie, man mbufo ekeme ndibiom kpukpru ŋkpɔ nnyuŋ mme anyan ime ye idaresit;

ŊWED MBON COLOSSAE 3:16

Mbufo enyuŋ enyene esit ekɔm. Eyak ikɔ Christ odu ɔyɔhɔ-ɔyɔhɔ ke esit mbufo ke kpukpru eti ibuot; emen psalm ye hymn ye ikwɔ uwem spirit ekpep enyuŋ eteme kiet eken, ekwɔ itoro enɔ Abasi ye esit ekɔm.

2 ŊWED TIMOTHY 2:1

AFO ndien, eyen mi, sɔŋɔ idem ke mfɔn eke odude ke Christ Jesus.

MME HEBREW 8:10

Koro Jehovah ɔdɔhɔ ete, Emi edi ediomi eke ndinamde ye Ufɔk Israel, Ke mme usen oro ema ebe. Nyesin mbet Mi ke esit mmɔ, Nyenyuŋ ŋwet Mmɔ ke ɔwɔŋesit mmɔ ŋko; Ndien nyedi Abasi mmɔ, Mmɔ eyenyuŋ edi ikɔt Mi:

1 JOHN 1:1

SE ikodude toto ke eritɔŋɔ, se nnyin ikokopde, se ikokutde ke enyin, se inyuŋ isede, inyuŋ idade ubɔk ituk, ibaŋa Ikɔ uwem

1 JOHN 1:10

Edieke nnyin idɔhɔde ite akanam nnyin inamke idiɔk-ŋkpɔ, imakabare Enye inim ke osu-nsu, ikɔ Esie inyuŋ iduhe nnyin ke esit.

1 JOHN 2:13

Mmewet nnɔ mbufo, mme ete, koro mbufo efiɔkde Enye emi ɔkɔtɔŋɔde ke eritɔŋɔ odu. Mmewet nnɔ mbufo, mkparawa, koro mbufo ema ekekan andidiɔk. Mma ŋwewet nnɔ mbufo, ŋkpri nditɔ, koro mbufo efiɔkde Ete.

2 JOHN 1:2

ke ntak akpanikɔ eke oduŋde nnyin ke esit, edinyuŋ odude ye nnyin ke nsinsi.

3 JOHN 1:3

Koro mmedat esit eti-eti ke ini ndusuk nditɔ-ete edide, enyuŋ edɔhɔde ete, ke afo edi owo akpanikɔ, kpasuk nte afo onyuŋ asaŋade ke akpanikɔ odu uwem.

ERIYARARE 2:3

omonyuŋ enyene ime, okonyuŋ obiom ukut kabaŋa enyiŋ Mi, unyuŋ ukabakere ukpa mba.

ERIYARARE 2:7

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyenɔ enye ndidia mfri eto uwem, emi odude ke Paradise Abasi.