1 JOHN 2:11 - Edisana ñwed Abasi Ibom

¹¹ Edi owo eke asuade eyen-ete esie odu ke ekim onyuŋ asaŋa ke ekim, inyuŋ ifiɔkke ɔtɔ nte enye akade, koro ekim okofuk enye enyin.

1 JOHN 2:11 ပူးပေါင်းရင်းမြစ်များ

2 SAMUEL 13:22

Edi Absalom idɔhɔke baba ikɔ kiet ye Amnon eyenete esie, edide eti, onyuŋ edide idiɔk: koro Absalom asuade Amnon, koro enye akasabarede Tamar eyeneka esie.

MME ŊKE 4:19

Usuŋ mme idiɔk owo ebiet ata ekim: mmɔ ifiɔkke se edituahade eduɔŋɔ.

ECCLESIASTES 2:14

Ama edi enyene-ibuot owo, enyin esie edu enye ke ibuot; edi ndisime asaŋa ke ekim: ndien ami ŋko ke idem mi mmɔfiɔk, nte ke unɔmɔ kiet ɔnɔmɔ mmɔ kpukpru.

LEVITICUS 19:17

Kusua eyen usɔ ke esit fo; edi kutre ndisua nɔ mbɔhiduŋ fo, mbak afo edidue isop abaŋa enye.

JOHN 12:35

Mmɔdo Jesus ɔbɔrɔ mmɔ ete, Uŋwana eyesuk odu ye mbufo ke ekpri ini. Esaŋa ke adaŋemi mbufo enyenede uŋwana, mbak ekim edisim mbufo; koro owo eke asaŋade ke ekim ifiɔkke ɔtɔ nte enye akade.

JOHN 12:40

Enye okotibi mmɔ enyin, onyuŋ ɔsɔŋ mmɔ esit; Mbak mmɔ edida enyin mmɔ ekut usuŋ, enyuŋ eda esit mmɔ ekere ŋkpɔ, Enyuŋ ekabare, ndien nnam udɔŋɔ okure mmɔ.

2 ŊWED CORINTH 3:14

Edi esit mmɔ akabare ɔsɔŋ: koro tutu osim mfin emi, ke adaŋemi ekotde ŋwed akani ediomi, ufuk-iso oro osuk odu do; iŋwaŋake kaŋa mmɔ ke enyin, ete Christ ama anam ubɔŋ oro ebe efep.

2 ŊWED CORINTH 4:4

emi abasi eyo emi akanamde ikike mmɔ eke minimke ke akpanikɔ okim, mbak uŋwana gospel ubɔŋ Christ, emi edide mbiet Abasi, edisem ɔnɔ mmɔ.

TITUS 3:3

Koro nnyin ke idem nnyin ima inana ibuot tutuko, ima itut-utɔŋ, inyuŋ idue; iduk ufin inɔ nsio-nsio idiɔk udɔŋ ye mbre; ima idu uwem inam ibak, inyuŋ ifibeufup; nnyin ikedi se owo esuade, nnyin ikonyuŋ isua kiet eken.

2 PETER 1:9

Koro owo eke minyeneke mme ŋkpɔ emi edi nnan, itimke ikut usuŋ, onyuŋ efre ete, ema eyet imɔ ŋkani mme idiɔk-ŋkpɔ efep, enyuŋ enam imɔ isana.

1 JOHN 1:6

Edieke idɔhɔde ite, iduk nduk ye Enye, ndien nnyin isaŋa ke ekim, nnyin isosu, inyuŋ inamke se idide akpanikɔ:

1 JOHN 2:10

Owo eke amade eyen-ete esie ododuŋ ke uŋwana, baba ntak utuaha-ukot inyuŋ iduhe enye ke idem.

1 JOHN 2:9

Owo eke ɔdɔhɔde ete imɔ idu ke uŋwana, ndien enye asua eyen-ete esie, osuk odu ke ekim tutu osim emi.

1 JOHN 3:15

Kpukpru owo eke asuade eyen-ete esie edi obom: ndien mbufo efiɔk ete, baba obom kiet inyeneke nsinsi uwem ke esit esie.

1 JOHN 4:20

Edieke owo ɔdɔhɔde ete, Mmama Abasi, ndien enye asua eyen-ete esie, enye edi osu-nsu; koro owo emi mimaŋa eyen-ete esie emi enye okokutde ke enyin ikemeke ndima Abasi emi enye mikekwe.

ERIYARARE 3:17

Koro ɔdɔhɔde ete, Mmenyene inyene, mmonyuŋ ŋkɔ inyene, nnyuŋ nnanake ŋkpɔ; ndien udiɔŋɔke ete idi ata nditaha owo, emi enyenede mbɔm, inyuŋ ibuene, inyuŋ idɔŋɔ nnan, inyuŋ inana edisine-ŋkpɔ;