1 JOHN 2:1 - Edisana ñwed Abasi Ibom

¹ ŊKPRI nditɔ mi, mmewet ŋkpɔ emi nnɔ mbufo, man mbufo ekunam idiɔk-ŋkpɔ. Ndien edieke owo anamde idiɔk-ŋkpɔ, nnyin imenyene Ekpe-emem ke ufɔt nnyin ye Ete, kpa Jesus Christ, emi edide edinen;

1 JOHN 2:1 ပူးပေါင်းရင်းမြစ်များ

ŊWED MME PSALM 4:4

Mbufo ekunam idiɔk ke ifuresit: ena ke mbri mbufo, eneme ye esit mbufo, enyuŋ edop uyo. [Selah.]

EZEKIEL 3:21

Edi koro afo ɔnɔde edinen owo item, ete edinen owo okunam idiɔk ido, ndien enye minamke idiɔk, enye eyedu uwem, koro afo ɔnɔde enye item; afo omonyuŋ anyaŋa ukpɔŋ fo.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

LUKE 10:22

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke enye emi Eyen edide ke mibɔhɔke Ete: owo inyuŋ ifiɔkke enye emi Ete edide ke mibɔhɔke Eyen, ye owo ekededi eke Eyen amade ndiyarare Enye nnɔ.

JOHN 10:15

Ami nnyuŋ mfiɔkde Ete; mmonyuŋ nyak uwem Mi nduɔk ke ibuot mme erɔŋ.

JOHN 13:33

Ŋkpri nditɔ, nnyene ndidu ye mbufo kaŋa ke ekpri ini. Mbufo eyeyom Mi: ndien, kpa nte ŋkɔhɔde mme Jew nte, Mbufo ikemeke ndisim ɔtɔ nte ŋkade, ndɔhɔ mbufo suk ntre ke emi.

JOHN 14:16

Nyenyuŋ mbeŋe Ete, ndien Enye eyenɔ mbufo Iberedem efen, man Enye edidu ye mbufo ke nsinsi;

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 21:5

Ntre ke Jesus obup ete, Nditɔ, nte mbufo emenyene se ediade? Mmɔ ebɔrɔ Enye ete, Inyeneke.

JOHN 5:14

Edikem Jesus okut enye ke temple, onyuŋ ɔdɔhɔ enye ete, Sese, omokop nsɔŋidem; kunam aba idiɔk-ŋkpɔ, mbak se idiɔkde ikan oko edisim fi.

JOHN 5:36

Edi Ami mmenyene ikɔ-ntiense emi okponde akan eke John; koro mme utom emi Ete ɔkɔnɔde Mi ete nnam, kpa utom emi nnanam, mmɔ enyuŋ edi ntiense enɔ Mi, ete, Ete okosio Mi ɔdɔŋ.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

JOHN 8:11

Enye ete, baba owo kiet, Ɔbɔŋ. Jesus ɔdɔhɔ enye ndien ete, Ami nnyuŋ ntipke fi ikpe; nyɔŋ okuo; kunam aba idiɔk-ŋkpɔ.

UTOM MME APOSTLE 7:52

Ewe prophet ke mme ete mbufo mikɔkɔbɔke? Mmɔ ekenyuŋ ewot mmɔ eke ebemde iso ekwɔrɔ ete, Ata Edinen eyedi; ndien ke emi mbufo emenyuŋ ekabare edi mme andida Enye nnɔ ye mme andiwot Enye;

ŊWED MBON ROME 5:10

Koro edieke Abasi akadade mkpa Eyen Esie esin emem ke ufɔt nnyin ye Idem Esie ke adaŋemi nnyin ikedide mme asua, ŋwaŋwaediso, sia ima ikabare itie ke emem ye Enye, ke Abasi eyeda uwem Eyen Esie anyaŋa nnyin.

ŊWED MBON ROME 6:15

Nso ndien? nte idinam idiɔk-ŋkpɔ, sia nnyin miduhe ke idak ibet, edi iduhe ke idak mfɔn?

ŊWED MBON ROME 8:34

Edi Abasi etebe mmɔ ikpe; anie edibiom mmɔ? Ndi Christ Jesus emi akakpade, ŋkpakam ndɔhɔ nte, Jesus emi ekesetde ke mkpa, emi odude ke ubɔk nnasia Abasi, emi onyuŋ anamde mkpe-ubɔk ɔnɔ nnyin?

1 ŊWED CORINTH 15:34

Efara ke idem edinen-edinen, enyuŋ etre mme idiɔk-ŋkpɔ, koro ndusuk owo inyeneke ifiɔk Abasi. Ntiŋ emi man but anam mbufo.

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

ŊWED MBON GALATIA 4:19

Ŋkpri nditɔ mi, emi ntɔŋɔde ntak ndu ke ubiak uman mbaŋa mbufo, tutu Christ oboro mbufo ke esit;

ŊWED MBON EPHESUS 2:18

koro oto Enye ke nnyin ke edem mbiba inyene usuŋ eke isaŋade ke Spirit kiet itiene Ete.

ŊWED MBON EPHESUS 4:26

Eyat esit, ndien ekudue; ekuyak utin ɔsuhɔre edisim iyaresit mbufo: ekunyuŋ enɔ Satan ufaŋ.

1ŊWED TIMOTHY 2:5

Koro Abasi kiet odu, Ekpe-emem kiet ke ufɔt Abasi ye owo onyuŋ odu, emi ke Idem Esie edide owo, kpa Christ Jesus;

1ŊWED TIMOTHY 3:14

Ŋwewet mme ŋkpɔ emi nnɔ fi ye idori-enyin nte nyewara ndi ke ŋkaŋ fo;

MME HEBREW 9:24

Koro Christ ikebehe iduk ke edisana ebiet emi edade ubɔk enam, emi onyuŋ edide mbiet ata Edisana Ebiet; edi ebe oduk ke ata heaven, man Enye ada ke iso Abasi ke emi kabaŋa nnyin.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.

JAMES 3:9

Nnyin ida edeme itoro Ɔbɔŋ ye Ete nnyin; inyuŋ ida enye isuŋi owo, emi ebotde ke mbiet Abasi:

1 PETER 2:22

Enye ikanamke idiɔk-ŋkpɔ, akanam inyuŋ ikwe Enye abiaŋa ke inua.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 JOHN 3:18

Ŋkpri nditɔ mi, eyak nnyin ikuma ke ikɔ-inua ye ke edeme, edi eyak nnyin ima ke erinanam ye ke akpanikɔ.

1 JOHN 3:5

Ndien mbufo efiɔk ete ekesio Enye enim, man emen mme idiɔk-ŋkpɔ efep; ndien idiɔk-ŋkpɔ iduhe Enye ke idem.

1 JOHN 3:7

Ŋkpri nditɔ mi, ekuyak baba owo kiet ada mbufo awaha ɔŋkpɔŋ usuŋ: owo eke anamde edinen ido edi edinen, kpa nte Enye edide edinen;

1 JOHN 4:4

Mbufo enyene Abasi, ŋkpri nditɔ mi, emenyuŋ ekan mmɔ; koro Enye emi odude mbufo ke idem okpon akan enye emi odude ke ererimbot.

1 JOHN 5:17

Kpukpru ukwaŋkpɔ edi idiɔk-ŋkpɔ; idiɔk-ŋkpɔ eke midaha mkpa idi onyuŋ odu.

1 JOHN 5:21

Ŋkpri nditɔ mi, ekpeme idem ke ndem.

3 JOHN 1:4

Nnyeneke idaresit eke okponde akan erikop eke ŋkopde nte nditɔ mi esasaŋa ke akpanikɔ.