1 JOHN 1:9 - Edisana ñwed Abasi Ibom

⁹ Edieke nnyin iyararede mme idiɔk-ŋkpɔ nnyin, Enye edi anam-akpanikɔ onyuŋ enen, ete ifen mme idiɔk-ŋkpɔ nnyin, inyuŋ iyet nnyin isana ke kpukpru mme ukwaŋkpɔ.

1 JOHN 1:9 ပူးပေါင်းရင်းမြစ်များ

1 NDIDEM 8:30

Kop ndien mkpe-ubɔk owo fo, ye eke ikɔt fo Israel, eke mmɔ edinamde ese ebiet emi: afo nyuŋ tie ke ebiet iduŋ fo ke enyɔŋ kop: ndien ke ini afo okopde, dahado.

1 NDIDEM 8:47

edi mmɔ ema ekere ke esit mmɔ ke isɔŋ eke etaŋde mmɔ efep eka do, enyuŋ ekabarede, ekpe fi ubɔk ke isɔŋ mmɔ eke etaŋde mmɔ efep, ete, Nnyin imedue, imonyuŋ inam ukwaŋ - ŋkpɔ, imonyuŋ idiɔk;

NEHEMIAH 1:6

mbɔk, kpaŋ utɔŋ, nyuŋ tat enyin, man okop mkpe-ubɔk owo fo, emi ami ŋkpede ke iso fo mfin, ke uwemeyo ye ke okoneyo, mbaŋa nditɔ Israel ikɔt fo, nnyuŋ nyarare mme idiɔk ido nditɔ Israel, emi nnyin ikenamde ye afo kpa ami ye ufɔk ete mi ikedue.

ŊWED MME PSALM 19:12

Anie ekeme ndidiɔŋɔ ndudue esiemɔ? Nam mi nsana mbɔhɔ mmɔ eke edibede.

ŊWED MME PSALM 32:5

Nyesian fi ndudue mi, ndien ŋkofukke mme ukwaŋ-ŋkpɔ mi. Ŋkɔdɔhɔ nte, Nyetiŋ mme idiɔk ido mi nnɔ Jehovah; ndien afo efen ukwaŋ-ŋkpɔ ye ndudue mi. [Selah.]

EXODUS 34:7

awak ima ye akpanikɔ, onim ima ɔnɔ ediwak tɔsin, efen mme ukwaŋ-ŋkpɔ, ye ndudue, ye idiɔk ido, edi iyakke mbon-isop ebɔhɔ; ada usiene mme ukwaŋkpɔ mme ete, osio ye nditɔ, ye nditɔ nditɔ, tutu osim ɔyɔhɔ emana ita ye inaŋ.

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

ISAIAH 45:21

Mbufo etiŋ, enyuŋ eda edi; yak mmɔ enyuŋ esobo ibuot ɔtɔ kiet: anie okobuk emi ke eset? anie eketiŋ enye tutu ko? Nte idige ami Jehovah? ndien Abasi efen iduhe ke mibɔhɔke ami: edinen Abasi emi onyuŋ edide andinyaŋa iduhe ikɔrɔ ye ami.

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

JEREMIAH 33:8

Ndien nyesio mmɔ kpukpru mme idiɔk ido mmɔ eke mmɔ ekenamde ye ami ke idem mfep nnam mmɔ esana; nnyuŋ mfen kpukpru mme ukwaŋ-ŋkpɔ mmɔ emi mmɔ ekenamde ye ami, ye emi mmɔ ekeduede ye ami.

ŊWED ESEME 3:23

Mmɔ edi mbufa kpukpru usenubɔk: akpanikɔ fo omokpon.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

EZEKIEL 37:23

Idinyuŋ idaha aba ibɔk mmɔ ye ŋkpɔ ndek mmɔ, ye baba mme idiɔk ido mmɔ kiet isabare idem mmɔ: ndien ami nyenyaŋa mmɔ nsio ke kpukpru ebiet iduŋ mmɔ emi mmɔ ekenamde idiɔk ke esit; nnyuŋ nnam mmɔ edi edisana: ndien mmɔ eyedi ikɔt mi, ami nyenyuŋ ndi Abasi mmɔ.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

MATTHEW 3:6

ewɔŋɔ etiene enye; enyuŋ ena baptistm ke ubɔk esie ke akpa Jordan, ke eyararede mme idiɔkŋkpɔ mmɔ.

MARK 1:5

Ndien mbio ofuri edem Judea, ye kpukpru mme andiduŋ Jerusalem ewɔŋɔ etiene enye, enyuŋ ena baptism ke ubɔk esie ke akpa Jordan, ke eyararede mme idiɔk-ŋkpɔ mmɔ.

LUKE 22:57

Edi enye akaŋ, ete, Ŋwan owo, ndiɔŋɔke Enye.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

UTOM MME APOSTLE 19:18

Ediwak mmɔ emi enimde ke akpanikɔ enyuŋ edi editiŋ enyuŋ eyarare se mmɔ ekenamde,

ŊWED MBON ROME 3:26

man onyuŋ ayarare edinen ido Esie ke ini emi, ete Imɔ ke Idem Imɔ idi edinen, inyuŋ inam ikpe etebe owo eke ɔbuɔtde idem ke Jesus.

1 ŊWED CORINTH 1:9

Abasi edi anam-akpanikɔ, emi okokotde mbufo ete ediduk nsaŋa ye Eyen Esie Jesus Christ Ɔbɔŋ nnyin.

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

ŊWED MBON EPHESUS 5:26

man Enye akpada mmɔŋ ɔkɔrɔ ye ikɔ Abasi eyet ɔkɔp esie,

DEUTERONOMY 7:9

Fiɔk, ndien, ete ke Jehovah Abasi fo edi ata Abasi, Abasi akpaniko emi onimde ediomi ye ima ye mmɔ eke emade enye, enyuŋ enimde mbet esie, ke tɔsin emana;

1ŊWED TIMOTHY 1:15

Ikɔ oro edi akpanikɔ, onyuŋ odot owo ɔbɔ ke ofuri esit, ete, Christ Jesus ekedi ke ererimbot ndinyaŋa mme idiɔk owo; emi ami ndide etubom mmɔ.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MME HEBREW 10:23

enyuŋ eyak nnyin isɔŋɔ imum ikɔ eke idade iyarare idori-enyin ikama, mbak edibɔhɔ nnyin oyok; koro Enye emi ɔnɔde nnyin uŋwɔŋɔ edi Abasi akpanikɔ:

MME HEBREW 11:11

Oto mbuɔtidem kpa Sarah ke idem esie ɔbɔ ukeme ndiyomo, ke ini enye ama ekebe ini uman, koro adade Enye emi ɔkɔŋwɔŋɔde uŋwɔŋɔ ɔnɔ enye ke anam-akpanikɔ:

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

ERIYARARE 15:3

Mmɔ enyuŋ ekwɔ ikwɔ Moses owo Abasi ye ikwɔ Eyen-erɔŋ, ete, Mme utom Fo ekponi enyuŋ enyene nyɔ, O Ɔbɔŋ Abasi, Andikara kpukpru ŋkpɔ; Mme usuŋ Fo enen enyuŋ edi akpanikɔ, O Edidem mme obio.