1 JOHN 1:7 - Edisana ñwed Abasi Ibom

⁷ edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

1 JOHN 1:7 ပူးပေါင်းရင်းမြစ်များ

ŊWED MME PSALM 104:2

Ada uŋwana nte ɔfɔŋidem ofuk idem: onyuŋ anyanare ikpa-enyɔŋ nte ukara:

ŊWED MME PSALM 51:2

Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

ŊWED MME PSALM 56:13

Koro afo okosiode ukpɔŋ mi ke mkpa: nte afo udunimke ukot mi okufiɔnɔre, man nsaŋa ke iso Abasi ke uŋwana uwem?

ŊWED MME PSALM 89:15

Ɔfɔfɔn ɔnɔ mmɔ eke efiɔkde mkpo idara: O Jehovah, mmɔ eyesaŋa ke uŋwana iso fo.

ŊWED MME PSALM 97:11

Emetɔ uŋwana ke isɔŋ enɔ ndinen owo, etɔ idaresit enɔ mbon esit kiet.

ISAIAH 2:5

O ufɔk Jacob, mbufo edi, nnyin isaŋa ke uŋwana Jehovah.

ISAIAH 33:24

Ndien andiduŋ ididɔhɔke ite, ndɔdɔŋɔ: efen mme idiɔk ido mmɔ eke eduŋde ke esit.

ISAIAH 6:7

ndien enye ada enye otuk mi ke mkpɔk-inua, onyuŋ ɔdɔhɔ ete, Sese, emi omutuk fi ke mkpɔk-inua: omonyuŋ osio isop idiɔk ido fo.

AMOS 3:3

Nte iba eyesaŋa kiet ye kiet ke mmɔ midige esit kiet?

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

MATTHEW 6:12

Nyuŋ dahado ke isɔn eke ikamade Fi, nte emi nnyin ikadahadedo inɔ mmɔ emi ekamade nnyin isɔn;

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

JOHN 12:35

Mmɔdo Jesus ɔbɔrɔ mmɔ ete, Uŋwana eyesuk odu ye mbufo ke ekpri ini. Esaŋa ke adaŋemi mbufo enyenede uŋwana, mbak ekim edisim mbufo; koro owo eke asaŋade ke ekim ifiɔkke ɔtɔ nte enye akade.

JOHN 5:4

Koro angel Abasi esito ke enyɔŋ edi ke ini ke ini onyuŋ editimede mmɔŋ oro, ndien akpa owo udɔŋɔ emi ebemde iso oduk mmɔŋ oro eyekop nsɔŋidem.

ŊWED MBON ROME 13:12

Okoneyo ɔnyɔŋ ebe efep, uwem-eyo ke ekpere; eyak nnyin ifɔrɔre ndien utom ekim, inyuŋ isine ŋkpɔ-ekɔŋ uŋwana.

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.

ŊWED MBON EPHESUS 5:8

Koro mbufo ekedi ekim totoko, edi emewɔrɔ edi uŋwana ke Ɔbɔŋ ke emi:

1ŊWED TIMOTHY 6:16

emi Enye ikpɔŋ mikpaha mkpa, emi oduŋde ke uŋwana eke owo mikemeke ndisaŋa ŋkpere; emi akanam owo mikwe, midinyuŋ ikemeke ndikut: ubɔŋ enyene Enye ye nsinsi odudu. Amen.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

1 PETER 1:19

edi ekada iyip eke ɔsɔŋde urua efak mbufo, nte iyip eyen-erɔŋ eke ananade ndo onyuŋ ananade ntɔi, kpa eke Christ:

1 JOHN 1:3

se nnyin ikokutde inyuŋ ikopde, ke nnyin isian mbufo, man mbufo nde eduk nduk ye nnyin; ndien ke akpanikɔ nnyin iduk nduk ye Ete, ye Eyen Esie Jesus Christ;

1 JOHN 1:5

Ndien emi edi etop eke ikokopde ke inua Esie, inyuŋ isian mbufo, ite, Abasi edi uŋwana, ekim inyuŋ iduhe ke Enye.

1 JOHN 5:6

Emi edi Enye emi akasaŋade ye mmɔŋ ye iyip edi, kpa Jesus Christ; isaŋake ye mmɔŋ ikpɔŋ idi, edi asaŋa ye mmɔŋ ye iyip.

1 JOHN 5:8

Koro mmɔ emi etiede ntiense edi ita, Spirit, ye mmɔŋ, ye iyip; mmɔ mbita enyuŋ ekem uyo.

2 JOHN 1:4

Mmedat esit eti-eti koro ŋkutde ndusuk nditɔ fo esaŋade ke akpanikɔ, kpa nte Ete ɔkɔnɔde nnyin uyo, ete inam.

3 JOHN 1:4

Nnyeneke idaresit eke okponde akan erikop eke ŋkopde nte nditɔ mi esasaŋa ke akpanikɔ.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 12:11

Mmɔ ema ekan enye oto ke iyip Eyen-erɔŋ, Onyuŋ oto ke se mmɔ etiŋde nte ntiense. Mmɔ imaŋa uwem mmɔ tutu osim mkpa.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.