1 JOHN 1:4 - Edisana ñwed Abasi Ibom

⁴ nnyin inyuŋ iwet ŋkpɔ emi, man idaresit nnyin ɔyɔhɔ.

1 JOHN 1:4 ပူးပေါင်းရင်းမြစ်များ

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

JOHN 15:11

Mma ntiŋ mme ŋkpɔ emi nnɔ mbufo, man idaresit Mi odu ke mbufo, idaresit mbufo onyuŋ ɔyɔhɔ.

JOHN 16:24

Tutu osim ini emi mbufo ikebeŋeke baba ŋkpɔ kiet ke enyiŋ Mi: ebeŋe, ndien mbufo eyebɔ, man idaresit mbufo ɔyɔhɔ.

JOHN 3:29

Enyene-aŋwan-ndɔ edi ebe-ŋwan: edi ufan ebeŋwan, emi adade da okop enye uyo, adara eti-eti ndikop uyo ebeŋwan: ntem ke idara mi emi ama akabare ɔyɔhɔ.

2 ŊWED CORINTH 1:24

Idige nte nnyin idedi mme andikara mbufo ke ŋkpɔ mbuɔtidem, edi nte idedi mme andiŋwam mbufo ndiyene idaresit. Koro ke mbuɔtidem ke mbufo edada.

ŊWED MBON EPHESUS 3:19

man mbufo eyɔhɔ esim ofuri uyɔhɔ Abasi.

1 JOHN 2:1

ŊKPRI nditɔ mi, mmewet ŋkpɔ emi nnɔ mbufo, man mbufo ekunam idiɔk-ŋkpɔ. Ndien edieke owo anamde idiɔk-ŋkpɔ, nnyin imenyene Ekpe-emem ke ufɔt nnyin ye Ete, kpa Jesus Christ, emi edide edinen;

2 JOHN 1:12

Mmenyene ediwak ŋkpɔ ndiwet nnɔ mbufo; edi mmaŋa ndida ŋwed ye mmɔŋ-ŋwed ŋwet. Edi mmenyene idori-enyin, nte nyedi ke ɔtɔ mbufo, nneme nneme ye mbufo iso ye iso, man mbufo enyene ɔyɔhɔ idaresit.