1ŊWED TIMOTHY 4:3 - Edisana ñwed Abasi Ibom

³ Mmɔ oro ebiɔŋɔ owo ndidɔ ndɔ, enyuŋ ewuk ete ebet nsio-nsio oruk udia, emi Abasi okobotde ete mmɔ emi enimde ke akpanikɔ enyuŋ efiɔkde akpanikɔ ebɔ edia ye ekɔm.

1ŊWED TIMOTHY 4:3 ပူးပေါင်းရင်းမြစ်များ

GENESIS 9:3

Kpukpru se inyɔnide eke odude uwem eyedi udia mbufo; mmada kpukpru nnɔ mbufo, kpa nte ŋkadade awawa ikɔŋ nnɔ.

ECCLESIASTES 5:18

Se ŋkpɔ emi ami nsede ke eti ŋkpɔ, ye ke ediye ŋkpɔ, kpa owo ndidia nnyuŋ ŋŋwɔŋ, nnyuŋ ŋkut se ifɔnde ke kpukpru utom esie, eke enye anamde ke idak utin, ke adaŋa ibat mme usen esie eke Abasi ɔnɔde enye: koro udeme esie edi oro.

DANIEL 11:37

Enye idinyuŋ ikereke mme abasi mme ete esie, idinyuŋ ikereke se iban emade, ikereke baba abasi kiet: koro enye eyenim idem esie ke akamba akan kpukpru.

MATTHEW 14:19

Ndien Enye ɔnɔ mme otu owo uyo, ete, esuhɔre etetie ke mbiet; onyuŋ emen uyo ition ye iyak iba oro, emenere enyin ese enyɔŋ, ɔdiɔŋ mmɔ, onyuŋ obuŋ uyo, ayak ɔnɔ mbet, mbet enyuŋ eyak enɔ mme otu owo.

MATTHEW 15:11

Idige se idukde owo ke inua asabare owo, edi se iwɔrɔde owo ke inua, ke edi oro asabare owo.

MATTHEW 15:36

onyuŋ emen uyo itiaba ye iyak oro; ndien ke ama ɔkɔnɔ ekɔm, obuŋ, ayak ɔnɔ mbet; mbet enyuŋ enɔ otu owo.

LUKE 24:30

Enye oduk akadaŋ ye mmɔ Ekem ke ini Enye etiede ye mmɔ ke itie-udia, Enye emen uyo, ɔdiɔŋ, obuŋ, ayak ɔnɔ mmɔ.

JOHN 6:23

(Edi mme ubom eto ke Tiberias edikpere ebiet oro mmɔ ekadiade uyo, ke Ɔbɔŋ ama ɔkɔnɔ ekɔm.)

UTOM MME APOSTLE 27:35

Ndien ke enye ama eketiŋ ntem, enye emen uyo, ɔnɔ Abasi ekɔm ke iso kpukpru mmɔ, onyuŋ obuŋ, ɔtɔŋɔ ndita.

ŊWED MBON ROME 14:17

Koro Ubɔŋ Abasi idige edidia ŋkpɔ ye ediŋwɔŋ ŋkpɔ, edi edi edinen ido ye emem ye idaresit emi odude ke Edisana Spirit.

ŊWED MBON ROME 14:3

Yak andidia okuse anditre ndidia ke mbio, anditre ndidia okunyuŋ ekpe ikpe ye andidia; koro Abasi ama adara enye.

ŊWED MBON ROME 14:6

Owo eke okponode usen okpono enye ɔnɔ Ɔbɔŋ: owo eke onyuŋ adiade ŋkpɔ adia ɔnɔ Ɔbɔŋ, koro enye ɔnɔde Abasi ekɔm: enye eke minyuŋ idiaha etre ndidia ɔnɔ Ɔbɔŋ, enye ŋko onyuŋ ɔnɔ Abasi ekɔm.

1 ŊWED CORINTH 6:13

Ebot udia enɔ idibi, enyuŋ ebot idibi enɔ udia; edi Abasi eyenam mmɔ mbiba ewɔrɔ ikpikpu.

1 ŊWED CORINTH 7:28

Edi edieke afo ɔdɔde ndɔ, uduehe; edieke eyen-aŋwan ɔdɔde ndɔ, enye inyuŋ iduehe. Edi mmɔ emi enamde ntre eyekut ukut ke obukidem, ndien ɔdɔŋ mi nte mbufo ebɔhɔ ukut oro.

1 ŊWED CORINTH 8:8

Edi udia inamke nnyin inyene eti itie ke iso Abasi. Edieke nnyin midiaha, inamke nnyin idiɔk; onyuŋ edieke nnyin idiade, inamke nnyin ifɔn.

ŊWED MBON COLOSSAE 2:16

Mmɔdo ekuyak baba owo kiet ekpe ikpe ɔnɔ mbufo ke se mbufo ediade, ye ke se mbufo eŋwɔŋde, ye ke ido eke mbufo enimde usɔrɔ ye obufa ɔfiɔŋ ye sabbath.

ŊWED MBON COLOSSAE 3:17

Sededi mbufo enyuŋ enamde ke ikɔ ye utom enam kpukpru ke enyiŋ Ɔbɔŋ Jesus, enɔ Ete ekɔm oto ke Enye.

1ŊWED TIMOTHY 2:4

emi oyomde kpukpru owo enyene erinyaŋa, enyuŋ esim ifiɔk akpanikɔ.

1ŊWED TIMOTHY 4:4

Koro kpukpru se Abasi obotde ɔfɔfɔn, inyuŋ idige se owo ekpesinde, edieke ebɔde enye ye ekɔm;

1ŊWED TIMOTHY 5:14

Nyom ndien mme ebe-akpa emi misɔŋke edɔ ndɔ, enyuŋ eman nditɔ, enyuŋ ekpeme ufɔk, ekunyuŋ enɔ mme asua ifet ndisuene nnyin:

MME HEBREW 13:4

Yak kpukpru owo ebat ndɔ ke ŋkpɔ eke ekponode ekunyuŋ esabare bed ndɔ; koro Abasi eyekpe ikpe ye mbon use ye mme esin-efibe.

MME HEBREW 13:9

Ekuyak nsio-nsio esen ukpepŋkpɔ osio mbufo ke itie mbufo. Ɔfɔn esit enyene nsɔŋ-nda ke mfɔn Abasi, okuda ke nsio-nsio oruk udia; koro ido oro ikodorike mmɔ emi esaŋade esit.

1 SAMUEL 9:13

nte mbufo edukde ke obio, eyekut enye ini kiet, ke enye mika-idɔkke kaŋa ke edikoŋ ebiet ndidia ŋkpɔ: koro mbio-obio midiaha ŋkpɔ tutu enye edi, koro enye eyediɔŋ uwa; ndien mmɔ emi ekotde edidia. Ekam edɔk, ndien; koro mbufo eyekut enye ke emi.