1ŊWED TIMOTHY 3:3 - Edisana ñwed Abasi Ibom

³ Enye ikpe-dige owo mmin, ye owo mfiomo; edi enyene ndidi suŋ-suŋ owo, emi midige owo utɔk, minyuŋ isinke esit ke okuk.

1ŊWED TIMOTHY 3:3 ပူးပေါင်းရင်းမြစ်များ

MME ŊKE 1:19

Mme usuŋ kpukpru mmɔ eke mbume ɔdɔŋde mmɔ, etie ntem; enye (mbume) ɔbɔ andinyene enye uwem.

MME ŊKE 15:27

Adia idiɔk udori ɔtuhɔ ufɔk esie: edi owo eke asuade enɔ enye eyedu uwem.

ECCLESIASTES 7:8

Utit ŋkpɔ ɔfɔn akan eritɔŋɔ ŋkpɔ: ndien ime esit ɔfɔn akan mkponesit.

ISAIAH 28:1

IFƆNKE fɔn inɔ edikoŋ anyanya mbon mmin Ephraim, ye ediyemere ikɔŋ ediye mbana esie emi odorode ke ibuot eti itihere isɔŋ mmɔ eke wine amiade.

ISAIAH 28:7

Edi wine esin kpa mme mmɔ emi ŋko edue, mmin onyuŋ anam mmɔ etun usuŋ; mmin esin oku ye prophet edue, wine emen mmɔ esin ke idibi, mmin anam mmɔ etun usuŋ; mmɔ edue ke ŋkukut, eteŋ ke itie ikpe.

JEREMIAH 6:13

Koro kpukpru mmɔ, ɔtɔŋɔde ke ŋkpri, tutu osim ikpɔ, esin enyin; kpukpru mmɔ, ɔtɔŋɔde ke prophet, tutu osim oku,

JEREMIAH 8:10

Mmɔdo nyeda iban mmɔ nnɔ owo eŋwen, nyemen iŋwaŋ mmɔ nnɔ owo eke edidade mmɔ enyene: koro ŋkpri ye ikpɔ kpukpru kiet kiet enyene isin-enyin, prophet ye oku kpukpru enam abiaŋa.

EZEKIEL 44:21

Kuyak baba oku kiet ɔŋwɔŋ wine, ke ini mmɔ edukde ke esa.

LEVITICUS 10:9

Kuŋwɔŋ wine ye mmin, afo, ye nditɔ fo ŋko, ke ini mbufo edukde efe esop, mbak mbufo edikpaŋa: nsinsi ewuhɔ edi emi ke ofuri emana mbufo:

MICAH 2:11

Edieke owo asaŋade ke spirit ye ke abiaŋa, edisu nsu, ete, Ami nyetiŋ nnɔ fi mbaŋa wine ye mmin; edi enye edidi etiŋ-ikɔ ɔnɔ mbio-obio emi.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 3:5

Ntem ke Jehovah ɔdɔhɔ abaŋa mme prophet eke esinde ikɔt mi edue, eke edade edet mmɔ edom owo, ndien ekwɔrɔ, ete, Emem; ndien ama edi owo eke misinke mmɔ ŋkpɔ ke inua, mmɔ etim ŋkpɔ ekɔŋ etiene enye;

MALACHI 1:10

Anie ke idem otu mbufo edisin itim? Mbufo inyuŋ ibarake ikaŋ ke itie-uwa mi ke ikpikpu. Jehovah mme udim ɔdɔhɔ ete, Mbufo inemke mi esit baba; inuak-udia emi orode mbufo ke ubɔk inyuŋ inemke mi esit.

MATTHEW 21:13

onyuŋ ɔdɔhɔ mmɔ ete, Ewet ete, ufɔk Mi eyekere ete, ufɔk akam, edi mbufo emanam enye akabare edi itie mbon-ŋwo.

UTOM MME APOSTLE 20:33

Ŋkesinde esit ke silver, mme gold, mme edisine-ŋkpɔ owo baba kiet.

ŊWED MBON ROME 16:18

Edianare ekpɔŋ mmɔ. Koro mmɔ emi etiede ntre inamke utom inɔ Ɔbɔŋ nnyin Christ, edi enam enɔ mme idiɔk udɔŋ mmɔ: ndien mmɔ eda nnem-inua ye inem-inem ndutiŋ eyut mme ɔkɔi esit ekabare.

ŊWED MBON EPHESUS 5:18

Ekunyuŋ ekpa mmin; oro ɔwɔrɔ otime -otime ido: edi eyɔhɔ ye spirit.

1 ŊWED THESSALONICA 5:14

Edu ke emem ke ufɔt mbufo. Imonyuŋ ikpe ye mbufo, nditɔ-ete, esua enɔ mmɔ eke esaŋade otime-otime, esɔŋɔ mbon iduɔ-esit idem, ekama mbon mmem-idem, enyene anyan ime ye kpukpru owo.

1ŊWED TIMOTHY 3:8

Kpasuk ntre mme deacon enyene ndidi owo emi edotde ukpono. Mmɔ ekunyene edeme-ikɔ iba, ekunyuŋ emehe ye ediwak wine, ekunyuŋ esin esit ke obukpo udori;

2 ŊWED TIMOTHY 3:2

Koro mme owo eyedi mme ama idem, ye mme ama inyene; enyuŋ ebure idiɔk mbure, eseri iseri, esuŋi isuŋi, esɔŋ ibuot ye ete ye eka, enana esit ekɔm, enana uteŋe Abasi,

TITUS 1:11

Ana nte ekibi mmɔ inua; koro mmɔ ekpep mme owo se mikemke ke ntak idiɔk udori, enyuŋ ekabare ofuri ufɔk ewuri.

TITUS 1:7

Koro ada idaha ufɔk Abasi enyenede ndidi owo eke mme owo minyeneke se etiŋde edian, nte akama-ukpɔhɔre Abasi. Enye inyeneke ndidi itun, inyeneke ndisɔp nyat esit, inyeneke ndidi owo mmin ye ifiopesit, enye ikponyuŋ idiɔkke itɔŋ ibine idiɔk udori.

TITUS 2:3

Kpep ŋkani iban ŋko ete, esaŋa ke ido uteŋe, ekudi mbon ebiari, ekunyuŋ eyak mmin akan mmɔ,

TITUS 3:2

Ekusuŋi baba owo kiet, ekunyuŋ edi mbon utɔk; edi etie ifure-ifure, enyuŋ ewut kpukpru owo suŋ-suŋ ido.

MME HEBREW 13:5

Ekukɔmɔ ke ima inyene; enemesit ye se mbufo enyenede; koro Abasi ɔdɔhɔde ete, Ndikpuhu fi, ndinyuŋ ŋkpɔŋke fi.

JAMES 4:1

EKƆŊ ye eŋwan eto mmɔŋ edu ke otu mbufo? Nte mmɔ itoho ke ŋkpɔ emi, kpa ke mme mbre mbufo, emi eŋwanade ekɔŋ ke ndido mbufo?

1 PETER 5:2

nnyuŋ ndide ntiense ndutuhɔ Christ, nnyuŋ ndide abuana ke ubɔŋ emi ediya-rarede, nte, Ekpeme udim-erɔŋ Abasi emi odude ke otu mbufo; ese ebaŋa mmɔ ke ima esit nte Abasi oyomde, ekuyak etie nte enyenyik mbufo; ekunam emi ebaŋa mbukpo udori, edi enam ke erinyime esit;

2 PETER 2:3

Ke mbumek mmɔ ke eyeda ikɔ abiaŋa ekama mbufo enam mbubine; toto ke eset ubiom-ikpe mmɔ itreke ndibine mme mmɔ emi, nsobo mmɔ inyuŋ iyetke idap.

JUDE 1:11

Idifɔnke fɔn inɔ mmɔ! koro mmɔ ekasaŋade ke afaŋ Cain, enyuŋ eduɔkde idem ke nduyo Balaam ke ntak udori, enyuŋ etak ke nsɔŋ-ibuot Korah.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.

1 SAMUEL 8:3

Edi nditɔ esie isaŋake ke usuŋ esie, edi ewaha etiene udori, enyuŋ ebɔ inyene ekwaŋa ikpe.