1ŊWED TIMOTHY 1:3 - Edisana ñwed Abasi Ibom

³ Ke adaŋemi mbede ŋkaka ke Macedonia, ŋketeme fi nte osuk etie ke Ephesus, man ɔsɔŋɔ ɔnɔ ndusuk owo do uyo ete mmɔ ekukpep owo ukpep-ŋkpɔ eke ɔkpuhɔrede ye se nnyin ikekpepde,

1ŊWED TIMOTHY 1:3 ပူးပေါင်းရင်းမြစ်များ

UTOM MME APOSTLE 18:19

Ekem mmɔ edisim ke Ephesus, ndien enye ɔkpɔŋ mmɔ oro do: edi enye ke idem esie oduk ke synagogue, ebuen ikɔ ye mme Jew.

UTOM MME APOSTLE 18:21

ete mmɔ, Nyefiak ndise mbufo ke Abasi amade: ntem ke enye osio ɔkpɔŋ Ephesus.

ŊWED MBON ROME 15:26

Koro ama enem mbon Macedonia ye Achaia ke enyin ndinam etibe nnɔ esɔk nditɔ ubuene eni edude ke otu ikɔt Abasi ke Jerusalem.

ŊWED MBON ROME 16:17

Mmekpe mbufo ubɔk nditɔ-ete, ekama enyin ese mmɔ emi etɔde ubahare ke otu mbufo, enyuŋ enamde ŋkpɔ esin owo eduɔ, minyuŋ isaŋake ikekem ye erikpep eke ekekpepde mbufo ete enam.

2 ŊWED CORINTH 11:4

Koro edieke owo edide edikwɔrɔ Jesus eke ɔkpuhɔrede ye Jesus eke nnyin ikɔkwɔrɔde, onyuŋ edieke mbufo ebɔde spirit eke ɔkpuhɔrede ye Spirit emi mbufo ekɔbɔde, enyuŋ ekopde gospel eke edide isio ye gospel emi mbufo ekokopde ke inua nnyin, mbufo eme ime ye owo oro eti-eti.

ŊWED MBON EPHESUS 4:14

man nnyin ikudi aba nditɔwɔŋ, emi ukpep-ŋkpɔ etode ke nsio-nsio edem ebara nte ofim emen etop eduɔk, eda nnyin ediyo ke ŋkari owo eke efiɔkde nditibi usuŋ abiaŋa;

ŊWED MBON PHILIPPI 2:24

Edi mmonim ke Ɔbɔŋ nte ami ke idem mi nyewara ndi.

1ŊWED TIMOTHY 4:11

Sɔŋɔ nɔ mmɔ uyo emi, nyuŋ kpep mmɔ.

1ŊWED TIMOTHY 4:6

Edieke afo emende mme ŋkpɔ emi esin nditɔ-ete ke ekikere, afo eyedi, eti anam-utom Christ Jesus, emi ekebɔkde fi ke ikɔ mbuɔtidem ye eti ukpep-ŋkpɔ, eke afo akasaŋade ke esit.

1ŊWED TIMOTHY 5:7

Nɔ uyo emi ndien, man mmɔ ekunyene se edoride mmɔ.

1ŊWED TIMOTHY 6:10

Koro itɔŋ inyene edi oruŋ kpukpru oruk mme idiɔk-ŋkpɔ; ndien ke erinyanare mbine enye, ndusuk owo ema eyo ekpɔŋ mbuɔtidem, enyuŋ eda ediwak mfuhɔ enɔ idem mmɔ unan.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

1ŊWED TIMOTHY 6:3

Kpep nyuŋ teme mmɔ enam ntem. Edieke owo ekededi ekpepde oruk ŋkpɔ eŋwen, minyuŋ inyimeke inɔ nti ikɔ, kpa ikɔ Ɔbɔŋ nnyin Jesus Christ, ye ukpep-ŋkpɔ eke ekemde ye uteŋe Abasi,

2 ŊWED TIMOTHY 1:18

Ɔbɔŋ akpakam ayak enye okut mbɔm ke ubɔk Ɔbɔŋ ke usen oro. Afo omonyuŋ otim ɔfiɔk adaŋa nte enye anamde ediwak ŋkpɔ ɔnɔ mi ke Ephesus.

2 JOHN 1:7

Koro ediwak mbon abiaŋa ema ewɔŋɔ ekeduk ke ererimbot, kpa mmɔ emi minyimeke ite, Jesus Christ ama edi ke obukidem. Utɔ owo oro edi owo abiaŋa ye andibiɔŋɔ Christ.

ERIYARARE 2:14

Edi mmenyene ndusuk ŋkpɔ eke ndade mbiom fi, ete, emenyene ndusuk owo do eke emumde ukpep-ŋkpɔ Balaam ekama, emi ekekpepde Balak ndinim ŋkpɔ-iduɔ ke iso nditɔ Israel, ete edia se ekewade enɔ ndem, enyuŋ enam use:

ERIYARARE 2:20

Edi mmenyene se ndade mbiom fi, ete, ayak itie ɔnɔ ŋwan oro, Jezebel, emi okotde idem prophet-aŋwan; onyuŋ adade abiaŋa ekpep ikɔt Mi ndinam use, nnyuŋ ndia se ekewade enɔ ndem.