Uru ngai etikirighi Pol ghe pitiela ta aRom atoa 8:1 - Mussau-Emira

¹ Liuna avalua o me ghaine lo atoa la tokatoka ta Iesu Karisto, God karika emene tautaula sesa aipolipoli etaira.

Uru ngai etikirighi Pol ghe pitiela ta aRom atoa 8:1 ပူးပေါင်းရင်းမြစ်များ

2 Korint 5:17

Isaa avalua o me arova lo ateva etokatoka ta Karisto, ia emene oouna. Me voto pokane ang ghe kapala, me ouna ang ghe mene lutula etana!

Galaisia 3:13

Karisto ghe ghaa oghitala tale nikasikiena tale inangari nipaopao nau ia ghe ghaala liuita tale nikasikiena, poli laghe pitila tale Uru ngai Manga va, “Nikasikiena ta lo ateva esae vukala tale ai eteae.”

Uru ngai etikirighi Pol ghe pitiela ta aRom atoa 5:1

Liuna avalua o, nau angita ghe ghulughuluenala ta matane God tale niaiesoaa, ngita ghe tokala tale luei tee God, poli uunguaane Vauita ateva Iesu Karisto.

1 Korint 1:30

Poli mausi God am ghe kateva nonga iemla ta Iesu Karisto. Ghe maeaa sio alomasaanga etaita, me ita ghe ghulughuluenala me ita ghe mangala, me ghe ghaa oghitala tale gheeleiaa ssavoto atoa.

Uru ngai etikirighi Pol ghe pitiela ta aRom atoa 8:34

O see aue emene tau mae etaita sesa aipolipoli mausi ssavoto? Poli Karisto Iesu ghe matela me God ghe totuela, me ia ghaine etokatoka tale pai muenna ativilau ta God tani sama tee God mausiita.

Masi kiukiu Jon ghe pitiela 5:24

“Aghaaulia ngakoronna etaimim va lo ateva enongo inangarighi, me eaikaaiaa ta lo ateva ghe sungieghila va asio, maamauluaane aue etoka amasina nau ekapa atoa, me karika aue eghaa sesa aipolipoli tale niaisakei, poli ang ghe kasu vulila nimate, me ang ghe tokala tale maulue.

Masi kiukiu Jon ghe pitiela 15:4

Am toka etaghi me aue atoka etaimim. Laa ngai eteva karika aue righi uenenna arova etam tuutuu tale aina ateva. Nongina am, arova am tam toka etaghi, karika aue am kuneaa righi ue ngai.

Pilipae 3:9

Me aue atoka ta ngetana, me karika aue aghulughuluena tale uunguaa inangari nipaopao, ta aghulughuluena tale niaikaaiaa kanna Karisto, me isaa o nighulughuluena ghe kasula ta God tale niaikaaiaa.

Uru ngai etikirighi Pol ghe pitiela ta aRom atoa 8:14

poli lo atoa kapuna Spiriti eteva God ekaakatulainila, ila natuna ila God.

1 Korint 15:22

Poli mausi Adam ita akapaaili aue ita mate, me mausi Karisto aue ita maulue.

Galaisia 5:16

Liuna avalua o me aue va, am toka tale uunguaa Spiriti me karika aue am usilaa nannaaimim tani ghelei sesa niuungu.

Uru ngai etikirighi Pol ghe pitiela ta aRom atoa 8:4

Karisto ghe ghelei ekapala voto ghulughuluena inangari nipaopao eue va ita ghelei, me karika ita mene toka tale nim sesa gheeleiaaita, ta ita aimuli tee Spiriti eteva.

Uru ngai etikirighi Pol ghe pitiela ta aRom atoa 8:39

me karika va tale elomarase o isaa oia euu tale kosa ateva, o isaa akapaaili voto God ghe gheleila eroo tani atoka apolapolaita tale aielousiaane ateva God, ghe mae sio ta Karisto Iesu kapuita Vau palepale ia.

Galaisia 5:25

Poli ita tokatoka tale Spiriti, ita kasu tee Spiriti eteva.

Galaisia 3:28

Am akapaaili ang ghe kateva nonga iemla ta Iesu Karisto: karika teva aJiu o aGrik, me karika toa tau ngai uungu me lo atoa la tokatoka tale aloannaaira, me karika toa vause me taita.

Masi kiukiu Jon ghe pitiela 14:20

Me ia o nau eteva aue am kila va aghi ta Tamaghi, me am etaghi, me aghi etaimim.

Uru ngai etikirighi Pol ghe pitiela ta aRom atoa 7:20

Arova agheeghelei voto karika aghaloanna tani ghelei, karika va aghi agheelei, ta ssavoto ateva etokatoka etaghi, ia egheeghelei.

Uru ngai etikirighi Pol ghe pitiela ta aRom atoa 7:17

Nongina avalua o, karika va aghi agheeghelei, ta poli ssavoto ateva etokatoka etaghi egheeghelei.

2 Korint 12:2

Akilakila kateva taumattu eaimuli tee Karisto, kasangaulu ghaatiae (14) ninamanama ang ghe lao sio God ghe ghaaie saela epona liu (karika akilakila va ghe saela nongina va taumattu ngateva o tale ninannaa — God nonga ekilakila).

Uru ngai etikirighi Pol ghe pitiela ta aRom atoa 16:7

Am sou tee Andronikus me Jiunia tale nimasimasi, ilalua tee aJiu ilalua, me ami ghe karavusu eitauaala. Apostolo ilalua, me taumattu ngakapa atoa la oneoneainilalua, me lalu ghe kila akasinala Iesu, me aghi avirina.

Uru ngai etikirighi Pol ghe pitiela ta aRom atoa 16:3

Am asaoki masimasiaaghi ta Prisila me Akuila, lalu uungu eitauaa teeieghi ta Karisto Iesu.

Uru ngai etikirighi Pol ghe pitiela ta aRom atoa 5:16

Me tee kanna voto God ghe nim tau mae sio me kanna ssavoto kateva nonga taumattu, karika lalu lao aitauaa. Karika poi! Ia o kanna ssavoto ateva ghe gheleila me God ghe gheleila niaisakei ta taumattu ngatoa, me ghe uela va, “Aue la ghaa sesa aipolipoli.” Me kanna voto God enim tautau mae isaa avalua toko, nau eteva oroi taumattu ngatoa laghe gheleila ssavoto, God ghe aselala va ghulughuluena ila.

Uru ngai etikirighi Pol ghe pitiela ta aRom atoa 8:2

Poli ta Karisto Iesu, sarasarakaniaa Spiriti eteva etautau aatu maulue ateva, me ghe ghaa veluola tale sarasarakaniaa ssavoto ateva etautau aatu nimate.

Uru ngai etikirighi Pol ghe pitiela ta aRom atoa 8:9

Am karika va am mene tokatoka tale sesa aaloannaimim, ta tale Spirit Manga ateva kanna ia God, arova ia etaimim. Me marova lo atoa taumattu Spiriti eteva kanna ia Karisto karika ia etaira, karika poi va kapuna ila Karisto.

Uru ngai etikirighi Pol ghe pitiela ta aRom atoa 8:11

Me marova Spiriti eteva kanna ia lo ateva ghe totula Iesu tale nimate etokatoka etaimim, ia o God ateva ghe totula Karisto tale nimate, aue emene tau aatu tee maulue tale isaa o vilikiimim ematemate, tale kanna Spiriti eteva ia etaimim.

Galaisia 3:26

Am akapaaili natuna iem God poli aikaaiaaimim ta Karisto Iesu.

Ipises 1:1

Aghi, Pol, kapuna apostolo ieghi Iesu Karisto, tale aloannaane God. Apitipiti etaimim kapuna taumattu ngatoa God, am tokatoka eIpises, am aiesoaa ta Iesu Karisto.