Uru ngai etikirighi Pol ghe pitiela ta aRom atoa 10:9 - Mussau-Emira

⁹ Va, arova uaulia ngaotu tale paam ateva va, “Iesu ia Vau ngepona ia,” me uaikaaiaa tale urunguitanim ateva va God ghe totuela tale nimate, aue usaanga.

Uru ngai etikirighi Pol ghe pitiela ta aRom atoa 10:9 ပူးပေါင်းရင်းမြစ်များ

Masi kiukiu Luk ghe pitiela 12:8

“Aghaauliaa etaimim, va lo ateva eaulia ngaotu ta taumattu ngatoa va kapughi ia, aue Natuna ateva Taumattu ngateva eaulia ngaotua ta kapuna ensolo atoa God va ia kapuna ia.

Apostolo 16:31

Lalu ghe liula me lalu ghe uela etana va, “Uaiesoaa ta Vau ngepona Iesu, me aue usaanga, io me kapum atoa tanganuem.”

Pilipae 2:11

me ila akapa aue la ghaulia ngaotu va Iesu Karisto Vau ngepona ia tale nitau sae ta God Tamaita ia.

1 Pita 1:21

Ta ngetana am ghe aiesoaala ta God, ia ghe totuela tale nimate me ghe asaesaela ararina ateae, liuna avalua o kaluimim niaikaaiaa me tuutuliimim am ghe atokala ta God.

Uru ngai etikirighi Pol ghe pitiela ta aRom atoa 8:34

O see aue emene tau mae etaita sesa aipolipoli mausi ssavoto? Poli Karisto Iesu ghe matela me God ghe totuela, me ia ghaine etokatoka tale pai muenna ativilau ta God tani sama tee God mausiita.

Uru ngai etikirighi Pol ghe pitiela ta aRom atoa 14:11

Poli nongina Uru ngai Manga ateva eue va, “Vau palepale eue va, ‘Koronna nongina va aghi maulue ieghi, taumattu ngakapaaili etoa aue la tturru etaghi, me ila akapaaili, aue la aulia ngaotu va aghi God.’”

1 Korint 12:3

Isaa avalua o me aghaauliaa etaimim va karika teva eaaippooaa tale aisausiaa kapuna Spiriti eteva God erooroo tani ue va, “Nikasikiena esae ta Iesu,” me karika teva eroo tani ue va, “Iesu Vau ngepona ia,” arova Spirit Manga ateva karika emuemueinia.

2 Jon 1:7

Oroieili tau nikamekame atoa, karika la aulia ngaotu va Iesu Karisto ghe taumattula. Ngila ghe kasu ekapa seela tale kosa ateva, me isaa o ase taumattu, tau nikamekame ila, me tau ngai ssateena ila Karisto.

Masi kiukiu Jon ghe pitiela 9:22

Lalu ghe aulia ngavalua o poli lalu ghe maamatauta namuu ta aJiu etoa, ta namuu ta aJiu etoa laghe ue va arova lo atoa la ue va Iesu Mesaea ia, aue la tiu vella tale ale nivelu eitaua ngateva, me karika aue la mene mae kkaua teeila.

Apostolo 8:36

Lalu ghe iilou elaolao tale salana atikirighi me lalu ghe rekatala tale ateo ateae, me ghe uela namu ngateva oia va, “Tarala, ateo ateae o. Vaalua, karika urooroo tani asuueghi?”

Apostolo 2:24

God ang ghe totuela tale mammarikana nimate ateae, poli nimate ateae karika righi sarasarakaniaane tani poso aoghia.

Apostolo 2:32

Ia o Iesu, God ghe totuela tale nimate, ami oia ami ghe taraiela, me ami aaulia ngaotua.

Uru ngai etikirighi Pol ghe pitiela ta aRom atoa 4:24

Ta ita tee me eakorokoronganaita va God aue eue etaita tee va ghulughuluena ita, arova ita aiesoaa ta God ia ghe totula Iesu Vauita ia tale nimate.

Uru ngai etikirighi Pol ghe pitiela ta aRom atoa 10:10

Poli tale urunguitanim uaiesoaa me ughulughuluena ta matane God, me tale paam ateva uaulia ngaotu me aue usaanga.

Uru ngai etikirighi Pol ghe pitiela ta aRom atoa 14:9

Poli Karisto ghe matela me ghe mene totula tale maulue, God ghe aloannala va ia kapuira Vau ia matena atoa me maulue tee atoa.

1 Jon 4:15

Lo ateva eaulia ngaotu va Iesu Natuna ia God, God etokatoka etana, me ia ta God.