Masi kiukiu Mak ghe pitiela 4:12 - Mussau-Emira

¹² Liuna avalua o me inangari tale Uru ngai Manga ateva aue elutu ekoronna, poli, “‘aue la tara me karika aue la tara kila, aue la nongo me karika aloira aue emasaanga, la rau aikolikoliaa, me God ekkaluaa kaluira ssavoto.’”

Masi kiukiu Mak ghe pitiela 4:12 ပူးပေါင်းရင်းမြစ်များ

Masi kiukiu Luk ghe pitiela 8:10

Iesu ghe uela va, “Alomasaanga tale voto eaaisulia tale ararimangalina ateva God, Tamaghi ghe tau aatu sio etaimim, me ta mene katoa aghaauliaa kiukiu niaimatoonga, poli, “‘La taatara, me karika aue la tara kila; la nongonongo me karika la aalomasaanga tee.’

2 Timoti 2:25

Esioaa nannaane nau eloeloe taumattu ngatoa la ghaapasunga llo voto etam lao aitauaa tee Uru ngai Manga ateva, me koti God aue ekatulainila tani nna ngaioghioghi me la kila voto koronna,

Hibru 6:6

marova la katuu vulu, karika mene tikirighi salana tani mene oghi mae tale uunguaa ninna oghioghiaa. Tale isaa o llo la gheelei, la mene aavukala sae Natuna ateva God tale aikotoo, tani mene apalataia ghaluene tale tummatavanga.

Apostolo 3:19

Am aikolikoliaa me am nna ngaioghioghiaa tale kaluimim ssavoto, me God aue ekkaluaa, me esei velu kaluimim ssavoto.

Masi kiukiu Mak ghe pitiela 8:18

Mataimim karika etaatara? Talingaimim karika enongonongo? Karika am nannaa?